سەنبى, 1 ماۋسىم 2013 2:03
قاراشىعاناقتا 2006 جىلدان بەرى ەكولوگيالىق بايقاۋ وتكىزىلمەگەن, دەيدى ۇكىمەتتىك ەمەس ۇيىمنىڭ وكىلى ارمان بەكتەنوۆ.
بۇعان نە دەۋگە بولادى؟ شەتەلدىك جەر قويناۋىن پايدالانۋشىلار نە ىستەگىسى كەلسە, سونى ىستەسىن دەگەندەي الاڭسىز, بەيعام وتىرا بەرگەنىمىزگە جول بولسىن. راس مەملەكەتتىك تابيعات قورعاۋ ۇيىمدارى ارقىلى جۇرگىزىلگەن ەكولوگيالىق تەكسەرۋلەر بار. ونىڭ كەيبىر قورىتىندىلارى جانە جەر قويناۋىن پايدالانۋشىلاردىڭ تابيعات پەن قورشاعان ورتاعا تيگىزگەن زيانىنىڭ ءمولشەرى ءباسپاسوز بەتتەرىندە جاريالانىپ تا ءجۇر. الايدا وسىعان توقمەيىلسىپ وتىرا بەرۋگە بولمايتىنى ايان.
سەنبى, 1 ماۋسىم 2013 2:03
قاراشىعاناقتا 2006 جىلدان بەرى ەكولوگيالىق بايقاۋ وتكىزىلمەگەن, دەيدى ۇكىمەتتىك ەمەس ۇيىمنىڭ وكىلى ارمان بەكتەنوۆ.
بۇعان نە دەۋگە بولادى؟ شەتەلدىك جەر قويناۋىن پايدالانۋشىلار نە ىستەگىسى كەلسە, سونى ىستەسىن دەگەندەي الاڭسىز, بەيعام وتىرا بەرگەنىمىزگە جول بولسىن. راس مەملەكەتتىك تابيعات قورعاۋ ۇيىمدارى ارقىلى جۇرگىزىلگەن ەكولوگيالىق تەكسەرۋلەر بار. ونىڭ كەيبىر قورىتىندىلارى جانە جەر قويناۋىن پايدالانۋشىلاردىڭ تابيعات پەن قورشاعان ورتاعا تيگىزگەن زيانىنىڭ ءمولشەرى ءباسپاسوز بەتتەرىندە جاريالانىپ تا ءجۇر. الايدا وسىعان توقمەيىلسىپ وتىرا بەرۋگە بولمايتىنى ايان.
بۇعان بالاما رەتىندە ۇكىمەتتىك ەمەس ۇيىمدار ەكولوگيالىق تۇرعىدان قاۋىپ ءتوندىرەتىن نىساندارعا ءتيىستى ساراپتامالار مەن تالداۋلار جاساۋدى قولعا الىپ جاتسا, بۇعان تەك قول سوعۋىمىز كەرەك شىعار. وتكەن ءساۋىر ايىندا ادىلەت ورگاندارىندا تىركەلگەن ۇكىمەتتىك ەمەس ۇيىمنىڭ اتاۋى «تازا بۇلاق» دەپ اتالادى. ونىڭ قۇرىلتايشىلارىنىڭ ءبىرى ارمان بەكتەنوۆ مالىمدەگەندەي, جاڭا قۇرىلىمنىڭ باستى ماقساتى – ەكولوگيالىق اۋقىمداعى قوعام مۇددەسىن قورعاۋ. كەن ورىندارىندا جۇرگىزىلەتىن تاۋەلسىز ساراپتاما ءبىراز بىلىقتار مەن زاڭسىزدىقتاردىڭ بەتىن اشىپ بەرەتىنىنە كۇمان كەلتىرۋگە بولمايدى. ايتالىق, قادامىن جاڭا باستاعان «تازا بۇلاق» العاشقى ەكولوگيالىق ساراپتاۋلارىن قاراشىعاناق كەنىشىن يگەرىپ جاتقان كپو بۆ شەتەلدىك كومپانياسىنان باستاۋعا نيەت قويىپ وتىر.وسى اقپاراتتىڭ قوسىمشا تاقىرىبىندا ايتىلعانداي, 2006 جىلدان بەرى اتالعان كەنىشتە ەكولوگيالىق تەكسەرۋلەر مەن ساراپتامالار وتكىزىلمەگەن. سونىڭ سالدارىنان بۇگىندە وندا قانداي ەكولوگيالىق جاعداي قالىپتاسىپ وتىرعانى بارشا قازاقستاندىقتارعا بەلگىسىز. ونىڭ وسىنداي قۇپيا ەكولوگيالىق يىرىمدەرىن اشۋدا جاڭادان قۇرىلعان ۇكىمەتتىك ەمەس ۇيىم ءوز بايلامدارى مەن قورىتىندىلارىن ايتادى دەپ سەنەمىز.بۇدان كەيىنگى كەزەكتە ولار ءوز تەكسەرۋلەرىن وزگە كەن ورىندارىندا جانە شەكارالاس وبلىستار اۋماقتارىندا جالعاستىرماق.تەمىر قۇسايىن,«ەگەمەن قازاقستان».