سەنبى, 2 ناۋرىز 2013 8:27
مەملەكەت باسشىسىنىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى جولداۋىندا قۇقىق قورعاۋ ورگاندارىنىڭ نەگىزگى مىندەتى سارالانا كەلە قىلمىستىق زاڭنامانى ىزگىلەندىرۋ, ادامداردىڭ ءبارى زاڭ الدىندا تەڭ ەكەندىگى, سوعان وراي بارلىق ۋاقىتتا ادامداردىڭ زاڭدى قۇقىنىڭ ساقتالۋىن باستى نازارعا الۋ كەرەكتىگى ايتىلدى. وسىعان وراي, استانا قالاسىنىڭ ىشكى ىستەر دەپارتامەنتىنىڭ جانىنان قۇرىلعان قوعامدىق كەڭەس ازاماتتاردىڭ زاڭدى مۇددەلەرىن قورعاۋدى, قۇقىق بۇزۋشىلىق پەن قىلمىسپەن كۇرەسۋدىڭ الدىن الۋدى قامتاماسىز ەتۋدە ءوز قىزمەتىن جۇرتشىلىقپەن تىعىز قارىم-قاتىناستا جۇزەگە اسىرىپ كەلەدى.
سەنبى, 2 ناۋرىز 2013 8:27
مەملەكەت باسشىسىنىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى جولداۋىندا قۇقىق قورعاۋ ورگاندارىنىڭ نەگىزگى مىندەتى سارالانا كەلە قىلمىستىق زاڭنامانى ىزگىلەندىرۋ, ادامداردىڭ ءبارى زاڭ الدىندا تەڭ ەكەندىگى, سوعان وراي بارلىق ۋاقىتتا ادامداردىڭ زاڭدى قۇقىنىڭ ساقتالۋىن باستى نازارعا الۋ كەرەكتىگى ايتىلدى. وسىعان وراي, استانا قالاسىنىڭ ىشكى ىستەر دەپارتامەنتىنىڭ جانىنان قۇرىلعان قوعامدىق كەڭەس ازاماتتاردىڭ زاڭدى مۇددەلەرىن قورعاۋدى, قۇقىق بۇزۋشىلىق پەن قىلمىسپەن كۇرەسۋدىڭ الدىن الۋدى قامتاماسىز ەتۋدە ءوز قىزمەتىن جۇرتشىلىقپەن تىعىز قارىم-قاتىناستا جۇزەگە اسىرىپ كەلەدى. ونىڭ قۇرامىنا پارلامەنت سەناتىنىڭ, قالالىق ءماسليحاتتىڭ دەپۋتاتتارى مەن ۇكىمەتتىك ەمەس ۇيىمداردىڭ وكىلدەرى كىردى.
ەندى, مىنە, استانالىق پوليتسيا مەن قوعامدىق كەڭەس مۇشەلەرىنىڭ ءوزارا ارەكەتتەسۋىنىڭ ايعاعى رەتىندە كەشە قالالىق ارنايى مەكەمەلەر مەن اۋداندىق ىشكى ىستەر باسقارمالارىندا كەزدەسۋ وتكىزىلدى. ادام قۇقىعى بويىنشا كوميسسيانىڭ ساراپشىسى ۆلاديمير لەۆين مەن ادام قۇقىعى جانە زاڭدىلىقتى ساقتاۋ جونىندەگى حالىقارالىق بيۋروسىنىڭ استانا قالاسىنداعى فيليالىنىڭ وكىلى, زاڭگەر يليا لۋگوۆوي استانا قالاسىنىڭ ءىىد ارنايى مەكەمەلەرىن, ياعني ۋاقىتشا قاماۋدا ۇستاۋ يزولياتورى, اكىمشىلىك تۇتقىنعا الىنعانداردى ارنايى قابىلداۋ جانە قابىلداۋ-تاراتۋ ورىندارىن ارالاپ كوردى.
قوعام وكىلدەرى اتالعان مەكەمەلەردىڭ جۇمىس تارتىبىمەن, ۇستالعانداردىڭ جاعدايىمەن تانىسىپ, ولاردىڭ پوليتسيا قىزمەتكەرلەرىنە نارازىلىعى بار-جوقتىعىن سۇرادى. سونداي-اق, قوعامدىق كەڭەس مۇشەلەرى اۋداندىق ءىىب كەزەكشى بولىمشەلەرىندەگى ۋاقىتشا ۇستاۋ كامەرالارىنىڭ جاعدايىمەن دە تانىستى. قىزمەتتىڭ جۇمىسىن رەتتەيتىن قۇجاتتاردى قاراپ, سونىمەن قاتار, قالاداعى جەدەل جاعدايدى ءبىلدى.
ادام قۇقىعى جانە زاڭدىلىقتى ساقتاۋ جونىندەگى حالىقارالىق بيۋروسىنىڭ استانا قالاسىنداعى فيليالىنىڭ وكىلى, زاڭگەر يليا لۋگوۆويدىڭ ايتۋىنشا, تەكسەرىلگەن ورىنداردا ايتارلىقتاي كەمشىلىكتەر جوق كورىنەدى. «استانالىق ءىىد ارنايى مەكەمەلەرىندەگى اتقارىلىپ جاتقان جۇمىس زاڭدى تالاپتارعا ساي, ءبىز وسىنداي جۇمىستى الداعى ۋاقىتتا دا جالعاستىرامىز», – دەدى ادام قۇقىعى جونىندەگى كوميسسيانىڭ ساراپشىسى ۆلاديمير لەۆين.
الەكساندر تاسبولاتوۆ,
«ەگەمەن قازاقستان».