ماسەلەن, ماۋسىمنىڭ 23-ءى كۇنى تاڭعى ساعات 10.30 شاماسىندا اقوبا اۋىلدىق وكرۋگىنە قاراستى ماڭگۇر جانە درۋجبا مالشى قىستاقتارىنىڭ ارالىعىنان, ادايباي سۋ قويماسىنىڭ جانىنان اقبوكەننىڭ 4 ءولى دەنەسى تابىلعان.
جەدەل ىزدەستىرۋ شارالارىنىڭ ناتيجەسىندە وسى قىلمىسقا كىنالى دەگەن كۇدىكپەن جانىبەك اۋدانىنىڭ 40 جانە 28 جاستاعى قوس تۇرعىنى تۇتقىندالدى.
وقيعا ورنىنان 12 كاليبرلى «يج-54» قوساۋىز مىلتىعى, 5 پاترون جانە ەكى ۆەلوسيپەد تابىلعان.
قازىر وسى وقيعا بويىنشا جانىبەك اۋداندىق پوليتسيا ءبولىمى قازاقستان رەسپۋبليكاسى قىلمىستىق كودەكسىنىڭ 337 بابى, 4 بولىگى جانە 339 بابىنا سايكەس سوتقا دەيىنگى تەرگەۋ جۇرگىزۋدە.
وكىنىشكە قاراي, جانىبەكتە مۇنداي وقيعا ءجيى قايتالانىپ تۇر. ماۋسىمنىڭ 25-ءى كۇنى دە وسى اۋداننىڭ كۇيگەنكول اۋىلدىق وكرۋگىنە قاراستى استاۋسالعان مالشى قىستاعى ماڭىنان پوليتسيا قىزمەتكەرلەرى مەن «وحوتزووپروم» ينسپەكتورلارى 1973 جىلى تۋعان ازاماتتى ۇستاعان. ويتكەنى ول موتوتسيكلىنە ەكى كيىكتىڭ دەنەسىن سالىپ العان ەكەن. ءتىنتۋ جۇرگىزگەندە موتوتسيكل بەسىگىنەن 4 ءمۇيىز, پىشاق, 12 كاليبرلى قوساۋىز مىلتىق جانە پاتروندار شىققان.
بۇل وقيعا بويىنشا دا سوتقا دەيىنگى تەرگەۋ شارالارى باستالدى. ساراپتامالار تاعايىندالعان.
ايتا كەتەيىك, 2019 جىلعى اۋە ساناعىنىڭ ناتيجەسىندە قازاقستاندا 334 400 باسقا جەتكەنى حابارلانعان بولاتىن. سونىڭ ىشىندە ءۇستىرت ايماعىندا – 5900, بەتباقدالا وڭىرىندە – 111500 باس كيىك بولسا, ورال پوپۋلياتسياسىنداعى اقبوكەن سانى – 217 مىڭ باسقا جەتكەنى ايتىلعان.
باتىس قازاقستان