بەيسەنبى, 21 اقپان 2013 7:24
پوليتسەيلەردىڭ مىندەتى – قىلمىستىڭ الدىن الۋ, بولعان قىلمىستىڭ بەتىن اشۋ, قوعامدا تىنىشتىقتى كۇزەتۋ. ەگەر پوليتسەي قىلمىستى ءبۇركەمەلەۋگە تىرىسسا, سول ارقىلى جەڭىل جولمەن اقشا تابۋدى ويلاسا, قويدى قاسقىرعا باقتىرعانمەن بىردەي.وتكەن جىلى تامىز ايىندا اۋليەكول اۋدانىنداعى قۇسمۇرىن كەنتىندە تەمىرجولشىلار كۇنىن تويلاعان 16 مەن 19 جاس ارالىعىنداعى بەس جىگىت ايەل زورلايدى. ايەل پوليتسياعا شاعىمدانادى. الايدا, كەنتتىڭ پوليتسيا ءبولىمىنىڭ باستىعى ا.كەنجەتاەۆ پەن تەرگەۋشى س.ەرمەكوۆا «ءبۇلىنگەننەن بۇلدىرگى الىپ», زارداپ شەككەن ايەلدى زورلاۋشىلارمەن تاتۋلاسۋعا ماجبۇرلەيدى.
بەيسەنبى, 21 اقپان 2013 7:24
پوليتسەيلەردىڭ مىندەتى – قىلمىستىڭ الدىن الۋ, بولعان قىلمىستىڭ بەتىن اشۋ, قوعامدا تىنىشتىقتى كۇزەتۋ. ەگەر پوليتسەي قىلمىستى ءبۇركەمەلەۋگە تىرىسسا, سول ارقىلى جەڭىل جولمەن اقشا تابۋدى ويلاسا, قويدى قاسقىرعا باقتىرعانمەن بىردەي.وتكەن جىلى تامىز ايىندا اۋليەكول اۋدانىنداعى قۇسمۇرىن كەنتىندە تەمىرجولشىلار كۇنىن تويلاعان 16 مەن 19 جاس ارالىعىنداعى بەس جىگىت ايەل زورلايدى. ايەل پوليتسياعا شاعىمدانادى. الايدا, كەنتتىڭ پوليتسيا ءبولىمىنىڭ باستىعى ا.كەنجەتاەۆ پەن تەرگەۋشى س.ەرمەكوۆا «ءبۇلىنگەننەن بۇلدىرگى الىپ», زارداپ شەككەن ايەلدى زورلاۋشىلارمەن تاتۋلاسۋعا ماجبۇرلەيدى. كۇدىكتىلەردەن زارداپ شەگۋشىگە 300 مىڭ تەڭگە مورالدىق شىعىن تالاپ ەتەدى. اقشا الۋ ءۇشىن زارداپ شەگۋشى مەن كۇدىكتىلەر اراسىندا تاتۋلاستى دەگەن ءۇستىرت ءناتيجەگە قول جەتكىزگەندەي بولادى. كۇدىكتىلەر زارداپ شەگۋشىگە بەرگەن اقشانىڭ 150 مىڭ تەڭگەسىن پوليتسەيلەر وزدەرى الىپ قالادى. تەرگەۋشىنىڭ قىسىمىمەن ايەل قويار كىناسىن, كورسەتۋلەرىن وزگەرتەدى. كىنالى ءارى كۇنالى بولعان جىگىتتەرمەن سىبايلاسقان پوليتسەيلەر ايەلگە اقشانىڭ قالعانىن وبلىستىق ىشكى ىستەر دەپارتامەنتى جەكە باستىڭ قاۋىپسىزدىگى باسقارماسى قىزمەتكەرلەرى الدىنداعى جاۋابىنان كەيىن بەرۋگە ۋادە ەتكەن.
ەلدىڭ تىنىشتىعىن كۇزەتەدى, ادامنىڭ ار-نامىسىن قورعايدى دەگەن پوليتسەيلەردىڭ ءوزى وسىلاي بىلىققا باتتى. «التىن كورسە پەرىشتە جولدان تايادى», دەگەن, ءوز قىزمەتىنە ادالدىق تانىتا الماعان پوليتسەيلەرگە كەنتتىڭ ءتارتىبىن, ادام تاعدىرىن قالاي سەنىپ تاپسىرۋعا بولادى؟ ايەل زورلاعان جاپ-جاس جىگىتتەر قۇتىلىپ كەتتى. ءويتكەنى, تەرگەۋشى قۇجاتتاردىڭ بارلىعىن «دۇرىستاپ», ايعاق قالدىرماعان. كىنالىلەر وسىلاي قۇتىلدى, بىراق ولاردى تەزگە سالار تەمىر تورعا كوزىنىڭ الدىن شەل باسقان پوليتسەيلەردىڭ ءوزى وتىردى. جاقىندا قۇسمۇرىن كەنتىندەگى پوليتسيا ءبولىمىنىڭ بۇرىنعى باستىعى اسىلحان كەنجەتاەۆ پەن تەرگەۋشى, مايور ساۋلە ەرمەكوۆاعا قاتىستى اۋليەكول اۋداندىق سوتىنىڭ ۇكىمى وبلىستىق ىشكى ىستەر دەپارتامەنتىنىڭ ۇلكەن زالىندا وقىلدى. زال پوليتسەيلەرگە لىق تولدى. سوت ۇكىمى وقىلىپ, پودپولكوۆنيك ا.كەنجەتاەۆ 6 جىلعا, س.ەرمەكوۆا 5 جىل 6 ايعا باس بوستاندىعىنان ايىرىلىپ, مۇلكى تاركىلەنۋمەن قاتار, جازاسىن جالپى رەجىمدەگى كولونيادا وتەيتىن بولدى.مىنە, ءبىر قارىن مايدى ءبىر قۇمالاق ءبۇلدىرىپ كەتتى دەگەن وسى.ءنازيرا جارىمبەتوۆا,«ەگەمەن قازاقستان».قوستاناي.