سارسەنبى, 3 ءساۋىر 2013 2:19
سىبايلاس جەمقورلىققا سالىنۋ اسا قاتاڭ جازالاناتىنىن جۇرتتىڭ ءبارى بىلەدى. الايدا, جەمقورلىقپەن بايىماسا اشتان قاتىپ ولەردەي ۇرلىققا, سىبايلاستىققا ابدەن دانىككەن كەيبىر شەنەۋنىكتەر زاڭعا پىسقىرىپ تا قارامايدى. ولاردىڭ مەملەكەتتى توناۋدى, ەلدى سورۋدى قاشان, قالاي, قايتىپ قوياتىنىن ەشكىم ايتا المايدى. مۇنداي باسسىزدىقتى توقتاتۋ كەرەك, جەگەندەرىن جەلكەسىنەن شىعارۋ كەرەك دەگەلى دە كوپ بولدى. بىراق, ناتيجە از.
سارسەنبى, 3 ءساۋىر 2013 2:19
سىبايلاس جەمقورلىققا سالىنۋ اسا قاتاڭ جازالاناتىنىن جۇرتتىڭ ءبارى بىلەدى. الايدا, جەمقورلىقپەن بايىماسا اشتان قاتىپ ولەردەي ۇرلىققا, سىبايلاستىققا ابدەن دانىككەن كەيبىر شەنەۋنىكتەر زاڭعا پىسقىرىپ تا قارامايدى. ولاردىڭ مەملەكەتتى توناۋدى, ەلدى سورۋدى قاشان, قالاي, قايتىپ قوياتىنىن ەشكىم ايتا المايدى. مۇنداي باسسىزدىقتى توقتاتۋ كەرەك, جەگەندەرىن جەلكەسىنەن شىعارۋ كەرەك دەگەلى دە كوپ بولدى. بىراق, ناتيجە از.
سونىڭ ءبىر دالەلىندەي ايعاقتار كەشە پارلامەنت سەناتىنىڭ دەپۋتاتى ورالباي ابدىكارىموۆتىڭ توراعالىق ەتۋىمەن وتكەن «نۇر وتان» حدپ جانىنداعى سىبايلاس جەمقورلىقپەن كۇرەس جونىندەگى رەسپۋبليكالىق قوعامدىق كەڭەس وتىرىسىندا ءسوز بولدى. اتالعان وتىرىستا «قوستاناي وبلىسىندا «نۇر وتان» حالىقتىق-دەموكراتيالىق پارتياسىنىڭ سىبايلاس جەمقورلىقپەن كۇرەس جونىندەگى باعدارلاماسىنىڭ ىسكە اسىرىلۋ بارىسى تۋرالى» ماسەلە قارالدى. بۇل ماسەلەنى قاراۋعا نە تۇرتكى بولدى دەسەك, قوستاناي وبلىسى ناعىز سىبايلاسقان ايماقتاردىڭ بەستىگىنە كىرەدى ەكەن. بىرەۋلەر سىبايلاستىق شىرماۋىنان شىعۋعا ۇمتىلىپ جاتسا, اتالعان وبلىس بۇعان كىرۋگە جانتالاسقان سەكىلدى. ويتكەنى, سىبايلاس جەمقورلىقپەن كۇرەس جونىندەگى قوعامدىق كەڭەستىڭ مالىمەتتەرىنە قاراعاندا, وبلىستا جەمقورلىق قىلمىستارىنىڭ ءوشۋى ەمەس, كەرىسىنشە, ءورشۋى بايقالىپ وتىرعانداي.ال ءبىزدىڭ ەلدە جەمقورلىق قىلمىستارىنىڭ الدىن الۋ, بولدىرماۋ ءۇشىن قانشاما زاڭنامالار قابىلداندى. سىبايلاس جەمقورلىقپەن اينالىسقانداردى جاۋاپقا تارتاتىن ارنايى زاڭ دا بار. قاراماعىنداعى قىزمەتكەرلەرى ارام ىسپەن اينالىسقانى ءۇشىن باسشىلىق تا جاۋاپتان جالتارا المايتىنى تالاي ايتىلدى. قايسىبىر جالماپ جەگەندەر سوتتالىپ تا جاتىر. بارىنەن بۇرىن ەلدىڭ, حالىقتىڭ قازىناسىن ۇرلاۋعا بولمايتىندىعى, بۇعان تەك اردان بەزگەن, ۇياتتان جۇرداي بولعان الاياقتار باراتىنى تۋرالى سول وبلىستىڭ اكىمدىگىندە دە تالاي مارتە ءسوز بولعانى انىق. الايدا, وسىلاردىڭ ءبارىن كورە تۇرا, بىلە تۇرا سىبايلاسقان جەمقورلىققا جول بەرۋ نەنى بىلدىرەدى؟ايتۋ قيىن. سەبەبى, وبلىستا اكىمدىكتەر مەن ولاردىڭ قۇرىلىمدىق بولىمدەرى قىزمەتكەرلەرىنىڭ اراسىندا سىبايلاستىق كەڭ ەتەك العانى كولدەنەڭ تارتىلدى. سىبايلاستىق جەمقورلىق كورسەتكىش بويىنشا ىشكى ىستەر ورگاندارىنىڭ قىزمەتكەرلەرى ەكىنشى ورىنعا ىلىككەن. بۇلار وسىلايشا سىبايلاستىقتىڭ باسىندا تۇرعان سوڭ نە قايىر؟ اۋىل شارۋاشىلىعى, ءبىلىم بەرۋ, دەنساۋلىق ساقتاۋ, ليتسەنزيالىق-باقىلاۋ سالالارى جەمقورلىققا ابدەن بوي الدىرىپتى. سول سياقتى, «اق بۇلاق» باعدارلاماسىن ورىنداۋ كەزىندە كوپتەگەن زاڭ بۇزۋشىلىقتارعا جول بەرىلگەن. ماسەلەن, ەسىل توپتىق سۋ قۇبىرىن قايتا جوندەۋدىڭ وزىندە عانا 150 ملن. تەڭگەدەن استام قارجى قولدى بولعان. ءسويتىپ, قوستاناي وبلىسىندا 2009 جىلى 41 جەمقورلىق قىلمىس تىركەلسە, 2012 جىلى ول 90 قىلمىسقا جەتكەن. ياعني, 3 جىلدىڭ ىشىندە ولاردىڭ سانى 2,2 ەسەگە وسكەن! ەندى بۇدان كەيىن تومەندەگەن شىعار دەپ ويلايسىز عوي, جوق, ۇستىمىزدەگى جىلدىڭ 2 ايى ىشىندە عانا 21 جەمقورلىق قىلمىس جاسالىپ ۇلگەرىپتى.اتالعان كەڭەس قوستاناي وبلىسىندا نەلىكتەن سىبايلاسقان جەمقورلىق قىلمىستارى كوپ دەپ زەرتتەپ كورسە, كەلەڭسىز كورىنىستەردىڭ ارتۋىنىڭ ءبىر سىرى – وبلىس اكىمدىگىنىڭ جانىنداعى سىبايلاس جەمقورلىقپەن كۇرەس جونىندەگى كوميسسيانىڭ جوقتىعىندا جاتىر ەكەن. سونىڭ سالدارىنان «ءاي» دەيتىن اجە, «قوي» دەيتىن قوجا جوقتىقتان با, ايتەۋىر زاڭسىز نورماتيۆتىك-قۇقىقتىق اكتىلەردى شىعارۋ كەڭىنەن ەتەك العان. جەر زاڭناماسى سالاسىندا 877 زاڭ بۇزۋشىلىق ايقىندالعان. ورىندالماعان بورىشتىق مىندەتتەر بويىنشا كەپىلگە قويىلعان جەر پايدالانۋ قۇقىعىن ءوز ەركىمەن بەرۋ تۋرالى جالعان كەلىسىمدى ساتىپ الۋ-ساتۋدىڭ جاسىرىن ءتۇرى رەتىندە پايدالانىپ كەلگەن.بۇعان قوسا, 2011 جىلى قارجىلىق باقىلاۋ ينسپەكتسياسى 9 573,1 ملن. تەڭگە سوماسىندا بيۋدجەتتىك زاڭ بۇزۋشىلاردى انىقتاعان. 2012 جىلى قارجىلىق ءتارتىپتىڭ تومەندەۋى تاعى كورىنىس تاۋىپ, بۇل ەندى 30 225,8 ملن. تەڭگە سوماسىندا زاڭ بۇزۋشىلىق بولىپ كورىنىس بەرگەن. وسىنىڭ ءبارى وبلىستاعى سىبايلاس جەمقورلىقتىڭ ءورشىپ تۇرعانىن بىلدىرەدى. بۇعان ەندى كىم, قالاي توسقاۋىل قويماق؟الەكساندر تاسبولاتوۆ,«ەگەمەن قازاقستان».