سەيسەنبى, 22 قاڭتار 2013 7:17
قوعامدىق ورىندارداعى بۇزاقىلىق پەن كوشە قىلمىستارىنىڭ جولىنا توسقاۋىل قويۋ ماقساتىندا الماتى قالالىق ىشكى ىستەر دەپارتامەنتى بىرقاتار ءىس-شارالاردى جۇزەگە اسىرۋدا. سونىڭ ءبىرى ەكى مىڭنان استام ەرىكتى پوليتسيا كومەكشىلەرى مەن ىشكى اسكەردىڭ جەتى جۇزدەن استام ساربازى قوعامدىق قاۋىپسىزدىكتى قاداعالاۋعا جۇمىلدىرىلعان. وعان قوسا, كوشەلەردە جاياۋ تارتىپتىك شولۋ جاسايتىن توپتار مەن كولىك باعىتتارى دا ەكى ەسەگە جۋىق كوبەيتىلىپ وتىر. تەك وسىنىڭ ناتيجەسىندە عانا قالاداعى قىلمىستىق احۋال تۇراقتانىپ, اسا اۋىر قىلمىس سانى ءبىرشاما تومەندەدى.
سەيسەنبى, 22 قاڭتار 2013 7:17
قوعامدىق ورىندارداعى بۇزاقىلىق پەن كوشە قىلمىستارىنىڭ جولىنا توسقاۋىل قويۋ ماقساتىندا الماتى قالالىق ىشكى ىستەر دەپارتامەنتى بىرقاتار ءىس-شارالاردى جۇزەگە اسىرۋدا. سونىڭ ءبىرى ەكى مىڭنان استام ەرىكتى پوليتسيا كومەكشىلەرى مەن ىشكى اسكەردىڭ جەتى جۇزدەن استام ساربازى قوعامدىق قاۋىپسىزدىكتى قاداعالاۋعا جۇمىلدىرىلعان. وعان قوسا, كوشەلەردە جاياۋ تارتىپتىك شولۋ جاسايتىن توپتار مەن كولىك باعىتتارى دا ەكى ەسەگە جۋىق كوبەيتىلىپ وتىر. تەك وسىنىڭ ناتيجەسىندە عانا قالاداعى قىلمىستىق احۋال تۇراقتانىپ, اسا اۋىر قىلمىس سانى ءبىرشاما تومەندەدى.
قىرىقتان استام ۇيىمداسقان قىلمىستىق توپ ءمۇشەلەرى قىلمىستىق جاۋاپكەرشىلىككە تارتىلدى. قاراقشىلىق جاساۋمەن اينالىسقان 84 قىلمىستىق توپتىڭ ءىس-ارەكەتىنە توسقاۋىل قويىلىپ, كىسى توناۋمەن اينالىسقان جۇزگە جۋىق توپتىڭ جولى كەسىلدى. سونداي-اق, رەسەي مەن وزبەكستاننان كەلىپ, جاساندى جول-كولىك وقيعالارىن ۇيىمداستىرعان الاياق توپ قولعا ءتۇستى, دەيدى الماتى قالالىق ءىىد باسپاسوز قىزمەتى جەتەكشىسى, پوليتسيا مايورى سالتانات ازىربەك.ال تاجىريبە كورسەتكەنىندەي, وڭتۇستىك استانادا تىركەلگەن قىلمىستاردىڭ كوپشىلىگىن ەلىمىزدىڭ شىعىس قازاقستان, جامبىل, وڭتۇستىك قازاقستان وبلىستارىنان كەلگەندەر جاساۋدا. ولار كوپ جاعدايدا پىشاق, اتىس قارۋى سياقتى زاڭمەن تىيىم سالىنعان قارۋلاردى قولدانىپ, وزگەلەردىڭ قۇندى زاتتارىن تارتىپ الاتىندىعى كوپشىلىككە بەلگىلى. وسىنداي كەلەڭسىزدىكتەردى ەلەپ, ەسكەرگەن قالالىق پوليتسيا باسقارماسى زاڭدى تالاپتاردى دا ءبىرشاما كۇشەيتتى.باقىت بالعارينا,«ەگەمەن قازاقستان».الماتى.