جۇما, 5 ءساۋىر 2013 2:37
قازىر جۇرت: «سوت – ادىلدىك ارقاۋى», دەپ ءجيى ايتاتىن بولدى. ارينە, ونىڭ وزىندىك سەبەبى دە بار ەكەنى راس. ويتكەنى, وزگەدەن ءزابىر كورگەن, شەنەۋنىكتەردىڭ وزبىرلىعىنا ۇشىراعان, ناقاقتان جالا جابىلعان جاندار ادىلدىك ىزدەپ ەڭ سوڭعى ارقاۋى – جوعارعى سوتقا جۇگىنەدى. سول جەردە ولاردىڭ ۇكىلى ۇمىتتەرى اقتالىپ, قۇقىقتارى قورعالادى. ەڭ باستىسى, شىرمالعان شىندىق وسى جەردە شىڭىراۋدان شىعارىلىپ, جاريا ەتىلەدى. مىنە, سونىڭ ءبىر ايعاعىنداي, جوعارعى سوت توراعاسى بەكتاس بەكنازاروۆتىڭ كەزەكتى قابىلداۋىنا كەلگەن ون ادامنىڭ شاعىمى, نەگىزىنەن, سوت اكتىلەرىنە قاتىستى بولدى.
جۇما, 5 ءساۋىر 2013 2:37
قازىر جۇرت: «سوت – ادىلدىك ارقاۋى», دەپ ءجيى ايتاتىن بولدى. ارينە, ونىڭ وزىندىك سەبەبى دە بار ەكەنى راس. ويتكەنى, وزگەدەن ءزابىر كورگەن, شەنەۋنىكتەردىڭ وزبىرلىعىنا ۇشىراعان, ناقاقتان جالا جابىلعان جاندار ادىلدىك ىزدەپ ەڭ سوڭعى ارقاۋى – جوعارعى سوتقا جۇگىنەدى. سول جەردە ولاردىڭ ۇكىلى ۇمىتتەرى اقتالىپ, قۇقىقتارى قورعالادى. ەڭ باستىسى, شىرمالعان شىندىق وسى جەردە شىڭىراۋدان شىعارىلىپ, جاريا ەتىلەدى. مىنە, سونىڭ ءبىر ايعاعىنداي, جوعارعى سوت توراعاسى بەكتاس بەكنازاروۆتىڭ كەزەكتى قابىلداۋىنا كەلگەن ون ادامنىڭ شاعىمى, نەگىزىنەن, سوت اكتىلەرىنە قاتىستى بولدى.
ماسەلەن, ەسىرتكى تاراتقانى ءۇشىن جازاسىن وتەپ جاتقان ازاماتتىڭ ادۆوكاتى ونىڭ زاڭسىز سوتتالعانى تۋرالى پىكىرىن ءبىلدىردى. قورعاۋشىنىڭ ايتۋىنشا, قىلمىس دۇرىس سارالانباعان, سونداي-اق سوتتار كەيبىر كۋالەردىڭ ايعاقتارىن نازارعا الماعان. ال الماتى قالاسى تۇرعىنىنىڭ مۇددەسىن ءبىلدىرىپ كەلگەندەردىڭ ءبىرى تالاپكەرلەردىڭ اتا-اناسى قايتىس بولعاننان كەيىن قالعان مۇرالىق م ۇلىكتى ءادىل بولۋگە كومەكتەسۋدى ءوتىندى. ونىڭ ايتۋىنشا, سوتتار وسى ازاماتتىق ءىستى دۇرىس قاراماعاندىقتان ەسەپتەۋ كەزىندە قاتەلىكتەرگە جول بەرىلگەن.قابىلداۋعا كەلگەندەردىڭ ىشىندە تاعى ءبىر تالاپكەردىڭ وكىلى بولدى. وڭىرلىك الەۋمەتتىك قورعاۋ دەپارتامەنتىنىڭ وسى تالاپكەردىڭ مۇگەدەكتىگىنە بايلانىستى زەينەتاقى تاعايىنداۋ جونىندەگى ونىڭ وتىنىشىنەن باس تارتۋىن قايتا قاراۋ تۋرالى جازعان ارىزى قوستاناي وبلىسىنىڭ سوتتارىندا قارالعان ەكەن. ارىز يەسىنىڭ پىكىرىنشە, سوت تالاپكەردىڭ قازىرگى جاعدايىنا دۇرىس سيپاتتاما بەرمەگەن. تۇرمىستىق جاراقات العان وسى تالاپكەردىڭ قارجىلىق جانە دەنساۋلىق جاعدايى بۇگىنگى تاڭدا وتە مۇشكىل كورىنەدى. سول سياقتى قاراعاندى قالاسىنىڭ تۇرعىنى قايتىس بولعان كۇيەۋىنەن مۇراعا قالعان ءۇيدىڭ ءادىل بولىنۋىنە كومەكتەسۋدى ءوتىندى. ونىڭ ايتۋىنشا, سوتتار مۇنىڭ ازاماتتىق ءىسىن دۇرىس قاراماعان. ول ءۇش بالاسىمەن بىرگە دالادا قالۋى مۇمكىن ەكەن. ال كۇيەۋىنىڭ بۇرىنعى زايىبى وزىنە تيەسىلى ۇلەسىن السا دا ءۇيدى يەلەنىپ قالاتىن ءتۇرى بار, دەيدى.سوناۋ الماتىدان كەلگەن زەينەتكەر ءۇش بالاسىمەن بىرگە تۇرىپ جاتقان پاتەرىن الاياق ايەلدىڭ يەلەنىپ العانىن ايتا كەلىپ, ءوزىنىڭ ءىسى بويىنشا شىعارىلعان سوت اكتىلەرىنە شاعىم جاسادى. بۇعان قوسا تۋعان اعالارىنىڭ قايىرىمسىزدىعىنا رەنجىگەن الماتى قالاسىنىڭ تاعى ءبىر تۇرعىنى جوعارى سوت ورگانى باسشىسىنا شاعىم ايتتى. اكەلەرى قايتىس بولعاننان كەيىن, اعالارى اناسىن باعىپ وتىرعان ىنىلەرىمەن سوتتاسا باستاعان. داۋ ولاردىڭ اكەسىنىڭ ۇيىنە بايلانىستى تۋعان. كاسساتسيالىق سوت ساتىسى ءۇيدى اعالارىنا بەرۋگە شەشىم قابىلداعان. ولار ەندى ىنىلەرىن اناسىمەن بىرگە ۇيدەن قۋىپ شىقپاق ەكەن. بۇل ايتىلعان وتىنىشتەردىڭ ءبارىن جوعارعى سوت باسشىسى مۇقيات تىڭداپ, جازىپ الدى. سودان كەيىن بەكتاس بەكنازاروۆ جوعارعى سوتتىڭ قىلمىستىق, ازاماتتىق جانە اكىمشىلىك ىستەر جونىندەگى قاداعالاۋشى سوت القالارىنىڭ توراعالارىنا ءاربىر ءوتىنىش بويىنشا ازاماتتاردىڭ دالەلدەرىن مۇقيات زەرتتەۋدى جانە زاڭنىڭ بۇزىلعانى انىقتالعان جاعدايدا ولاردىڭ قۇقىقتارىن قالپىنا كەلتىرۋ جونىندە قاجەتتى شارالار قابىلداۋدى تاپسىردى.ال توراعانىڭ قابىلداۋىنا كەلگەن ورال قالاسىنىڭ تۇرعىنى س.حاريتونوۆا جانە ونىڭ بۇرىنعى قامقورشىسى و. دولگوۆا ازاماتتىق ءىستى شىنايى جانە جان-جاقتى قاراعانى ءۇشىن ورال قالالىق سوتىنىڭ سۋديالارىنا العىستارىن ءبىلدىردى. 2000 جىلى سۆەتلانا ءبىر ساتتە ءارى ءۇيسىز, ءارى تۇل جەتىم بوپ شىعا كەلگەن. قامقورشىسى بولعان تۋعان تاتەسى و. دولگوۆا تالاي قيىندىقتى جەڭىپ ءجۇرىپ سۆەتلانانىڭ پاتەردىڭ ¼ بولىگىنىڭ مەنشىك يەسى بولۋىنا قول جەتكىزدى. اناسى مەن اجەسى قايتىس بولعاننان كەيىن مۇراداعى وسى ۇلەس سۆەتلاناعا تيەسىلى ەدى. الايدا, قالاي ەكەنى بەلگىسىز, وسى م ۇلىك ادىلەت دەپارتامەنتىندە اللا دەگەن بىرەۋدىڭ اتىنا تىركەلگەن بولىپ شىقتى. كەزىندە سۆەتلانانىڭ اكەسىن اداستىرىپ, باسقا ءۇي بەرەمىز دەپ, پاتەردى ءىنىسىنىڭ اتىنا قايتا جازۋعا ءماجبۇر ەتكەن. سودان مامىلە جاسالعاننان كەيىن ءىنىسىن پاتەردەن قۋىپ جىبەرگەن. سول ادام اقىرى ءۇيسىز-كۇيسىز ءجۇرىپ قايتىس بولعان. ورال قالاسىنىڭ №2 سوتى سۆەتلانانىڭ وتباسى ناقتى مەنشىك يەسى بولعاندىقتان ونىڭ وسى پاتەرگە قۇقىعىن قالپىنا كەلتىرىپ بەردى. «مەنىڭ ءىسىمدى سۋديا ا.ەرعاليەۆا ءادىل قارادى. ونىڭ وسىنداي ادامگەرشىلىك قاسيەتىنىڭ ارقاسىندا قاراپايىم ادامداردىڭ زاڭدى قۇقىقتارى مەن مۇددەلەرى قورعالادى», دەدى س. حاريتونوۆا ريزاشىلىعىن جاسىرماي.
الەكساندر تاسبولاتوۆ,«ەگەمەن قازاقستان».