ونەر دوداسىنا كورشى رەسەيدىڭ بىرنەشە قالالارىنان دارىندى جاستار كەلدى. جىلداعىعا قاراعاندا قاتىسۋعا ءۇمىت بىلدىرگەندەردىڭ قاتارى كوپ. بايقاۋ شىمىلدىعىن ءبىرىنشى بولىپ ەكاتەرينبۋرگ قالاسىنىڭ ۇكىلى ۇمىتىتيموفەي برىزگالوۆ اشتى. ونىڭ ەشكىمگە ۇقسامايتىن ءان ايتۋ مانەرى كورەرمەندەردى ءتانتى ەتتى. «بۇگىن «داچا» دەپ اتالاتىن ءوزىمنىڭ ءتولتۋىندىمدى ورىندادىم. وسىمەن قىزىلجار جەرىنە ەكىنشى رەت كەلىپ وتىرمىن»,دەيدى ول.
فەستيۆالدىڭ ءبىر ەرەكشەلىگى, كەلگەن جاستاعى ورىنداۋشى وزىنە ۇناعان نەمەسە قالامىنان تۋعان شىعارماسىن شىرقاپ, باق سىناي الادى. ماسەلەن, پەتروپاۆلدىق الەكسەي بويكو جۇرتشىلىق نازارىنا فاحرتدينوۆتىڭ «ماما» اتتى تۋىندىسىن ۇسىنىپتى.
ۇيىمداستىرۋشىلاردىڭ سوزىنە قاراعاندا, بايقاۋ تالانتتاردى انىقتاپ قانا قويماي, ولاردىڭ ورىنداۋ قابىلەتىن دامىتۋعا دا ىقپال ەتەدى.
«جىل وتكەن سايىن حالىقارالىق «گلوريا» فەستيۆالىنە قاتىسۋشىلاردىڭ سانى ارتىپ كەلە جاتقانى قۋانتادى. ارالارىندا جاس ورىنداۋشىلار از ەمەس», دەيدى «سويۋز-اۆتور» بىرلەستىگىنىڭ جەتەكشىسى ايدا تۋرتاەۆا. ول ءوزى قۇرعان شىعارماشىلىق ورتالىقتىڭ 30 جىلدىعى قارساڭىندا وسى ىسپەتتەس ءان كەشىن جوعارى دەڭگەيدە ۇيىمداستىرۋدى جوسپارلاپ وتىر. بىرنەشە كۇنگە جالعاسقان حالىقارالىق «گلوريا» فەستيۆالىنىڭ ۇزدىكتەرى 5 اتالىم بويىنشا انىقتالىپ, ءتۇرلى سىيلىقتارمەن ماراپاتتالادى.
سولتۇستىك قازاقستان وبلىسى