سارسەنبى, 5 ماۋسىم 2013 1:34
تۇركيانىڭ تۇندىگى جەلپىلدەپ تۇر
بۇگىندە الەم جۇرتشىلىعىنىڭ نازارىن وزىنە ەرەكشە اۋدارعان ەلدەردىڭ قاتارىندا تۇركيا دا بار. بۇعان اۋەلدە ىستامبۇلدا باستالىپ, سوسىن انكارادا جالعاسقان, كەيىن ەلدىڭ ۇلكەندى-كىشىلى ەلۋ شاقتى قالاسىن شارپىعان ەرەۋىلدەر ەكپىنى اسەر ەتتى.
سارسەنبى, 5 ماۋسىم 2013 1:34
تۇركيانىڭ تۇندىگى جەلپىلدەپ تۇر
بۇگىندە الەم جۇرتشىلىعىنىڭ نازارىن وزىنە ەرەكشە اۋدارعان ەلدەردىڭ قاتارىندا تۇركيا دا بار. بۇعان اۋەلدە ىستامبۇلدا باستالىپ, سوسىن انكارادا جالعاسقان, كەيىن ەلدىڭ ۇلكەندى-كىشىلى ەلۋ شاقتى قالاسىن شارپىعان ەرەۋىلدەر ەكپىنى اسەر ەتتى.
كوپشىلىكتىڭ بۇلايشا دۇرلىگىپ, كوشەگە شىعۋلارىنا 1 ماۋسىم كۇنى ىستامبۇلداعى ەجەلگى گەزي ساياباعىن وتاۋ تۋرالى شەشىم قابىلدانۋى سەبەپ بولعان ەدى. قازىرگى كەزدە تارتىپسىزدىكتەر سالدارىنان كەم دەگەندە 3200 ادامنىڭ زارداپ شەككەنى, ءتىپتى 2 ادامنىڭ قازا تاپقانى دا بەلگىلى بولىپ وتىر. 26 ادام ءال ۇستىندە جاتسا كەرەك. ءسويتىپ, تۇركيادا ساياباقتىڭ ورنىنا ساۋدا-ويىن-ساۋىق كەشەنىن سالۋ تۋرالى شەشىمگە نارازىلىقتىڭ سالدارى اۋىر بولدى.
قىرعىزدار شىعىندارىن ساناۋدا
قىرعىزستان ۇكىمەتى «قۇمتور» التىن كەنىشى ورنالاسقان ىستىقكول وبلىسىنداعى تارتىپسىزدىكتەر سالدارىنان كەلگەن زياندى ەسەپتەپ شىعاردى. ول 1,4 ميلليون دوللارعا تەڭ دەلىنىپ وتىر. ەسكە سالا كەتسەك, «قۇمتور» ماڭىندا ورنالاسقان تامگا ايىلىنداعى احۋال 28 مامىر كۇنى ۋشىعا تۇسكەن بولاتىن.
ەلدىڭ وڭتۇستىگىن قامتىعان نارازىلىق اكتسياسىندا 55 ادام زارداپ شەككەن. شەرۋگە شىققان ازاماتتار قىرعىزستان ۇكىمەتى مەن كانادانىڭ Centerra Gold Inc. كومپانياسىنىڭ اراسىنداعى كەلىسىمنىڭ كۇشىن جويۋدى, ءسويتىپ, «قۇمتور» كەنىشىن تولىقتاي مەملەكەتتىڭ قاراۋىنا كوشىرۋدى تالاپ ەتكەنى بەلگىلى. تارتىپسىزدىك سالدارىنان ىستىقكولدەگى تۋريستىك ماۋسىمعا دا كەدەرگى كەلۋى ىقتيمال-تىن. الايدا, بۇگىندە وڭىردەگى احۋال قالپىنا كەلگەن سىڭايلى. بۇل تىنىشتىقتىڭ قاي كەزگە دەيىن سوزىلاتىنى دا بەيمالىم.
ەكونوميكالىق سانكتسيا قاتايتىلادى
اقش پرەزيدەنتى باراك وباما يرانعا قاتىستى ەكونوميكالىق سانكتسيانى قاتاڭداتۋ تۋرالى بۇيرىق بەردى. ونىڭ العاشقىسى يراننىڭ ۇلتتىق ۆاليۋتاسى – ريالعا تىكەلەي اسەر ەتەتىن بولادى. ءسويتىپ, سانكتسيانىڭ قارماعىنا ءبىرىنشى كەزەكتە شەتەلدىك قارجى ۇيىمدارى ىلىنبەكشى.
ياعني, سونداي شەتەلدىك قارجى ۇيىمدارىنىڭ قاتارىنا يران ۆاليۋتاسىن ايتارلىقتاي كولەمدە ساتىپ الاتىن نەمەسە ساتاتىن, سونداي-اق بانكتەرىندە ريال اقشاسىن كوپتەپ ۇستايتىن مەكەمەلەر جاتقىزىلاتىن بولادى. بۇل شارا شەتەل بانكتەرى مەن كومپانيالارىن ريال اقشاسىنان باس تارتۋعا ماجبۇرلەيدى, اقىر اياعىندا, يران ۆاليۋتاسىن ايتارلىقتاي السىرەتۋگە الىپ كەلەدى دەپ كۇتىلۋدە. وتكەن جىلدىڭ باسىنان بەرى ريال ءوز قۇنىنىڭ جارتىسىن جوعالتقانى دا وسى جەردە كولدەنەڭ تارتىلىپ وتىر.
قىسقا قايىرىپ ايتقاندا:
اقش يوردانياعا «پاتريوت» زىمىران كەشەندەرى مەن ع-16 جويعىش ۇشاقتارىن جىبەرىپ وتىر. پەنتاگونداعىلار «پاتريوت» پەن ع-16-نىڭ بىرلەسكەن اقش-يوردانيا اسكەري جاتتىعۋلارىندا پايدالانىلاتىنىن مالىمدەدى. وقۋ-جاتتىعۋلار اياقتالعاننان كەيىن ولاردىڭ كەيبىرى يوردانيا اۋماعىندا قالدىرىلۋى مۇمكىن.
تاجىكستاندا بەلگىسىز بىرەۋلەر التىن ساتۋمەن اينالىساتىن ەرلى-زايىپتى بوبوەۆتار مەن ولاردىڭ ءۇش بالاسىن ءولتىرىپ, قۇنى شامامەن 30 مىڭ دوللار تۇراتىن التىن بۇيىمداردى ۇرلاپ كەتكەن.
ءۇندىستاندا ەكى ايدان بەرى اپتاپ ىستىق باسىلماي تۇر. وسى ارالىقتا تامشى جاڭبىر جاۋماعان. سىناپ باعاناسى 44 گرادۋستان تومەندەمەسە, ىستىققا شىداي الماي كوز جۇمعان تۇرعىندار سانى كۇن وتكەن سايىن كوبەيە ءتۇسىپ وتىر.
يزرايل اقش-تى امەريكا بيلىگى تەندەردىڭ كومەگىمەن قۇرىلىسىنا جەكە كومپانيالاردى تارتۋ ماقساتىندا ءيزرايلدىڭ تەل-شاحار جاڭا قۇپيا زىمىران بازاسىن اشىق سايتتا جاريا ەتىپ جىبەردى دەپ ايىپتادى.
ەۋروپانى توپان سۋ باسىپ جاتىر
بىرنەشە كۇن بويى تولاسسىز جاۋعان جاڭبىردان ورتالىق ەۋروپاداعى بىرقاتار وزەندەر, ونىڭ ىشىندە دۋناي, ۆلتاۆا, ەلبا وزەندەرى دە بار, ارنالارىنان شىعىپ كەتتى. ءسويتىپ, چەحيانىڭ, گەرمانيا مەن اۆستريانىڭ كوپتەگەن اۋماقتارىن توپان سۋ باسىپ قالدى.
ماسەلەن, باۆارلىق پاسساۋ قالاسى ءىس جۇزىندە تولىقتاي سۋ استىندا قالسا, چەحيانىڭ استاناسى – پراگا قالاسىنا دا ۇلكەن قاۋىپ ءتونىپ تۇر. كوپتەگەن اۋدانداردا توتەنشە جاعدايلار جاريالانعان. قازىردىڭ وزىندە تابيعات اپاتى سالدارىنان 7 ادام وپات بولسا, تاعى 8-ءى ءىز-ءتۇزسىز جوعالىپ كەتكەن. بيلىك باسىنداعىلار سۋ العان اۋدانداردان مىڭداعان ادامدى قاۋىپسىز جەرلەرگە كوشىرىپ ۇلگەردى. ەكونوميكالىق زارداپ ازىرشە ەسەپتەلگەن جوق, بىراق, ونىڭ ايتارلىقتاي بولاتىنى انىق. جاڭبىردىڭ قاشان تولاستارى دا بەلگىسىز.
اقشانى حانزاداداي كىم شاشادى؟
ساۋد ارابياسىنىڭ حانزاداسى فاحد ءال-ساۋد پاريجدەگى ديسنەيلەند ساياباعىندا شامامەن 15 ميلليون ەۋرو شىعىنداعان. مۇنى فرانتسۋزدىق باق-تارعا سىلتەمە جاساي وتىرىپ, رەسەيدىڭ «جاڭالىقتار» اقپارات اگەنتتىگى جاريا ەتتى.
ديسنەيلەندتە ءال-ساۋد ديپلوم العانىن «جۋسا» كەرەك. 22-24 مامىر ارالىعىندا حانزادا ءوزى مەن جانىنداعى 60 شاقتى قوناعىنا كۇندىز ساياباقتىڭ تۇتاس ءبىر ايماقتارىن: ارنايى الاڭداردى, تاڭەرتەڭ جانە كەشكىسىن, ياعني ساياباق قاراپايىم ادامدار ءۇشىن رەسمي اشىلعانشا جانە اشىلعاننان كەيىن باسقا دا كوڭىل كوتەرەتىن ورىنداردى جالداپ العان. جەرگىلىكتى باق-تاردىڭ دەرەكتەرىنە قاراعاندا, مارتەبەلى مەيمان ءۇشىن ءتۇرلى دۋماندار, سپەكتاكلدەر مەن فوتوسەسسيالار ۇيىمداستىرىلىپتى.
ميللياردەر 18 جىل تۇرمەگە كەسىلدى
يتاليا سوتى شۆەيتساريالىق ميللياردەر ستەفان ءشميدحاينيدى 18 جىل باس بوستاندىعىنان ايىردى. سوت 65 جاستاعى بيزنەسمەندى ونىڭ فابريكالارىندا جۇمىس ىستەگەن 2 مىڭنان استام ادامنىڭ ولىمىنە كىنالى دەپ تاپتى.
ميللياردەردىڭ زاۋىتتارىندا دەنساۋلىققا زياندى, بىراق ءدال سول تۇستا تىيىم سالىنباعان اسبەست پايدالانىلىپ كەلىپتى. سوت سونداي-اق شميدحايني زارداپ شەككەندەر مەن ولاردىڭ تۋعان-تۋىسقاندارىنا وتەماقى رەتىندە ميلليونداعان ەۋرو تولەۋى ءتيىس دەگەن ۇكىم شىعاردى. ميللياردەر بولسا, وزىنە قارسى تاعىلعان ايىپ نەگىزسىز دەپ ەسەپتەيدى جانە ءوزىنىڭ كىناسىن مويىنداماۋدى جالعاستىرۋدا. «فوربس» جۋرنالىنىڭ باعامداۋىنشا, ءشميدحاينيدىڭ بايلىعى 3 ميلليارد دوللار دەپ ەسەپتەلەدى.
ينتەرنەت ماتەريالدارى نەگىزىندە ازىرلەندى.