جۇما, 5 ءساۋىر 2013 2:11
اقتاۋ قالاسىنىڭ ىرگەسىندەگى ومىرزاق اۋىلىندا جانتۇرشىگەرلىك وقيعا ورىن الدى. مۇندا ءبىر وتباسى ازىن-اۋلاق مالىنىڭ قامىن كۇيتتەپ, قىستاي جەم-ءشوبىن تولاسسىز تاسىمالداپ, كوكتەمگە امان-ساۋ ىلىندىرگەن بولاتىن. تەك اۋزىنان اق كوبىگى بۇرقىراپ, جاراپ تۇرعان بۋرا عانا ءالى قولعا قاراپ, قورادا تۇرعان. بۋرانىڭ ادامعا شاباتىنى دا بار. بۇرىن وسى ءۇيدىڭ ەكى بالاسىنا توسىن مىنەز كورسەتكەنمەن, جاماندىق ويلاماعان ءۇي يەلەرى وتباسى مۇشەلەرىن «اباي بولىڭدار, ماڭىنا كوپ جاقىنداي بەرمەڭدەر» دەپ ساقتاندىرعان.
جۇما, 5 ءساۋىر 2013 2:11
اقتاۋ قالاسىنىڭ ىرگەسىندەگى ومىرزاق اۋىلىندا جانتۇرشىگەرلىك وقيعا ورىن الدى. مۇندا ءبىر وتباسى ازىن-اۋلاق مالىنىڭ قامىن كۇيتتەپ, قىستاي جەم-ءشوبىن تولاسسىز تاسىمالداپ, كوكتەمگە امان-ساۋ ىلىندىرگەن بولاتىن. تەك اۋزىنان اق كوبىگى بۇرقىراپ, جاراپ تۇرعان بۋرا عانا ءالى قولعا قاراپ, قورادا تۇرعان. بۋرانىڭ ادامعا شاباتىنى دا بار. بۇرىن وسى ءۇيدىڭ ەكى بالاسىنا توسىن مىنەز كورسەتكەنمەن, جاماندىق ويلاماعان ءۇي يەلەرى وتباسى مۇشەلەرىن «اباي بولىڭدار, ماڭىنا كوپ جاقىنداي بەرمەڭدەر» دەپ ساقتاندىرعان.
قالادان اس-سۋىن الىپ ورالعان 75 جاستاعى اجە الگى بۋرانى ازىقتاندىرماق بولىپ قوراعا كىرەدى. اجە بوتا كەزىنەن بالاشا باپتاپ, سىلاپ-سيپاپ وسىرگەن مالىنان جاماندىق كۇتپەدى مە, كىم بىلگەن, ال ءۇي-ىشىندەگىلەر كۇندەلىكتى شارۋا بولعاندىقتان, جەتە ءمان بەرە قويمايدى. ءبىرازدان سوڭ قورادا ەس-ءتۇسسىز, قيمىلسىز قان-قان بوپ سۇلاپ جاتقان اجەنى كورشىلەرى بايقاپ, دەرەۋ «جەدەل جاردەم» شاقىرادى. دارىگەرلەردىڭ ايتۋىنشا, بۋرانىڭ تاپتاۋىنان باس سۇيەگى مىجعىلانىپ, قاتتى جاراقات العان اجە الدەقاشان و دۇنيەلىك بولىپ كەتكەن.بۋرا قازىر وزگە مالداردان وقشاۋلانىپ, بولەك قوراعا قامالدى. ال اجەنىڭ دەنەسى كەشە جەر قوينىنا تاپسىرىلدى. بۋراعا قانداي «جازا» قولدانارى بەلگىسىز.گۇلايىم شىنتەمىرقىزى,«ەگەمەن قازاقستان».ماڭعىستاۋ وبلىسى.