قازاقستان تاراپىنان سىرتقى ىستەر ءمينيسترىنىڭ ورىنباسارى رومان ۆاسيلەنكو, نەمىس تاراپىنان فەدەرالدىق ۇكىمەتتىڭ قونىس اۋدارۋشىلار جانە از ۇلت ىستەرى جونىندەگى وكىلەتتى ۋاكىلى بەرند فابريتسيۋس توراعالىق ەتتى.
قازاقستاندىق ديپلومات قازاقستانداعى 200 مىڭداي ادام قۇرايتىن نەمىس دياسپوراسىنىڭ جانە گفر-داعى 900 مىڭ بۇرىنعى وتانداستاردىڭ ەكى ەل اراسىنداعى «جاندى كوپىر» قۇرايتىنىن جانە قازاقستان-گەرمانيا قارىم-قاتىناستارىنىڭ پەرسپەكتيۆالى دامۋىنىڭ كەپىلى ەكەنىن ايتتى.
كەزدەسۋ بارىسىندا كوميسسيا قازاقستان رەسپۋبليكاسىنداعى نەمىس قوعامداستىعىنىڭ مادەنيەت جانە ءبىلىم بەرۋ سالالارىنان باستاپ, سونىڭ ىشىندە ەلدىڭ مەكتەپتەرى مەن جوعارى وقۋ ورىندارىندا نەمىس ءتىلىن كەڭىنەن زەرتتەۋدى قامتاماسىز ەتۋ, كاسىپكەرلىك قىزمەتكە جاعداي جاساۋعا دەيىن بىرقاتار ماسەلەلەردى قارادى. تاراپتار قازاقستاننىڭ نەمىس ۇلتى ازاماتتارىنىڭ ەلىمىزدەگى نەگىزگى تۇرعىلىقتى جەرى رەتىندە ساقتالۋىنىڭ ماڭىزدىلىعى تۋرالى جالپى تۇسىنىككە يە.
ب. فابريتسيۋس قازاقستانداعى ەتنيكاارالىق, مادەنيەت جانە كونفەسسياارالىق تۇسىنىستىك پەن تولەرانتتىلىق ساياساتىن جۇيەلى جانە ماقساتتى تۇردە جۇرگىزۋدەگى قازاقستاندىق تاجىريبەنىڭ بىرەگەيلىگىن اتاپ ءوتتى. «قازاقستان – ءتۇرلى ۇلتتار بەيبىت ءومىر سۇرەتىن كوپۇلتتى مەملەكەت. بۇل قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ ۇلكەن ەڭبەگى», - دەپ تۇجىرىمدادى نەمىس ساياساتكەرى. سونىمەن قاتار, ول نەمىس دياسپوراسىنا قولداۋ كورسەتىپ جاتقان قازاقستان حالقى اسسامبلەياسىنا ءوزىنىڭ ريزاشىلىعىن ءبىلدىردى.
ءوز كەزەگىندە «ۆوزروجدەنيە» قازاقستاندىق نەمىستەر قاۋىمداستىعى» قوعامدىق قورىنىڭ قامقورشىلار كەڭەسىنىڭ توراعاسى, قر پارلامەنتى ءماجىلىسىنىڭ دەپۋتاتى البەرت راۋ 2018 جىلعى كوميسسيانىڭ وتىرىسىندا قول جەتكىزىلگەن ۋاعدالاستىقتاردىڭ ىسكە اسىرىلۋى بارىسى تۋرالى حابارلادى.
2018 جىلى قازاقستاندىق نەمىستەردىڭ مۇددەلەرىندە جاستار, ەتنومادەني, تىلدىك, ءبىلىم بەرۋ, الەۋمەتتىك سالالارىندا 14 وبلىس پەن رەسپۋبليكالىق ماڭىزى بار 3 قالالاردا 675-كە جۋىق جوبالار ۇيىمداستىرىلىپ, وتكىزىلدى. 173 مەكتەپتەردە 11 مىڭنان استاموقۋشىلار نەمىس ءتىلىن شەت ءتىلى رەتىندە وقيدى. ول قازاقستان نەمىستەرىنىڭ ۇلتتىق بىرەگەيلىگىن ساقتاۋدىڭ نەگىزگى ماسەلەلەرىنىڭ ءبىرى نەمىس ءتىلىنىڭ دامۋىن ەرەكشە اتاپ ءوتتى.
وتىرىستىڭ ماڭىزدى ماسەلەلەرىنىڭ ءبىرى قازاقستان ازاماتتارى ءۇشىن ۆيزا ءتارتىبىنىڭ جەڭىلدەتۋى بولدى. 2017 جىلدىڭ قاڭتارىنان باستاپ قازاقستان 45 مەملەكەت, سونىڭ ىشىندە گەرمانيانىڭ ازاماتتارى ءۇشىن ۆيزا ءتارتىبىن بىرجاقتى الىپ تاستاعانى ايتىلدى. بۇل قونىس اۋدارۋشىلارعا قازاقستانداعى جاقىندارى مەن تۋعان-تۋىستارىنا ءجيى كەلىپ تۇرۋعا مۇمكىندىك بەرەدى. وسىعان بايلانىستى نەمىس ارىپتەستەرگە قازاقستان ازاماتتارىنا ۆيزا بەرۋ ءتارتىبىن جەڭىلدەتۋ مۇمكىندىگىن قاراستىرۋ تۋرالى ءوتىنىش ءبىلدىرىلدى.
قاتىسۋشىلار ەكى ەلدىڭ ەكونوميكا جانە دۋالدى ءبىلىم بەرۋ سالالارىنداعى ىنتىماقتاستىعىن تالقىلادى. قازاقستانداعى نەمىس دياسپوراسى بەلسەندى تۇردە قاتىساتىن ەكونوميكانىڭ اگرارلىق سەكتورىنداعى ىنتىماقتاستىقتىڭ جوعارى الەۋەتى اتاپ ءوتىلدى.
ءىس-شارا قورىتىندىسى بويىنشا قازاقستانداعى ەتنيكالىق نەمىستەرگە قولداۋ كورسەتۋ بويىنشا ءىس-شارالار مەن جوبالاردى كوزدەيتىن بىرلەسكەن كومميۋنيكەگە قول قويىلدى. كوميسسيا 1996 جىلعى مامىر ايىندا قول قويعان ەكى ەل اراسىنداعى قازاقستان رەسپۋبليكاسىنىڭ نەمىس ۇلتى ازاماتتارىنا قولداۋ كورسەتۋ ىنتىماقتاستىعى بويىنشا كەلىسىمىنە سايكەس قۇرىلدى.