سەنبى, 23 اقپان 2013 7:17
باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى «اتامەكەن» ۇلتتىق ەكونوميكالىق پالاتاسىمەن, «قازاقستان كاسىپكەرلەرى فورۋمى» زاڭدى تۇلعالار بىرلەستىگىمەن جانە وڭىرلىك دامۋ مينيسترلىگىنىڭ كاسىپكەرلىكتى دامىتۋ جونىندەگى كوميتەتىمەن كاسىپكەرلەردى زاڭسىز تەكسەرۋ ماسەلەلەرى جونىندە ءماجىلىس وتكىزدى. وندا وتكەن جىلى مەملەكەتتىك ورگاندار جۇزەگە اسىرعان تەكسەرۋلەردى تىركەۋ مەن ەسەپكە الۋ سالاسىندا جۇرگىزىلگەن جۇمىستاردىڭ قورىتىندىسى ايتىلىپ, جوسپاردان تىس تەكسەرۋلەردى تاعايىنداۋدىڭ نەگىزدەرىن جۇيەلەۋ مەن سارالاۋ ءتىزىمى بويىنشا مەملەكەتتىك باقىلاۋ مەن قاداعالاۋ تۋرالى زاڭدارعا وزگەرىستەر مەن تولىقتىرۋلار ەنگىزۋگە باستاماشىلىق جاساۋ جايى تالقىلاندى.
سەنبى, 23 اقپان 2013 7:17
باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى «اتامەكەن» ۇلتتىق ەكونوميكالىق پالاتاسىمەن, «قازاقستان كاسىپكەرلەرى فورۋمى» زاڭدى تۇلعالار بىرلەستىگىمەن جانە وڭىرلىك دامۋ مينيسترلىگىنىڭ كاسىپكەرلىكتى دامىتۋ جونىندەگى كوميتەتىمەن كاسىپكەرلەردى زاڭسىز تەكسەرۋ ماسەلەلەرى جونىندە ءماجىلىس وتكىزدى. وندا وتكەن جىلى مەملەكەتتىك ورگاندار جۇزەگە اسىرعان تەكسەرۋلەردى تىركەۋ مەن ەسەپكە الۋ سالاسىندا جۇرگىزىلگەن جۇمىستاردىڭ قورىتىندىسى ايتىلىپ, جوسپاردان تىس تەكسەرۋلەردى تاعايىنداۋدىڭ نەگىزدەرىن جۇيەلەۋ مەن سارالاۋ ءتىزىمى بويىنشا مەملەكەتتىك باقىلاۋ مەن قاداعالاۋ تۋرالى زاڭدارعا وزگەرىستەر مەن تولىقتىرۋلار ەنگىزۋگە باستاماشىلىق جاساۋ جايى تالقىلاندى. كوميتەت باقىلاۋ مەن قاداعالاۋ ورگاندارى تەكسەرۋلەرىنىڭ ناتيجەلەرىن ەسەپكە الۋدىڭ ەلەكتروندى جۇيەسىن ەنگىزۋ ارقىلى كاسىپكەرلەردىڭ قۇقىقتارىن قورعاۋدىڭ جاڭا جۇيەسىن جاساۋ بويىنشا جۇمىستاردى قولعا الدى. بۇل جاڭالىق جەكە كاسىپكەرلىك سۋبەكتىلەرىن تەكسەرۋدى جۇيەلەۋ مەن رەتكە كەلتىرۋگە, مەملەكەتتىك ورگانداردىڭ جۇيەسىنە باعا بەرۋدەگى جۇمىسىن ساپالى جۇرگىزۋگە جول اشىپ, بيزنەسكە اكىمشىلىك قىسىم كورسەتۋدىڭ تومەندەتىلۋىنە جاردەمىن تيگىزەدى. ال ىشكى توراپتا «ون-لاين» تارتىبىندە «ەلەكتروندى ۇكىمەتكە» قولجەتىمدىلىگى جۇزەگە اسىرىلعان جاعدايدا باقىلاۋشى ورگاندار مەن تەكسەرۋ سۋبەكتىلەرى اراسىندا اقپاراتتىق ءوزارا ءىس-قيمىل پايدا بولىپ, اشىقتىق پەن شىنايىلىق قامتاماسىز ەتىلەدى.
«ەگەمەن-اقپارات».