ۋنيۆەرسيتەتتىڭ قۇرىلىس توبىندا 20 جاۋىنگەر بار. ال بقمۋ-دىڭ 120 ادامدىق «جاسىل ەل» كومانداسى 2001 جىلدان بەرى رەسپۋبليكالىق دەڭگەيدە ۇنەمى بيىكتەن كورىنىپ, تالاي مارتە «ۇزدىك كوماندا», «ۇزدىك سارباز», «ۇزدىك ساردار», «ۇزدىك ۋنيۆەرسيتەت» اتاقتارىن جەڭىپ العان. بيىل دا جاز ايىندا ەڭبەك ەتىپ, وبلىس ورتالىعىن اباتتاندىرعالى وتىرعان جاس جاۋىنگەرلەرگە باتىس قازاقستان وبلىستىق جاستار ساياساتى ماسەلەلەرى باسقارماسىنىڭ باس مامانى ادىلگەرەي زۇلحاروۆ, جاستارمەن جۇمىس جونىندەگى رەسۋرستىق ورتالىعى باسشىسىنىڭ مىندەتىن اتقارۋشى الفيا جاقسىعاليەۆا, ورال قالاسى اقپاراتتىق تالداۋ جانە جاستارمەن جۇمىس جونىندەگى رەسۋرستىق ورتالىعىنىڭ باسشىسى بولاتبەك ساحيەۆ كەلىپ, ەڭبەك ماۋسىمىنا اق جول تىلەدى.
2019 جىل – جاستار جىلىندا ماحامبەت وتەمىس ۇلى اتىنداعى باتىس قازاقستان مەملەكەتتىك ۋنيۆەرسيتەتى اككرەديتاتسيا جانە رەيتينگ تاۋەلسىز اگەنتتىگىنىڭ شەشىمىمەن (ناار) حالىقارالىق ينستيتۋتسيونالدىق اككرەديتاتسيالاۋدان تابىستى ءوتتى. اگەنتتىك شەشىمى 7 جىلعا جارامدى. 90 جىلدىق تاريحى بار, بۇگىنگە دەيىن 70 مىڭ ماماندى تۇلەتكەن قارا شاڭىراقتىڭ حالىقارالىق دەڭگەيدە تانىمال بولعانىن ەستىگەن ستۋدەنتتەر قۋانا قول سوقتى.
ستۋدەنت جاستاردىڭ جازعى ەڭبەك ماۋسىمىنا شىعۋىنا ارنالعان سالتاناتتى جيىنعا ارداگەر ۇستازدار جۇبانىشقالي جاردەموۆ, ۆلاديمير سالوۆ, ابات قىدىرشاەۆ قاتىسىپ, جاستاردىڭ ەڭبەك مايدانىنا تابىس تىلەدى.
باتىس قازاقستان وبلىسى