سەنبى, 1 ماۋسىم 2013 2:13
قۇقىق قورعاۋ ورگاندارى باتىس قازاقستان وبلىسىنىڭ تۋريزم, دەنە شىنىقتىرۋ جانە سپورت باسقارماسىنىڭ بۇرىنعى باستىعى ءمۇسىلىم وڭداعانوۆتىڭ ۇستىنەن 40 قىلمىستىق ءىس قوزعاپ وتىر. بۇل تۋرالى Tengrinews اگەنتتىگى حابارلادى. بۇعان ونىڭ ارىپتەس-سىبايلاستارى – دوپتى حوككەيدەن قازاقستان قۇراماسىنىڭ اعا جاتتىقتىرۋشىسى بولعان مارات مانگۋباەۆ پەن وليمپيالىق رەزەرۆ ورتالىعىنىڭ ديرەكتورى قونىس جەتپىسوۆتىڭ دە قاتىسى بار ەكەن.
سەنبى, 1 ماۋسىم 2013 2:13
قۇقىق قورعاۋ ورگاندارى باتىس قازاقستان وبلىسىنىڭ تۋريزم, دەنە شىنىقتىرۋ جانە سپورت باسقارماسىنىڭ بۇرىنعى باستىعى ءمۇسىلىم وڭداعانوۆتىڭ ۇستىنەن 40 قىلمىستىق ءىس قوزعاپ وتىر. بۇل تۋرالى Tengrinews اگەنتتىگى حابارلادى. بۇعان ونىڭ ارىپتەس-سىبايلاستارى – دوپتى حوككەيدەن قازاقستان قۇراماسىنىڭ اعا جاتتىقتىرۋشىسى بولعان مارات مانگۋباەۆ پەن وليمپيالىق رەزەرۆ ورتالىعىنىڭ ديرەكتورى قونىس جەتپىسوۆتىڭ دە قاتىسى بار ەكەن.
قازىر وسىعان بايلانىستى ءبىر مەزگىلدە قاتارلاسا تەكسەرىلىپ جاتقان نىسانداردىڭ سانى وننان اسىپ كەتتى. ولاردىڭ ءتىزىمىندە ايماقتىڭ تۋريزم, دەنە شىنىقتىرۋ جانە سپورت باسقارماسى, سونداي-اق سپورت مەكتەپتەرى بار. دەرەككوزدەردىڭ ايتۋلارىنا قاراعاندا, سپورت مەكتەپتەرىنىڭ باسشىلارى, جاتتىقتىرۋشىلار مەن سپورتشىلار قازىر وسى تاقىرىپقا قاتىستى «بارىنشا قىزىقتى جاۋاپتار» بەرىپ جاتقان كورىنەدى. ال تاياۋ كۇندەرى بۇرىنعى سپورت شەنەۋنىگى قۇرعان ۇيىمداسقان قىلمىستىق توپتىڭ باسقا دا ءمۇشەلەرى قاماۋعا الىناتىن سياقتى.ەسكە سالا كەتەيىك, ۇستىمىزدەگى جىلعى 27 ءساۋىر كۇنى ورال قالالىق سوتى ءمۇسىلىم وڭداعانوۆتى بيۋدجەت قارجىسىن ۇرلادى دەگەن كۇدىكپەن ەكى ايعا قاماۋعا سانكتسيا بەرگەن. سوسىن سونىڭ الدىندا قامالعان ونىڭ بۇرىنعى قىزمەتكەرلەرى جەتپىسوۆ پەن مانگۋباەۆتان تاپ وسى قىلمىسقا بايلانىستى جاۋاپ الىنىپ جاتقانى بەلگىلى بولدى. ولارعا قىلمىستىق كودەكستىڭ «سەنiپ تاپسىرىلعان بوتەن مۇلiكتi يەلەنiپ الۋ نەمەسە ىسىراپ ەتۋ» بابى بويىنشا ايىپ تاعىلعان ەدى.قازىر وسىنداي 40 دەرەك بويىنشا قىلمىستىق ءىس تەرگەلىپ جاتىر.قۇرىش نۇرىمبەت.