سارسەنبى, 15 مامىر 2013 1:21
يران مۇنايىنان باس تارتۋعا شاقىردى
اقش كونگرەسسمەندەرىنىڭ ءبىر توبى يراننان مۇناي الۋعا جاھاندىق ەمبارگو ەنگىزۋدى تالاپ ەتتى. وسىلايشا ساياساتكەرلەر يران بيلىگىنەن اتوم باعدارلاماسىن جۇزەگە اسىرۋ ماسەلەسىندە بەلگىلى ءبىر دەڭگەيدە شەكتەۋگە قول جەتكىزەمىز دەپ ەسەپتەيدى. بۇل تۋرالى سەناتتىڭ حالىقارالىق ىستەر جونىندەگى كوميتەتىنىڭ توراعاسى دەموكرات روبەرت مەنەندەس جاريا ەتتى.
سارسەنبى, 15 مامىر 2013 1:21
يران مۇنايىنان باس تارتۋعا شاقىردى
اقش كونگرەسسمەندەرىنىڭ ءبىر توبى يراننان مۇناي الۋعا جاھاندىق ەمبارگو ەنگىزۋدى تالاپ ەتتى. وسىلايشا ساياساتكەرلەر يران بيلىگىنەن اتوم باعدارلاماسىن جۇزەگە اسىرۋ ماسەلەسىندە بەلگىلى ءبىر دەڭگەيدە شەكتەۋگە قول جەتكىزەمىز دەپ ەسەپتەيدى. بۇل تۋرالى سەناتتىڭ حالىقارالىق ىستەر جونىندەگى كوميتەتىنىڭ توراعاسى دەموكرات روبەرت مەنەندەس جاريا ەتتى.
جالپىعا ورتاق ەمبارگونى جاقتاۋشىلاردىڭ پىكىرلەرىنشە, الەمدىك رىنوكتاعى كومىرسۋتەگىنىڭ ىقتيمال جەتىسپەۋشىلىگىنىڭ ورنىن تاياۋ شىعىس جانە سولتۇستىك امەريكا ەلدەرىندە مۇناي ءوندىرۋدى ارتتىرۋ ەسەبىنەن تولىقتىرۋعا بولادى. الايدا پرەزيدەنت اكىمشىلىگىندەگى بىرقاتار شەنەۋنىكتەر مەن ساراپشىلار كونگرەسسمەندەردىڭ ۇسىنىسىن سىنعا الدى. ويتكەنى, دەيدى ولار, يران مۇنايىنان باس تارتۋ الەمدىك رىنوكتاعى تەڭسىزدىككە جانە مۇناي باعاسىنىڭ وسۋىنە ۇرىندىرادى.
قۇرت-قۇمىرسقا, باقا-شايان جۇعىمدى تاماق
جەر تۇرعىندارىنا تاماقتارىنا قۇرت-قۇمىرسقانى كوبىرەك قوسۋ كەرەك. بۇل ازىق-ت ۇلىك جەتىسپەۋشىلىگىنىڭ ورنىن تولتىرۋداعى ىقتيمال قيىندىقتاردى جەڭىلدەتۋگە سەپتەسەدى جانە اشتىقتىڭ الدىن الادى. مۇنداي پىكىردى بۇۇ-نىڭ ازىق-ت ۇلىك جانە اۋىل شارۋاشىلىعى جونىندەگى ۇيىمى ءبىلدىردى.
مۇنى نيدەرلاندىداعى ۆاگەنينگ ۋنيۆەرسيتەتى دە قولداپ وتىر. قۇرت-قۇمىرسقا مەن باقا-شاياندى بارىنشا كوبىرەك تۇتىنىڭدار. ويتكەنى, ولار وراسان كوپ جانە پروتەيندەر مەن مينەرالداردىڭ باي كوزى بولىپ تابىلادى, دەپ مالىمدەگەن باياندامانىڭ تۇساۋكەسەرىندە بۇۇ وكىلى ەۆا ۋرسۋلا ميۋللەر حانىم. ونىڭ سوزىنە قاراعاندا, قۇرت-قۇمىرسقالار اسا جۇعىمدى تاماق بولعاندىقتان, ونى جەر شارى تۇرعىندارىنىڭ ۇشتەن ءبىرى تۇتىنادى.
ءۇش گرۋزين اسكەريى قازا تاپتى
اۋعانستاندا ورنالاسقان گرۋزيانىڭ اسكەري كونتينگەنتىندە كەزەكتى رەت ادام ءولىمى ورىن الدى. قارۋلى جاساقتىڭ اسكەري بازاعا شابۋىلى سالدارىنان ءۇش گرۋزيالىق اسكەري قازا تاۋىپ, بىرنەشەۋى جارالاندى. ال شابۋىلدى اۆتوكولىكتى پايدالانعان جانكەشتى جۇزەگە اسىرعان.
بۇل تۋرالى گرۋزيانىڭ قورعانىس ءمينيسترى يراكلي الاسانيا وتكىزگەن بريفينگتە ايتىلدى. ونىڭ سوزىنە قاراعاندا, گرۋزيالىق اسكەريلەر شابۋىلدىڭ بەتىن قايتارا العان. ءسويتىپ, جاعداي ولاردىڭ باقىلاۋىندا كورىنەدى. مينيستر قازا تاپقانداردىڭ وتباسىنا كوڭىل ايتتى. وقيعاعا وراي گرۋزيا پرەزيدەنتى مەن پرەمەر-ءمينيسترى دە كوڭىل بىلدىرگەن. گرۋزيانىڭ اسكەري كونتينگەنتى اۋعانستاندا 2009 جىلدان بەرى قىزمەت اتقارىپ كەلەدى. ولاردىڭ سانى شامامەن 1,5 مىڭ ادام.
200 جولاۋشىسى بار قايىقتار سۋعا باتتى
ميانمادا 200 جولاۋشىسى بار قايىقتار سۋعا باتىپ كەتكەن. وقيعا سالدارىنان كەم دەگەندە 50 ادام كوز جۇمعان. كوپتەگەن جولاۋشىلار جوعالىپ كەتكەندەر قاتارىن تولتىرىپ وتىرسا كەرەك. الايدا, ەل بيلىگىنىڭ قولىندا ناقتى دەرەكتەر جوق سەكىلدى.
بانگكوكتەگى بۇۇ قىزمەتكەرى كيرستەن ميلدرەننىڭ مالىمەتىنشە, ادامدار 3 قايىققا ءبولىنىپ ءمىنىپتى. موتورى بار ۇلكەنى اعاشتان جاسالعان كىشىرەك ەكەۋىن سۇيرەپ كەلە جاتقان ەكەن. الدىڭعى قايىق راكحاين شتاتىنداعى پاۋكتاۆ قالاسى ماڭىندا شاتقالعا سوعىلعان سياقتى. ادامدار سۋ تاسقىنىنان قۇتىلماق نيەتپەن قايىققا مىنسە كەرەك. قازىرگى كەزدە تابيعات اپاتىنان قاشقان 140 مىڭ ادام قاۋىپسىز جەرلەرگە ورنالاسىپ ۇلگەرىپتى.
ۆەرمونت شتاتى ەۆتانازياعا رۇقسات بەردى
اقش-تىڭ ۆەرمونت شتاتىنىڭ زاڭ شىعارۋشىلارى ەۆتانازيا تۋرالى زاڭ جوباسىن ماقۇلدادى. شتات كونگرەسى وكىلدەر پالاتاسىنىڭ 75 مۇشەسى زاڭ جوباسىن قولداپ داۋىس بەرسە, 65-ءى قارسىلىق بىلدىرگەن. بۇدان بۇرىن وسىعان ۇقساس زاڭ جوباسىن ۆەرمونتتىڭ سەناتى ماقۇلداعان ەدى.
ەندى جاقىندا ەۆتانازيا تۋرالى زاڭعا شتات گۋبەرناتورى پيتەر شاملين قول قويادى دەپ كۇتىلۋدە. وسىدان كەيىن ۆەرمونت اقش-تا ەۆتانازيا رۇقسات ەتىلگەن ءتورتىنشى شتات بولادى. ورەگون 1997 جىلى ەۆتانازيا رۇقسات ەتىلگەن العاشقى شتات ەدى. كەيىن وعان ۆاشينگتون مەن مونتانا قوسىلعان-تىن. جالپى, ەۆتانازيا جارتى جىلدان از عۇمىرى قالعان پاتسيەنتكە نەمەسە اقىل-ەسى دۇرىس ەمەس سىرقات ءوز ەركىمەن ومىردەن وزعىسى كەلگەن جاعدايدا قولدانىلادى.
يانۋكوۆيچتى ماسقارالاعانعا – ايىپپۇل
ۋكراينانىڭ نيكولاەۆ قالاسىنىڭ تۇرعىنى اناتولي يلچەنكوعا كيەۆتەگى التىن قاقپا ماڭىندا موينىنا «يانۋكوۆيچ ەشكى» دەگەن پلاكات تاعىپ الىپ قىدىرىستاپ جۇرگەنى ءۇشىن ايىپپۇل سالىندى. ايىپپۇل سوماسى 51 گريۆنانى (6 دوللار شاماسىندا) قۇراعان كورىنەدى.
بۇل ايىپپۇل سوماسى قىلمىستىق كودەكستىڭ «ۇساق بۇزاقىلىق» بابى بويىنشا جاۋاپكەرشىلىككە سايكەس كەلەدى ەكەن. ال جەرگىلىكتى بۇقارالىق اقپارات قۇرالدارىنىڭ دەرەكتەرىنشە, موينىنا پلاكات ىلگەن زەينەتكەرمەن سۋرەتكە تۇسۋگە شەتەلدىك تۋريستەر كوپ قىزىعۋشىلىق تانىتقانعا ۇقسايدى. ونىڭ ارەكەتى سونداي-اق ونداعان ميليتسيونەردىڭ نازارىن اۋدارعان. بىراق ولار زەينەتكەردى ۇستاماعان ءجون دەپ شەشكەن. بىراق كەيىنىرەك اكىمشىلىك حاتتاما تولتىرۋعا ءماجبۇر بولعان.
مايا پيراميداسىن قيراتىپ تاستادى
بەليزدە قۇرىلىس كەزىندە مايا پيراميدالارىنىڭ ىشىندەگى ەڭ ۇلكەنى ءىشىنارا بۇزىلعان. بەليزدەگى ارحەولوگيا ينستيتۋتىنىڭ باسشىسى حايمە اۆەنىڭ سوزىنە قاراعاندا, پيراميدا وتكەن اپتادا بۇزىلسا, بۇقارالىق اقپارات قۇرالدارىنا ەندى عانا ءمالىم بولىپ وتىر.
قۇرىلىس كومپانياسى پيراميدانى جول سالۋ ءۇشىن ەكسكاۆاتورلاردى جانە بۋلدوزەرلەردى قولدانعان كەزدە بۇزعان. حايمە اۆەنىڭ اتاپ كورسەتۋىنشە, قۇرىلىسشىلار كونە ەسكەرتكىشتى تابيعي لاندشافتپەن ەش شاتاستىرىپ الۋى مۇمكىن ەمەس ەدى. قازىرگى كەزدە بەليز پوليتسياسى تەكسەرۋ جۇمىستارىنا كىرىسىپ كەتكەن. پوليتسيانىڭ قىلمىستىق ءىس قوزعاۋى دا عاجاپ ەمەس كورىنەدى. ويتكەنى, ءىشىنارا قيراعان پيراميدا جاسى 2,3 مىڭ جىلدى قۇرايتىن كونە ەسكەرتكىش بولىپ تابىلادى.
ينتەرنەت ماتەريالدارى نەگىزىندە ازىرلەندى.