سارسەنبى, 27 اقپان 2013 7:25
ەلباسىمىز نۇرسۇلتان نازارباەۆ قازاقستان حالقىنا ارناعان «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» جولداۋىندا: «جەمقورلىق – جاي قۇقىق بۇزۋشىلىق ەمەس. ول مەملەكەتتىڭ ءتيىمدىلىگىنە دەگەن سەنىمدى سەتىنەتەدى جانە ۇلتتىق قاۋىپسىزدىككە ءتونگەن تىكەلەي قاتەر بولىپ تابىلادى», – دەپ اتاپ وتكەن ەدى. قازىرگى تاڭدا جەمقورلىق قوعامنىڭ ەڭ قاۋىپتى دەرتىنە اينالىپ وتىر. ەلباسىمىز وسى جايلارعا ەرەكشە ءمان بەرىپ, قوعامدا جەمقورلىقتى قۇبىلىس رەتىندە جويۋ قاجەت ەكەنىن باسا ايتىپ ءوتتى. سىبايلاس جەمقورلىققا قارسى كۇرەس تەك قانا قۇقىق قورعاۋ ورگاندارىنىڭ جۇمىسى ەمەس, بۇكىل قوعام بولىپ وسى دەرتتى جويۋ ءۇشىن بەلسەندىلىك تانىتۋىمىز قاجەت.
سارسەنبى, 27 اقپان 2013 7:25
ەلباسىمىز نۇرسۇلتان نازارباەۆ قازاقستان حالقىنا ارناعان «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» جولداۋىندا: «جەمقورلىق – جاي قۇقىق بۇزۋشىلىق ەمەس. ول مەملەكەتتىڭ ءتيىمدىلىگىنە دەگەن سەنىمدى سەتىنەتەدى جانە ۇلتتىق قاۋىپسىزدىككە ءتونگەن تىكەلەي قاتەر بولىپ تابىلادى», – دەپ اتاپ وتكەن ەدى. قازىرگى تاڭدا جەمقورلىق قوعامنىڭ ەڭ قاۋىپتى دەرتىنە اينالىپ وتىر. ەلباسىمىز وسى جايلارعا ەرەكشە ءمان بەرىپ, قوعامدا جەمقورلىقتى قۇبىلىس رەتىندە جويۋ قاجەت ەكەنىن باسا ايتىپ ءوتتى. سىبايلاس جەمقورلىققا قارسى كۇرەس تەك قانا قۇقىق قورعاۋ ورگاندارىنىڭ جۇمىسى ەمەس, بۇكىل قوعام بولىپ وسى دەرتتى جويۋ ءۇشىن بەلسەندىلىك تانىتۋىمىز قاجەت.
مىسالى, الەمدەگى دامىعان ەلدەردىڭ ءبىرى – سينگاپۋردىڭ كوشباسشىسى لي كۋان يۋدان ءبىر جۋرناليست «پاراقورلىق پەن سىبايلاستىقتى قالاي جەڭدىڭىز؟» دەگەندە ول: «ءتارتىپ ورناتۋدى الدىمەن جاقىندارىڭىزدان باستاڭىز. ەڭ جاقىن ادامدارىڭىزدىڭ ءبىر-ەكەۋىن جەمقورلىعى ءۇشىن تۇرمەگە وتىرعىزساڭىز, سوندا ونىڭ ءبارى ورنىنا كەلەدى», دەپ جاۋاپ بەرگەن ەكەن. ەلىمىزدىڭ كونستيتۋتسياسىنا نەگىزدەلگەن زاڭدارىمىز ءوز دەڭگەيىندە جۇمىس جاساپ تۇرسا, زاڭدىلىق پرينتسيپتەرى ساقتالىپ, ازاماتتاردىڭ قۇقىقتىق ساۋاتتىلىعى ارتىپ جانە ساياسي سانالىلىعى قالىپتاسىپ, دامىعان جاعدايدا وسى قاۋىپتى دەرت قۇرىقتالار ەدى. ءبىزدىڭ ويىمىزشا, وسى قاعيدانى ەلىمىزدەگى ءارتۇرلى دەڭگەيدەگى ادامدار ءتۇسىنىپ, ويىنا ۇستانسا, سىبايلاس جەمقورلىققا بارماي, قازىنانىڭ مۇلكىنە قول سالماس ەدى.
سىبايلاس جەمقورلىق ءبىزدىڭ ەلدە بولىپ جاتقان قۇبىلىس قانا ەمەس, الەمنىڭ دامىعان ەلدەرىندە دە كورىنىس بەرۋدە.
سىبايلاس جەمقورلىق ەل ەكونوميكاسىنىڭ كوتەرىلۋىنە ۇلكەن كەدەرگى كەلتىرىپ وتىرعان. سونىمەن قاتار, ەڭ باستى قاۋىپ-قاتەر دە وسى تۇستان اڭعارىلادى. جاقىندا ەكونوميكالىق جانە سىبايلاس جەمقورلىققا قارسى كۇرەس اگەنتتىگىنىڭ ءتوراعاسى راشيد تۇسىپبەكوۆ سىبايلاس جەمقورلىقتىڭ الدىن الۋ, ونىڭ دامۋ سەبەپتەرىن انىقتاۋ جانە ونىڭ ورشۋىنە جاعداي تۋعىزباۋ كەرەكتىگىن اتاپ كورسەتتى. سوندىقتان ونى بولدىرماۋ, الدىن الۋ ماقساتىندا قىزىلوردا وبلىسىنىڭ قارجى پوليتسياسى دەپارتامەنتىنىڭ قىزمەتكەرلەرى ءوز قىزمەتتىك مىندەتتەرىن ادال اتقارىپ جۇرگەندىگىن اتاپ ايتقىمىز كەلەدى. اقپارات كوزدەرىنەن بىلگەنىمىزدەي, وتكەن جىلى دەپارتامەنت قىزمەتكەرلەرى بارلىعى 433 قىلمىستى انىقتاعان. ونىڭ ىشىندە ەكونوميكالىق قىزمەت سالاسىندا 341 قىلمىس تىركەلگەن, سىبايلاس جەمقورلىق ساناتىندا 86 قىلمىستىق ءىس قوزعاعان. بۇل – ءبىر جىلدىڭ اياسىنداعى اتقارىلعان جۇمىس.
2012 جىلدىڭ 23 تامىزىندا ۇكىمەتتىڭ قاۋلىسىمەن سىبايلاس جەمقورلىق قۇقىق بۇزۋشىلىق فاكتiسi تۋرالى حابارلاعان نەمەسە سىبايلاس جەمقورلىققا قارسى كۇرەستە وزگە دە جولمەن ءجاردەمدەسكەن ادامداردى كوتەرمەلەۋ قاعيدالارى بەكىتىلدى. سوندىقتان, سىبايلاس جەمقورلىقتى بولدىرماۋمەن الدىن الۋدىڭ تاعى ءبىر جولى ازاماتتاردىڭ ىشكى مادەنيەتىن قالىپتاستىرۋ جانە دامىتۋ, ياعني ءاربىر ازاماتتىڭ قوعام الدىنداعى ۇلتجاندىلىق قاسيەتىن, ادامگەرشىلىك, ار-وجداندىق ۇعىمدارىن, يماندىلىق نۇرىن جۇرەگىنە ۇيالاتۋ بولىپ تابىلادى. سوندا عانا ءبىز قوعامداعى قاۋىپتى دەرت – جەمقورلىقتى بۇكىل حالىق بولىپ جەڭە الامىز. اتاپ وتكەنىمىز ءجون, قۇقىق قورعاۋ ورگاندارى, سونىڭ ىشىندە قارجى پوليتسياسى قىزمەتكەرلەرى وزدەرىنىڭ قىزمەتتەرىن ادال اتقارىپ كەلەدى.
حالىق اراسىندا قارجى پوليتسياسىنا دەگەن وڭتايلى كوزقاراس قالىپتاسقانى جاسىرىن ەمەس. مىسالى, قىزىلوردا وبلىستىق قارجى پوليتسياسىنىڭ «سەنىم تەلەفونىنا» تۇسكەن 18 حابارلاما بويىنشا 3 دەرەك تولىق دالەلىن تاۋىپ, قىلمىستىق ءىس قوزعالعان. مۇنى ازاماتتاردىڭ سانالى تۇردە قوعامنىڭ قاۋىپتى دەرتى – سىبايلاس جەمقورلىققا جول بەرمەۋ ءۇشىن وزىندىك كوزقاراسىنىڭ قالىپتاسقاندىعىنىڭ, ولاردىڭ سانا-سەزىمىنىڭ وزگەرگەندىگىنىڭ ايعاعى دەپ سانايمىز. سونىمەن قاتار, جەمقورلىقتىڭ الدىن الۋ, بولدىرماۋ ءجانە كۇرەسۋ ءۇشىن قوعامدا جاريالىلىقتىڭ, دەموكراتيالىق ۇدەرىستەردىڭ جاندانا ءتۇسۋى كۇن تارتىبىنەن ءتۇسپەۋى قاجەت. سوندا عانا ءبىز حالىق بولىپ, ەل بولىپ قوعامداعى قاۋىپتى دەرت – سىبايلاس جەمقورلىقتىڭ الدىن الىپ, جويا الامىز.
مۇرات تىلەۋليەۆ,
«دورستروي» جشس-ءنىڭ ديرەكتورى.
قىزىلوردا.