جۇما, 1 ناۋرىز 2013 7:15
قازاقستان حالقى اسسامبلەياسى قۇرىلعالى تۋرا 18 جىل بولىپ قالىپتى. الەمدە تەڭدەسى جوق بۇل ينستيتۋت ءوز قۇرامىنا قازىرگى تاڭدا 820-دان استام ەتنومادەني بىرلەستىكتىڭ باسىن بىرىكتىرىپ, ەلىمىزدە ازاماتتىق قوعام مەن مەملەكەت مۇمكىندىكتەرىن جۇمىلدىراتىن قوعامدىق كەلىسىمنىڭ باستى تەتىگىنە اينالىپ وتىر. ءبۇگىندە قازاقستان حالقى اسسامبلەياسى ەتنوستىق نەمەسە ءدىني بەلگىسىنە قاراماستان كونستيتۋتسيامەن كەپىلدىك بەرىلگەن ازاماتتىق قۇقىقتار مەن بوستاندىقتاردى تولىعىمەن يەلەنەتىن جانە پايدالاناتىن, ءاربىر ازاماتتىڭ وزىندىك ەرەكشەلىگىن دامىتۋعا مۇمكىندىك جاسايدى.
جۇما, 1 ناۋرىز 2013 7:15
قازاقستان حالقى اسسامبلەياسى قۇرىلعالى تۋرا 18 جىل بولىپ قالىپتى. الەمدە تەڭدەسى جوق بۇل ينستيتۋت ءوز قۇرامىنا قازىرگى تاڭدا 820-دان استام ەتنومادەني بىرلەستىكتىڭ باسىن بىرىكتىرىپ, ەلىمىزدە ازاماتتىق قوعام مەن مەملەكەت مۇمكىندىكتەرىن جۇمىلدىراتىن قوعامدىق كەلىسىمنىڭ باستى تەتىگىنە اينالىپ وتىر. ءبۇگىندە قازاقستان حالقى اسسامبلەياسى ەتنوستىق نەمەسە ءدىني بەلگىسىنە قاراماستان كونستيتۋتسيامەن كەپىلدىك بەرىلگەن ازاماتتىق قۇقىقتار مەن بوستاندىقتاردى تولىعىمەن يەلەنەتىن جانە پايدالاناتىن, ءاربىر ازاماتتىڭ وزىندىك ەرەكشەلىگىن دامىتۋعا مۇمكىندىك جاسايدى. رەسپۋبليكامىزداعى ءاربىر ەتنوس – قوعامنىڭ ماڭىزدى ءارى جاراسىمدى بولىگى بولىپ تابىلادى. سوندىقتان دا ولاردىڭ مادەنيەتى مەن ءتىلىن, ءداستۇرىن ودان ءارى ءىلگەرىلەتۋگە قاجەتتى جاعدايدىڭ ءبارى بار. ماسەلەن, 72 جالپى ءبىلىم بەرەتىن ۇلتتىق مەكتەپتە وقىتۋ ەتنوس تىلدەرىندە جۇرگىزىلسە, ال 143 مەكتەپتە ارالاس ءبىلىم بەرىلەدى. 195 ەتنو-اعارتۋ كەشەندەرى مەن لينگۆيستيكالىق مەكتەپتەر اشىلعان. 14 ورىس جانە ۇيعىر, كارىس, نەمىس (تمد-دا جالعىز), وزبەك ۇلتتىق تەاترلارى جۇمىس ىستەۋدە.
رەسپۋبليكادا اسسامبلەيانىڭ كوپفۋنكتسيالى رەسۋرستىق ورتالىقتارى رەتىندە 10 دوستىق ءۇيى, استانا قالاسىندا بەيبىتشىلىك جانە كەلىسىم سارايى قىزمەت اتقارۋدا. 35 ەتنوستىق باق (11 تىلدە) جارىق كورۋدە, قحا جانىنان جۋرناليستەر مەن ساراپشىلار كلۋبى قۇرىلدى. سونىڭ ىشىندە قازاقستاندا تۇراتىن تۇرىك ەتنوسىنىڭ «احىسكا» ەتنومادەني ورتالىعى دا قىزمەتىن ويداعىداي اتقارىپ وتىر. ەل اۋماعىنىڭ بارلىق وڭىرلەرىندە فيليالدارى بار. «احىسكا» گازەتى 3 تىلدە جارىق كورەدى. الماتى وبلىسىندا ءبىزدىڭ ورتالىق تاراپىنان الەۋمەتتىك جاۋاپكەرشىلىك باعدارلاماسى بويىنشا 1 جاڭا ورتا مەكتەپ اشىلىپ, ءال-اۋقاتى تومەن بالالارعا تالاپقا سايكەس ورتا ءبىلىم بەرىلۋدە. ەلباسىمىزدىڭ الدىمىزعا قويعان مەملەكەتتىك ءتىلدى مەڭگەرۋ تاپسىرماسى اياسىندا تولىققاندى جۇمىس اتقارۋدامىز. قازاقستان تۇرىكتەرىنىڭ 80%-ى مەملەكەتتىك ءتىلدى ەركىن بىلەدى. قازاقستاندىق پاتريوتيزمدى ءاربىر ازاماتقا جەتكىزۋ, وسى باعىتتا ءتالىم-تاربيە بەرۋ ءبىزدىڭ بىرلەستىگىمىزدىڭ باستى ماقساتتارىنىڭ ءبىرى ەكەندىگى انىق. ەلىمىزدە تۇراقتىلىقتىڭ, بەيبىتشىلىك پەن كەلىسىمنىڭ ۇنەمى ساقتالۋىنا اتسالىسىپ, قوعامدا بەرەكە-بىرلىكتىڭ نىعايۋىنا ۇلەسىمىزدى قوسا بەرمەكپىز. بۇل – ءبىزدىڭ ازاماتتىق پارىزىمىز.
اسكەر پيريەۆ,
استانا قالاسى «احىسكا» تۇرىك ەتنومادەني
قوعامدىق بىرلەستىگىنىڭ توراعاسى.