بەيسەنبى, 11 ءساۋىر 2013 1:45
تاۋەلسىزدىك سارايىندا الكەي حاقان ۇلى مارعۇلاننىڭ مۇرالارىن ناسيحاتتاۋ ماقساتىندا «الكەي مارعۇلان مۇراسى – ۇرپاققا ۇلاعات» اتتى كورمە اشىلدى.
كورمە زالىندا عالىمنىڭ كوزى تىرىسىندە تۇتىنعان زاتتارى مەن قۇرالدارى ورىن العان. قازاقتىڭ سالتى مەن ءداستۇرىن جيناقتاعان عالىم ءاندى ءسۇيىپ تىڭداپ, دومبىرانى دا شەبەر تارتا بىلگەن. وسى دومبىرا, سول سياقتى, ۇزاق جىلدار كوز مايىن تاۋىسىپ قۇندى عىلىمي تۇجىرىمداردى جازعان جازۋ ماشينكاسى, ارحەولوگيالىق جورىقتاردا دۇنيەسىن سالعان چەمودانى جانە بەرىلگەن كادەسىيلار قويىلعان.
بەيسەنبى, 11 ءساۋىر 2013 1:45
تاۋەلسىزدىك سارايىندا الكەي حاقان ۇلى مارعۇلاننىڭ مۇرالارىن ناسيحاتتاۋ ماقساتىندا «الكەي مارعۇلان مۇراسى – ۇرپاققا ۇلاعات» اتتى كورمە اشىلدى.
كورمە زالىندا عالىمنىڭ كوزى تىرىسىندە تۇتىنعان زاتتارى مەن قۇرالدارى ورىن العان. قازاقتىڭ سالتى مەن ءداستۇرىن جيناقتاعان عالىم ءاندى ءسۇيىپ تىڭداپ, دومبىرانى دا شەبەر تارتا بىلگەن. وسى دومبىرا, سول سياقتى, ۇزاق جىلدار كوز مايىن تاۋىسىپ قۇندى عىلىمي تۇجىرىمداردى جازعان جازۋ ماشينكاسى, ارحەولوگيالىق جورىقتاردا دۇنيەسىن سالعان چەمودانى جانە بەرىلگەن كادەسىيلار قويىلعان.
كورمەگە كەلۋشىلەر نازارىنا عالىمنىڭ جاس كەزىندەگى, عىلىم اكادەمياسىندا, ەكسپەديتسيالىق جورىقتاردا, دەمالىس كەزىندە, وتباسىندا تۇسكەن سۋرەتتەرى دە ۇسىنىلىپ وتىر. اسىرەسە, ەرەكشە نازار اۋداراتىن دۇنيە – 1926 جىلى احمەت بايتۇرسىنوۆپەن, ءمىرجاقىپ دۋلاتوۆپەن, جۇسىپبەك ايماۋىتوۆپەن, مۇحتار اۋەزوۆپەن بىرگە تۇسكەن سۋرەتى. الاش ارىستارىنىڭ ءبىرى ءالىمحان ەرمەكوۆپەن, اكادەميك قانىش ساتباەۆپەن جانە قازاقتىڭ اتاقتى اقىن-جازۋشىلارى, عالىمدارىمەن بىرگە ءتۇسكەن سۋرەتتەر وتكەن كۇن تاريحىنان سىر شەرتەدى.
كورمەدە عالىمنىڭ ءوزى قولتاڭبا جازىپ, قىزىنا سىيعا بەرگەن كىتابى, الكەي مارعۇلانعا ەستەلىككە بەرىلگەن قۇندى كىتاپتار دا بار.
كورمەنىڭ اشىلۋ سالتاناتىنا الماتىدان ارنايى عالىمنىڭ قىزى دانەل الكەيقىزى, اكادەميك جابايحان ءابدىلدين, ەۇۋ قازاق ادەبيەتى كافەدراسىنىڭ مەڭگەرۋشىسى سەيىت قاسقاباسوۆ, «وتىرار» عىلىمي-زەرتتەۋ ورتالىعىنىڭ ديرەكتورى, جازۋشى-عالىم تۇرسىن جۇرتباي, تۇركىتانۋشى عالىم قارجاۋباي سارتقوجا ۇلى, ارحەولوگ زەينوللا ساماشەۆ سىندى ەلىمىزگە بەلگىلى تۇلعالار قاتىسىپ, ەستەلىكتەرىمەن ءبولىستى. ءالكەي مارعۇلان مۇرالارىنىڭ 14 تومدىعىنىڭ تۇساۋكەسەرى دە بولدى.
2004 جىلى يۋنەسكو كولەمىندە الكەي مارعۇلاننىڭ 100 جىلدىق مەرەيتويى اتالىپ ءوتۋىنە بايلانىستى استاناداعى №40 ورتا مەكتەبىنە الكەي مارعۇلاننىڭ ەسىمى بەرىلدى. 2006 جىلى 11 مامىردا مەكتەپتە اكادەميك ءالكەي مارعۇلان مۇراجايى اشىلدى. كورمەگە قويىلعان قۇندى جادىگەرلەر مەكتەپتىڭ مۇراجايىنان الىنعان.
بەكمۇرات ومىربەك,
پەداگوگ-ۇيىمداستىرۋشى.