بەيسەنبى, 13 ماۋسىم 2013 2:00
وزەندەرىن وڭتۇستىكتەن سولتۇستىككە بۇرۋدا
قىتاي وزىندەگى وزەندەردى وڭتۇستىكتەن ەلدىڭ سولتۇستىگىندەگى قۇرعاقشىلىق اۋماقتارىنا بۇرۋ جونىندەگى جوبانىڭ العاشقى كەزەڭىن اياقتادى. بيلىك ءتورت اي بەدەرىندە اسا ءىرى يانتسزى, سونداي-اق حۋايحە, حۋانحە جانە حايحە وزەندەرى سۋلارىنىڭ ءبىر بولىگىن سولتۇستىككە بۇراتىن ارنالار جەلىسىن تۇرعىزباق بولىپ وتىر.
بەيسەنبى, 13 ماۋسىم 2013 2:00
وزەندەرىن وڭتۇستىكتەن سولتۇستىككە بۇرۋدا
قىتاي وزىندەگى وزەندەردى وڭتۇستىكتەن ەلدىڭ سولتۇستىگىندەگى قۇرعاقشىلىق اۋماقتارىنا بۇرۋ جونىندەگى جوبانىڭ العاشقى كەزەڭىن اياقتادى. بيلىك ءتورت اي بەدەرىندە اسا ءىرى يانتسزى, سونداي-اق حۋايحە, حۋانحە جانە حايحە وزەندەرى سۋلارىنىڭ ءبىر بولىگىن سولتۇستىككە بۇراتىن ارنالار جەلىسىن تۇرعىزباق بولىپ وتىر.
وسىلايشا ەلدەگى ەڭ ءىرى يانزتسى وزەنى سۋىنىڭ ءبىر بولىگى حۋانحە وزەنىنىڭ ارناسى ارقىلى سولتۇستىك قىتايعا جەتكىزىلەتىن بولادى. وسى مارشرۋت بويىنشا جىلىنا شامامەن 1,5 ملرد. تەكشە مەتر سۋ جەتكىزىلمەك. «وزەندەردى بۇرۋ» جوباسىنىڭ جالپى قۇنى 81 ملرد. دوللاردى قۇرايدى. وسى باعىتتاعى بارلىق جۇمىستاردى 50-60 جىلدا اياقتاۋ جوسپارلانعان. بەلگىلەنگەن ارالىقتا 1,3 مىڭ شاقىرىمدىق ارنالار تارتىلماق.
ەكى كورەيا ءبىر-بىرىمەن بايلانىسىن ءۇزدى
پحانمۋندجوم بايلانىس ارناسى سولتۇستىك جانە وڭتۇستىك كورەيا اراسىندا كەلىسسوزدەر بولمايتىنى تۋرالى حابارلانعان كۇننىڭ ەرتەسىنە بايلانىسىن ءۇزدى. ءبىز تاڭەرتەڭگى ساعات 9-دا بايلانىسقا شىعۋعا تىرىسقان ەدىك, بىراق سولتۇستىك جاۋاپ بەرمەدى, دەپ مالىمدەدى وڭتۇستىك كورەيا وكىلى.سولتۇستىك جانە وڭتۇستىك كورەيا اراسىنداعى بايلانىس جەلىسى ۇستىمىزدەگى جىلدىڭ 11 ناۋرىزىندا ءۇزىلىپ, ەكىجاقتى كەزدەسۋ وتكىزۋگە ۋاعدالاسىلعان كۇننىڭ ەرتەڭىندە, ياعني 7 ماۋسىمدا قايتا جالعاسقان بولاتىن. ال 11 ماۋسىمدا وڭتۇستىك كورەيا كەلىسسوزدەرگە قاتىسۋشى سولتۇستىك وكىلدەرىنىڭ سانىن ازايتۋ تۋرالى شەشىم قابىلداعاننان كەيىن كحدر سەۋلگە دەلەگاتتار جىبەرۋدەن باس تارتقان ەدى. التى جىلدان سوڭعى مينيسترلەر دەڭگەيىندەگى ەكى ەل اراسىنداعى ەكى كۇندىك كەلىسسوزدەر سەۋلدە 12-13 ماۋسىم كۇندەرى ءوتۋى ءتيىس بولاتىن.
تاسقىننان كەلگەن شىعىن تەڭدەسسىزگەرمانياداعى سۋ تاسقىنىنان كەلگەن شىعىن كولەمى 12 ملرد. ەۋرو دەپ باعالانىپ وتىر. ال زارداپ شەككەندەرگە ساقتاندىرۋ كومپانيالارى تولەيتىن وتەماقى سوماسى 2,5-3 ملرد. دوللاردى قۇراماق. زارداپ شەككەن اۋداندارداعى كوپتەگەن تۇرعىنداردىڭ ساقتاندىرۋ پوليستەرى دە جوق كورىنەدى.بۇعان دەيىن ساراپشىلار نوسەر جاڭبىرلار تۋىنداتقان تابيعات اپاتىنان كەلگەن ەكونوميكالىق شىعىندى 6 ملرد. ەۋرو دەپ باعالاعان ەدى. گفر كانتسلەرى انگەلا مەركەل سۋ تاسقىنىنان زارداپ شەككەندەرگە فەدەرالدىق بيۋدجەتتەن 100 ملن. ەۋرو كولەمىندە كومەك كورسەتىلەتىنىنە ۋادە بەردى. سوڭعى مالىمەتتەرگە سۇيەنسەك, دۋناي وزەنىندەگى سۋ دەڭگەيى تومەندەي باستاعان. ەسەسىنە ەلبا وزەنى بۇرىنعىسىنشا ەلدىڭ سولتۇستىك-شىعىسىنا ءالى دە قاۋىپ ءتوندىرىپ وتىر. ورتالىق ەۋروپادا توپان سۋدان قازا تاپقاندار سانى 18 ادامعا جەتكەنىن ايتا كەتەيىك.
الەمدەگى ەڭ جىلدام پويىز سىنالدى
جاپونيادا قازىرگى كەزدەگى الەمدەگى ەڭ جۇردەك پويىزدى العاش رەت سىناقتان وتكىزۋ ۇدەرىسى تابىستى اياقتالدى. «ماگلەۆ» پويىزى ساعاتىنا 584 شاقىرىم جىلدامدىقپەن جۇرۋگە قابىلەتتى. الايدا, العاشقى سىناق بارىسىندا ساعاتىنا 500 شاقىرىم جىلدامدىقپەن جۇرۋگە عانا قول جەتكىزىلگەن.ادام تاڭعالارلىق جىلدامدىق ماگنيتتى جاستىق ەسەبىنەن جۇزەگە اسىرىلادى. پويىز رەلستەرگە ەش جەرى تيمەي, ماگنيتتىڭ ۇستىندە جۇيتكيدى. ول تەك اەروديناميكالىق قارسىلىق ناتيجەسىندە عانا تەجەلەدى. ال العاشقى سىناق ياماناسي پرەفەكتۋراسىندا 5 ۆاگوننان تۇراتىن پويىز قۇرامىمەن وتكىزىلگەن. 2027 جىلى مۇنداي پويىز توكيو مەن ناگويا اراسىن بايلانىستىرادى دەپ جوسپارلانىپتى. اتالعان قالالار ءبىر-بىرىنەن 350 شاقىرىم جەردە جاتسا, پويىز ونى 40 ءمينوت ىشىندە ەڭسەرە الادى.
ايەلىمەن اجىراسۋ ادەتكە اينالعانداي
رەسەي پرەزيدەنتى ۆلاديمير ءپۋتيننىڭ زايىبىمەن اجىراسىپ جاتقانى تۋرالى اقپاراتتىڭ بۇگىندە شىندىققا اينالعانى بەلگىلى. بۇل ادەت بۇگىندە الەمدەگى جوعارى لاۋازىم يەلەرىن شىرماي باستاعانداي. بۇعان چەحيا پرەمەر-ءمينيسترى پەتر نەچاستىڭ زايىبى رادكامەن اجىراسۋ تۋرالى شەشىمى ناقتى دالەل بولىپ تابىلادى.چەحيالىق ەرلى-زايىپتىلار مۇنداي شەشىمگە 25 جىل وتاسقاندارىنا قاراماستان بارىپ وتىر. «ءبىز وتباسىلىق ءومىرىمىزدى ۇيلەستىرۋگە ۇمتىلدىق, بىراق ودان ەش ناتيجە شىقپادى. سوندىقتان اجىراسقان ءجون دەپ شەشتىك. الايدا, ءبىر-بىرىمىزگە دەگەن سىيلاستىعىمىزدى ساقتاپ قالۋعا تىرىساتىن بولامىز», دەيدى نەچاس. ولاردىڭ 4 بالاسى بولسا, ەكى كەنجە قىزدارى ءالى كامەلەتكە تولماپتى. پرەمەردىڭ سوزىنە قاراعاندا, ولار انالارىمەن قالادى, ال ول قىزدارىنىڭ ءبىلىم الۋلارىنا كومەكتەسەدى.
جەر بەتىندەگى ەڭ قارت تۇرعىن كوز جۇمدى
جەردەگى ەڭ ۇزاق جاساعان تۇرعىن رەتىندە گيننەستىڭ رەكوردتار كىتابىنا ەنگىزىلگەن جاپونيالىق دزيروەمون كيمۋرا 116 جاسىندا قايتىس بولدى. ول تابيعي سەبەپتەرمەن كوز جۇمعان. دزيروەمون كيمۋرا 1897 جىلدىڭ 19 ساۋىرىندە تۋىپتى. مۇنىڭ الدىنداعى ەڭ ۇزاق جاساعان تۇرعىن رەتىندە دانيادان اقش-قا قونىس اۋدارعان كريستيان مورتەسەن سانالىپ كەلگەن-ءتىن. ول 1998 جىلى قايتىس بولعان ەدى. ال كيمۋرانىڭ قازاسىنان كەيىن گيننەستىڭ رەكوردتار كىتابىنىڭ نۇسقاسى بويىنشا الەمدەگى ەڭ كوپ جاساعان ادام اتاعى كەلەسى ءبىر جاپونيا تۇرعىنى ميساو وكاۆەگە اۋىستى. بۇل كەيۋانا 115 جاستا. وسى جەردە اتاپ كورسەتەتىن ءبىر ءجايت – گيننەستىڭ رەكوردتار كىتابىنا ءوزىنىڭ جاسىن قۇجاتىمەن دالەلدەي العان ادام عانا ەنگىزىلەدى.
قىسقا قايىرىپ ايتقاندا:*سوڭعى تاۋلىكتە تۇركيانىڭ ىستامبۇل قالاسىنداعى تاكسيم الاڭىندا ەرەۋىلشىلەر مەن پوليتسيا اراسىنداعى قاقتىعىس قايتا جالعاستى. بيلىك الاڭدى قالاي دا تازالاۋعا كۇش سالماق. ال ەل پرەمەرى رەدجەپ تايىپ ەردوعان ەرەۋىلشىلەر جەتەكشىلەرىمەن كەزدەسۋ وتكىزبەك.*اۆستريانىڭ بىتىمگەرشىلىك اسكەرلەرى گوللان بيىكتىگىن تاستاپ شىعا باستادى. بيىكتىكتەگى 380 سولداتتىڭ 20-سى قازىردىڭ وزىندە يزرايل اۋماعىنا كەلىپ كىرگەن. العاشقى 60-80 بىتىمگەرشى وتانىنا بۇگىن ورالۋى ءتيىس. مۇنداي شەشىمدى سونداي-اق كانادا مەن جاپونيا كونتينگەنتى دە قابىلداعان. مۇنداي شۇعىل شەشىمدەرگە بىتىمگەرشىلەرگە شابۋىلداردىڭ جيىلەپ كەتكەنى سەبەپ بولىپ وتىرسا كەرەك.*فينليانديانىڭ قورعانىس مينيسترلىگى رەسەيدىڭ ەكى اسكەري ۇشاعى ەلدىڭ اۋە كەڭىستىگىن بۇزدى دەگەن كۇدىك ءبىلدىردى. كەشە وسىنداي رەسمي مالىمدەمەنى فينليانديانىڭ قورعانىس مينيسترلىگى تاراتتى. دابىل قاعىلىپ, ەلدىڭ اسكەري-اۋە كۇشتەرىنىڭ ۇشاقتارى اسپانعا كوتەرىلگەن. وقيعانىڭ باسقا ەگجەي-تەگجەيى ناقتىلانبايدى.
ينتەرنەت ماتەريالدارى نەگىزىندە ازىرلەندى.