بەيسەنبى, 4 ءساۋىر 2013 2:13
جاقىندا اقجايىق اۋدانىنىڭ ورتالىعى – چاپاەۆ اۋىلىنىڭ جۇرتشىلىعى ايتۋلى دا اجارلى وقيعا – «رادۋگا» سلاۆيان مادەني بىرلەستىگىنىڭ سالتاناتتى اشىلۋىنا كۋا بولدى.اۋداندا بارلىعى 21 ۇلت وكىلى تۇرادى, ولاردىڭ 94 پايىزى –تۇپكى جۇرت. ورىس, ۋكراين, بەلورۋس, قۇمىق, موردۆا, چۋۆاش وكىلدەرى دە وتانىمىزداعى بىرلىكتى, تۇتاستىقتى تاۋسىلماس باقىت دەپ بىلەدى. «جاستار» مادەني-دەمالىس ورتالىعى عيماراتىنىڭ ۇلكەن بولىگىنە ورنالاسقان «رادۋگانىڭ» اشىلۋىنا جينالعان كوپشىلىكتى اۋدان اكىمى ناريمان تورەعاليەۆ قۇتتىقتادى.
بەيسەنبى, 4 ءساۋىر 2013 2:13
جاقىندا اقجايىق اۋدانىنىڭ ورتالىعى – چاپاەۆ اۋىلىنىڭ جۇرتشىلىعى ايتۋلى دا اجارلى وقيعا – «رادۋگا» سلاۆيان مادەني بىرلەستىگىنىڭ سالتاناتتى اشىلۋىنا كۋا بولدى.اۋداندا بارلىعى 21 ۇلت وكىلى تۇرادى, ولاردىڭ 94 پايىزى –تۇپكى جۇرت. ورىس, ۋكراين, بەلورۋس, قۇمىق, موردۆا, چۋۆاش وكىلدەرى دە وتانىمىزداعى بىرلىكتى, تۇتاستىقتى تاۋسىلماس باقىت دەپ بىلەدى. «جاستار» مادەني-دەمالىس ورتالىعى عيماراتىنىڭ ۇلكەن بولىگىنە ورنالاسقان «رادۋگانىڭ» اشىلۋىنا جينالعان كوپشىلىكتى اۋدان اكىمى ناريمان تورەعاليەۆ قۇتتىقتادى.
– سان عاسىردان بەرى قازاقتىڭ كەڭ دالاسىنا كوپتەگەن ۇلت, ۇلىستاردىڭ ۇرپاقتارى كەلىپ ورنىعىپ, ءبىر-بىرىمەن تامىر, دوس بولىپ, تاتۋ-ءتاتتى ءومىر ءسۇرىپ كەلە جاتىر. دارحان كوڭىلدى, كەڭ پەيىلدى جۇرتىمىز ولارعا قۇشاعىن اشتى. بۇل – ءبىزدىڭ تاريحي قاسيەتىمىز, ءوسىپ-وركەندەۋىمىزدىڭ باستى نەگىزى. قازاقستانداعى دوستىق پەن باۋىرمالدىق تۋىنىڭ استىنا بىرىككەن تۇرعىنداردىڭ قاجىرلى ەڭبەگىنىڭ ارقاسىندا ەلىمىزدى بۇگىن دۇنيە ءجۇزى مويىنداپ وتىر. بۇل, ءبىرىنشى كەزەكتە, تۇسىنىستىكتىڭ ناتيجەسى, – دەدى جايىق وزەنىنىڭ قوس قاناتىن الىپ جاتقان ۇلكەن اۋداننىڭ باسشىسى.ورىس پراۆوسلاۆيە شىركەۋى وبلىستىق ەپارحياسىنىڭ وكىلى ۆلاديمير كارتياجنيكوۆ ءبىرلەستىككە ورال جانە گۋرەۆ ارحيەپيسكوپى ءانتونيدىڭ تىلەگىن جەتكىزدى. قازاقستان حالقى اسسامبلەياسى اۋداندىق باستاماشى توبىنىڭ مۇشەسى, «رادۋگانىڭ» ءتورايىمى ۆالەنتينا بوريچەۆسكايا جانە ءسوز العان باسقالار ەتنومادەني ءبىرلەستىك قۇرىلۋىنىڭ ءمانى, ءار قازاقستاندىقتىڭ وتانسۇيگىشتىك, دوستىق قاسيەتتەرى تۋرالى اڭگىمەلەدى.قالىڭ قاۋىم الۋان ۇلتتىڭ تۇرمىس, ەڭبەك قۇرالدارى, بۇيىمدارى قويىلعان كورمەمەن تانىستى. ساحنا تورىنەن وتان, بەيبىت تىرلىك جايىندا اندەر اۋەلەدى.بولات ەسقاليەۆ, جۋرناليست. باتىس قازاقستان وبلىسى.
سۋرەتتى تۇسىرگەن نۇربەك يحسان.