«وگينسكيدىڭ پولونەزى» دەسە, كوزى اشىق, كوكىرەگى وياۋ جۇرتتىڭ ەسىنە ميلليونداردىڭ ورتاق مۇڭ-زارىنا اينالعان اسەم اۋەن ورالا كەتەدى. ونىڭ جان تەبىرەنتەر ساز ەكەنىن كەزىندە وسى اتتاس فيلم دە بارشاعا پاش ەتكەن. بۇگىن سول اۋەننىڭ تاريحىنا اۋەستىكپەن قايتا ۇڭىلسەك, پولياكتاردىڭ «پولونەز» دەگەن ءسوزى قازاق حالقىنىڭ «اتاجۇرتتى اڭساۋ» دەگەنىنە جاقىن كەلەدى ەكەن. مىنە, الەمدەگى ءان مەن كۇي اۋەسقويلارىنىڭ قۇلاقتارىنىڭ قۇرىشىن قاندىرعان بەلگىلى اۋەننىڭ تۇپكى ءمانى مەن ماعىناسى قايدا جاتىر دەسەڭىزشى؟!.
«وگينسكيدىڭ پولونەزى» دەسە, كوزى اشىق, كوكىرەگى وياۋ جۇرتتىڭ ەسىنە ميلليونداردىڭ ورتاق مۇڭ-زارىنا اينالعان اسەم اۋەن ورالا كەتەدى. ونىڭ جان تەبىرەنتەر ساز ەكەنىن كەزىندە وسى اتتاس فيلم دە بارشاعا پاش ەتكەن. بۇگىن سول اۋەننىڭ تاريحىنا اۋەستىكپەن قايتا ۇڭىلسەك, پولياكتاردىڭ «پولونەز» دەگەن ءسوزى قازاق حالقىنىڭ «اتاجۇرتتى اڭساۋ» دەگەنىنە جاقىن كەلەدى ەكەن. مىنە, الەمدەگى ءان مەن كۇي اۋەسقويلارىنىڭ قۇلاقتارىنىڭ قۇرىشىن قاندىرعان بەلگىلى اۋەننىڭ تۇپكى ءمانى مەن ماعىناسى قايدا جاتىر دەسەڭىزشى؟!. تاريحي ۇقساستىققا دا تاڭعالاسىز. بەلگىلى مۋزىكانت ميحايل كلەوفاس وگينسكي ءوزىنىڭ وسى اتاقتى پولونەزىن, كەزىندە, پولياك جەرىندەگى كوستيۋشكو كوتەرىلىسىن باسىپ-جانشىعان جات جەرلىك اسكەرلەردەن قۋعىن كورگەن ۋاعىندا تۋعان جەرىنە دەگەن ساعىنىشىن جەتكىزۋ ءۇشىن جازسا, ءبىزدىڭ بۇگىنگى كىشكەنتاي ماقالامىزدىڭ ۇلكەن كەيىپكەرىنە اينالىپ وتىرعان پولياك جانە ورىس گەنەرالى ۆلادىسلاۆ اندەرس تە كەڭەس وداعىنداعى ساياسي رەجىمنىڭ قىسىمىنان قۋعىن-سۇرگىن كورىپ, تۋعان ەلى – پولشانىڭ ازاتتىعىن اڭساۋمەن ارماندا ءوتكەن قولباسشى بولىپتى. قايسار گەنەرال 1941 جىلى باستالعان سوعىسقا كسرو ەلى اتىنان قاتىسۋدى دا قالاماعان. ءتىپتى, ي. ۆ. ءستاليننىڭ قاھارىنان دا قايمىقپاعان. ونى تارقاتىپ ايتسا, تاڭنىڭ اڭگىمەسى. اقىرى گەنەرال اندەرستىڭ ارمياسى تاراتىلىپ, ساردارلارى مەن ساربازدارى ۇركىنشىلىككە ۇشىراتىلادى. سول اسكەردىڭ ءبىر شوعىرى, ياعني قۋعىن-سۇرگىنگە ۇشىراعان پولياكتارعا قازاقستاننىڭ مەركى اۋدانىنداعى سىپاتاي باتىر اۋىلىنان توپىراق بۇيىرىپتى دەپ كىم ويلاعان. ال 500-گە جۋىق پولياك جاۋىنگەرى تاراز قالاسىنداعى زيراتتارعا جەرلەنىپتى.جاقىندا مەركى اۋدانىندا پولياكتار ءۇشىن اتى اڭىزعا اينالعان گەنەرال ۆلادىسلاۆ اندەرستىڭ ارمياسىنداعى تارىداي شاشىراپ, جەتكەن جەرىندە كوز جۇمعان جاۋىنگەرلەردىڭ قابىرىنەن الىنعان توپىراقتى پولشا ەلىنىڭ استاناسى ۆارشاۆاعا جەتكىزىپ, قايتا جەرلەۋگە ارنالعان جيىن ءوتتى. جيىنعا «پولونەز» پولياك ەتنومادەني بىرلەستىگىنىڭ مۇشەلەرى, سوعىس ارداگەرلەرى جانە ءوڭىر باسشىلارى قاتىستى. پولشانىڭ ەلىمىزدەگى باس كونسۋلى ۆەسلاۆ وسۋحوۆسكي, «پولونەز» پولياك ەتنومادەني بىرلەستىگىنىڭ باسشىسى لاريسا كالكوۆا جانە قازاقستان حالقى اسسامبلەياسى حاتشىلىعىنىڭ وبلىستاعى وكىلى لاريسا لىسوۆا پولياك جاۋىنگەرلەرىنىڭ ەل مەن جەر تۇرعىسىنداعى وجەتتىگى مەن ورلىگىن قانقۇيلى نكۆد-نىڭ ءوزى سىندىرا الماعانىن تەبىرەنە ءسوز ەتتى.كوسەمالى ساتتىباي ۇلى,«ەگەمەن قازاقستان».جامبىل وبلىسى,مەركى اۋدانى,سىپاتاي باتىر اۋىلى. –––––––––––––––––سۋرەتتە: گەنەرال ۆلادىسلاۆ اندەرس.