سارسەنبى, 1 مامىر 2013 2:25
ءار جىل سايىن مامىراجاي مامىردىڭ ءبىرىنشى كۇنى ءبىز ايرىقشا ىقىلاسپەن – قازاقستان حالقىنىڭ بىرلىگى مەرەكەسىن اتاپ وتەمىز.
بيىلعى جىلعى 1 مامىر وزىندىك ەرەكشەلىككە يە. ءبىز قوعامدىق كەلىسىم مەن ۇلتتىق بىرلىگىمىزدى بەكەمدەي تۇسكەن قازاقستان حالقى اسسامبلەياسىنىڭ مەرەيتويلىق حح سەسسياسىن وتكىزدىك.
سارسەنبى, 1 مامىر 2013 2:25
ءار جىل سايىن مامىراجاي مامىردىڭ ءبىرىنشى كۇنى ءبىز ايرىقشا ىقىلاسپەن – قازاقستان حالقىنىڭ بىرلىگى مەرەكەسىن اتاپ وتەمىز.
بيىلعى جىلعى 1 مامىر وزىندىك ەرەكشەلىككە يە. ءبىز قوعامدىق كەلىسىم مەن ۇلتتىق بىرلىگىمىزدى بەكەمدەي تۇسكەن قازاقستان حالقى اسسامبلەياسىنىڭ مەرەيتويلىق حح سەسسياسىن وتكىزدىك.
1 مامىر – بۇل ارقاشان حالقىمىزدىڭ بىرلىگىن پاش ەتەتىن, قوعامدىق كەلىسىم كەمەلىنە جەتىپ, ەلدىڭ بىرلىگى جاراسىپ, ىنتىماعى ۇيىساتىن كۇن.
قازاقستان حالقىنىڭ بىرلىگى مەرەكەسى – وتانىمىزعا دەگەن سۇيىسپەنشىلىكتىڭ, قازاقستاندىق ءپاتريوتيزمنىڭ جارقىن كورىنىسى. بۇل كۇنى وتانعا ادالدىق, ەلگە جاناشىرلىق, ازاماتتىق پارىز اسقاقتاي تۇسەدى.
بۇگىندە دوستىق, سەنىم, ىنتىماق, بىرلىك ۇعىمدارى ەتنوسىنا, ءدىني سەنىمىنە قاراماستان, بارلىق ازاماتتار ءۇشىن اينىماس بەرىك ۇستانىمدارعا اينالدى. قوعامدىق كەلىسىم مەن مادەني جانە تىلدىك ءار الۋاندىق ءبىزدىڭ ءوسىپ-وركەندەۋىمىزدىڭ نەگىزىنە, باستى بايلىعىمىزعا, ورتاق يگىلىگىمىزگە اينالدى.
اسسامبلەيانىڭ حح سەسسياسىنداعى سوزىندە ەل پرەزيدەنتى, ەلباسى ن.ءا.نازارباەۆ – «قازاقستاندىق جول جاڭا تاۋەلسىز ەلدەر ءۇشىن ۇلتتىق جەتىستىكتىڭ جەمىستى ۇلگىسىنە اينالدى. بۇل قازاقستاندىقتاردىڭ ەڭبەگى مەن تۇتاستىعىنىڭ ناتيجەسى» دەپ كورسەتتى. سوندىقتان دا ءبىزدىڭ بىرلىگىمىز بەن كەلىسىمىمىز قازاقستان حالقىنىڭ باعا جەتپەس قازىناسى رەتىندە ۇرپاقتان ۇرپاققا بەرىلەتىن بولادى.
تەك قانا تاتۋلىق پەن تۇتاستىق ارقىلى عانا ءبىز قازاقستاندى كەز كەلگەن عالامات جوسپارلاردى ىسكە اسىراتىن قۋاتتى مەملەكەت ەتە الامىز. تەك قانا بىرلىگى جاراسقان حالىق قانا ۇلى بەلەستەردى باعىندىرا الادى!
قادىرلى دوستار!
قازاقستان حالقىنىڭ بىرلىگى مەرەكەسىنە وراي شىنايى قۇتتىقتاۋىمىزدى قابىل الىڭىزدار! سىزدەرگە زور دەنساۋلىق, ىرىس, ىنتىماق, وتباسىلارىڭىزعا باقىت, بەرەكە, قۋانىش پەن شاتتىق تىلەيمىز!
قازاقستان حالقىنىڭ بىرلىگى جاراسىپ, وتانىمىزدا ارقاشان بەيبىتشىلىك پەن كەلىسىم, دوستىق پەن سەنىم ورناسىن. ەلدىگىمىز ەڭسەلى, مەملەكەتتىگىمىز ماڭگى بولسىن!
قازاقستان حالقى اسسامبلەياسى.
استانا, 2013 جىل.