ايتۋلى شاراعا قازاقستان رەسپۋبليكاسىنداعى بىرىككەن ۇلتتار ۇيىمىنىڭ (بۇۇ) قوعامدىق اقپارات دەپارتامەنتىنىڭ وكىلى سامەك ۆلاستيميل, «جالىن» عىلىمي وندىرىستىك-تەحنيكالىق ورتالىعىنىڭ باس ديرەكتورى, حيميا عىلىمدارىنىڭ دوكتورى سەستاگەر اقنازاروۆ, قازاق تاعامتانۋ اكادەمياسىنىڭ ۆيتسە-پرەزيدەنتى, بيولوگيا عىلىمدارىنىڭ دوكتورى يۋري سينياۆسكي, اباي اتىنداعى قازاق ۇلتتىق پەدوگوگيكالىق ۋنيۆەرسيتەتىنىڭ پروفەسسورى, بيولوگيا عىلىمدارىنىڭ دوكتورى اناتولي كۋپچيشين, «تيمال» ورتالىعىنىڭ ديرەكتورى, مەديتسينا عىلىمدارىنىڭ دوكتورى مامبەت نۇراليەۆ, «جالپى تاجىريبە دارىگەرى – كونسۋلتانت ەكسپەرت» ورتالىعىنىڭ باس ديرەكتورى, بيولوگيا عىلىمدارىنىڭ كانديداتى حابيبوللا بيسميلدين جانە تاعى باسقا عالىمدار, كاسىپكەرلەر, ۇكىمەتتىك جانە ۇكىمەتتىك ەمەس ۇيىمداردىڭ وكىلدەرى قاتىستى.
كونفەرەنتسيا بارىسىندا «مەديتسينا, نانوتەحنولوگيا, بيومەديتسينا جانە اگروونەركاسىپ سالاسىنداعى تەوريا مەن پراكتيكا بويىنشا اقپارات جانە پىكىر الماسۋ», «بىرلەسكەن عىلىمي جانە بيزنەس باعدارلامالاردى تالقىلاۋ جانە ازىرلەۋ, شارتتار مەن كەلىسىم-شارتتار جاساسۋ», «مەديتسينا, نانوتەحنولوگيا, بيومەديتسينا جانە اگروونەركاسىپ سالاسىنداعى قازىرگى زامانعى عىلىم مەن ونەركاسىپتىڭ جاعدايىن تالداۋ» سەكىلدى كوپتەگەن وزەكتى تاقىرىپتار بويىنشا تارتىمدى اڭگىمەنىڭ تەگى اعىتىلدى.
– INFINITە كومپانياسى جەلىلى ماركەتينگ جۇيەسى بويىنشا جۇمىس جاسايدى. وسى جۇيەنىڭ نەگىزگى پرينتسيپتەرىنە ساي ديستريبيۋتورلار ءونىمنىڭ ساپاسى مەن قاسيەتى جايىندا جان-جاققا اقپارات تاراتادى. قازىرگى كەزدە حالىققا قاجەتتى مالىمەتتى تاراتۋشىلار جانە ءبىزدىڭ تاراپىمىزدان ۇسىنىلعان ءونىمدى تۇتىنۋشىلار سانى ۋاقىت وزعان سايىن ارتا تۇسۋدە. سونىڭ ناتيجەسىندە كەڭ تاراعان اللەرگيالىق اۋرۋلار ازايىپ, بىرقاتار ۋلانۋ تۇرلەرىنەن ادامدار تەز ايىعۋدا. ايتۋلى ۇجىم قازاقستاننىڭ بارلىق قالالارى مەن تمد ەلدەرىنىڭ بىرقاتار ايماقتارىندا زاڭدى تۇردە تىركەلىپ, جەمىستى ەڭبەك ەتىپ جاتىر. ءبىر سوزبەن ايتساق, INFINITە – وتاندىق ءونىمدى حالىقارالىق نارىققا شىعارۋشى كومپانيا. ءبىراز جىلدان بەرى وسى باعىتتا «جالىن» عىلىمي وندىرىستىك-تەحنيكالىق ورتالىعىمەن تىعىز قارىم-قاتىناستا ەڭبەك ەتىپ كەلەمىز, – دەيدى INFINITە كومپانياسىنىڭ باس ديرەكتورى مارات شۋگاەپوۆ.
كونفەرەنتسيا جۇمىسىنىڭ قورىتىندىسى بويىنشا جاس عالىمدارعا ۇزدىك بايانداما ءۇشىن اقشالاي سىيلىقتار بەرىلەدى. بۇل قولداۋ جاس عالىمدارعا جاڭا مۇمكىندىكتەر بەرەدى جانە دە جاستاردىڭ تەحنولوگيالىق مىندەتتەر مەن پروبلەمالاردى شەشۋگە قاتىسۋعا ىنتالاندىرادى.
ال «جالىن» ورتالىعى جايىندا ايتار بولساق, ول 2006 جىلى قۇرىلىپ, عىلىمي جانە عىلىمي-تەحنيكالىق قىزمەت سۋبەكتىسى رەتىندە تىركەلدى. بۇگىنگى كۇنى اتالمىش ورتالىق جوعارى وقۋ ورىندارىنىڭ قاتىسۋىمەن جۇمىس ىستەيتىن, جاراتىلىستانۋ جانە تەحنيكالىق عىلىمدار سالاسىنداعى عىلىمي زەرتتەۋلەر مەن ازىرلەمەلەردى ورىندايتىن ستارتاپ-كومپانيا بولىپ تابىلادى. وندا كومىرتەكتى سوربتسيالىق ماتەريالدار, پرەپاراتتار, بادتار, مەديتسيناعا ارنالعان بۇيىمدار, اۋىل شارۋاشىلىعىنا ارنالعان ميكروتىڭايتقىشتاردى ءوندىرۋ جانە وسىمدىكتەردىڭ ءوسۋىن رەتتەگىشتەر وندىرىلەدى. سونداي-اق, كابەل ونىمدەرى مەن پلاستيكات ءوندىرىسى دە دامۋدا.