بۇل تۋرالى اقوردانىڭ ءباسپاسوز قىزمەتى حابارلادى.
ادامگەرشىلىككە, مەيىرىم مەن قايىرىمدىلىققا ۇندەيتىن قاسيەتتى رامازان ايىنىڭ اياقتالۋى – كۇللى مۇسىلمان ۇمبەتى ءۇشىن ماڭىزدى مەرەكە.
ورازا ايت كۇندەرى ءار مۇسىلمان تۋعان-تۋىستارى مەن باۋىرلارىنا قامقورلىق كورسەتىپ, مۇقتاج جاندارعا قولۇشىن سوزىپ, ءوزىنىڭ رۋحاني دامۋىنا زور ءمان بەرەدى.
ىزگى ويلار مەن يگى ىستەر ءوزارا ءتۇسىنىستىك پەن كەلىسىمگە باستايدى, ادامداردى ورتاق ماقسات-مۇددەگە جەتەلەيدى.قازاقستان – بەيبىت ءومىر مەن جاسامپازدىقتىڭ مەكەنى. وزگە ءدىني سەنىمدەرگە قۇرمەت, تولەرانتتىلىق پەن ادامگەرشىلىك قۇندىلىقتار – حالقىمىزعا ءتان يگى قاسيەتتەر.
يسلام ءىلىمى وتانعا دەگەن ءسۇيىسپەنشىلىك پەن ۇلتتىق ءداستۇرگە بەرىك قوعامىمىزدىڭ رۋحاني جاڭعىرۋ يدەياسىنا تولىق ساي كەلەدى.
ەلىمىز امان, جۇرتىمىز تىنىش بولسىن!
ءار شاڭىراققا باق-بەرەكە تىلەيمىن!
ورازا ايت قۇتتى بولسىن!