سارسەنبى, 11 شىلدە 2012 7:18
وسى كۇندەرى ساحا رەسپۋبليكاسىنىڭياكۋتسك, ميرنىي جانە نەريۋنگريقالالارىندا «ازيا بالالارى» اتتىV حالىقارالىق سپورتتىق ويىنداروتۋدە. وعان 27 ەلدەن كەلگەن 2000سپورتشى باق سىناسۋدا. قازاقستاننانبارعان 80 جاس سپورتشى جارىسباعدارلاماسىنداعى 20 ويىن تۇرىنىڭ 15-ىنە قاتىسۋدا.ويىندار 15 شىلدەگە دەيىن جالعاسادى.
سارسەنبى, 11 شىلدە 2012 7:18
وسى كۇندەرى ساحا رەسپۋبليكاسىنىڭياكۋتسك, ميرنىي جانە نەريۋنگريقالالارىندا «ازيا بالالارى» اتتىV حالىقارالىق سپورتتىق ويىنداروتۋدە. وعان 27 ەلدەن كەلگەن 2000سپورتشى باق سىناسۋدا. قازاقستاننانبارعان 80 جاس سپورتشى جارىسباعدارلاماسىنداعى 20 ويىن تۇرىنىڭ 15-ىنە قاتىسۋدا.ويىندار 15 شىلدەگە دەيىن جالعاسادى.
قازاقستان دەلەگاتسياسى 140 جولاۋشىمەن 4 شىلدە كۇنى تاڭدا الماتى-اباكان-ياكۋتسك چارتەرلىك ساپارىمەن ۇشىپ كەلدى. قازاقستاندىقتاردى قالىپتاسقان ءداستۇر بويىنشا ءان-بي, نان-تۇزبەن جانە قىمىزبەن قارسى الدى.
ساحا رەسپۋبليكاسىندا 500-دەن اسا قازاق دياسپوراسى تۇرادى ەكەن, ولار ۇلتتىق ءداستۇردى ۇستانادى. قىمىزدى دا دايىنداعان وسى قانداستارىمىز بولسا كەرەك. قازاق دياسپوراسى ارقاشان ءبىزدىڭ سپورتشىلاردى قولداۋدا بەلسەندىلىك تانىتادى. وسى ءتورت جىلدىقتاعى ويىنداردان دا ولار تىسقارى قالعان ەمەس.
سايىستىڭ ءبىرىنشى كۇنىن سامبو كۇرەسى باستادى. بۇل باستاۋ ەلىمىزدەن بارعان دەلەگاتسيا ءۇشىن تاڭعالارلىق جاڭالىققا تولى بولدى: 3 سامبوشىنىڭ ۇشەۋى دە فينالعا جولداما الدى. قۋانىش يەلەرى – 42 كگ. سالماقتاعى سۇڭعات جۇباتقان, 48 كگ. سالماقتاعى پاراسات جۇماباي جانە 56 كگ. سالماق دارەجەسى بويىنشا سەرىكباي نىعمەت.
قازاقستان قۇراماسى جانكۇيەرلەرى «قازاقستان! قازاقستان!» دەگەن ۇرانمەن زالدى گۋلەتتى. بىزدىكىلەر وسى سەنىمدى اقتاي الدى. ءبىرىنشى بولىپ سۇڭعات جۇباتقان الاڭعا شىقتى. ونىڭ قارسىلاسى قورعان قالاسىنىڭ (رەسەي) وكىلى ساۆەلي پلەحانوۆ. ول دا وسال ەمەس. دەگەنمەن, جەڭىس وتانداسىمىزعا بۇيىردى. ءسال عانا باسىمدىقپەن بەلدەسۋدى سۇڭعات جۇباتقان جەڭدى. ول – قازاقستان رەسپۋبليكاسىنان بارعان V «ازيا بالالارى» حسو-نىڭ العاشقى جەڭىمپازى.
كەلەسى بولىپ سايىس الاڭىنا بەت العان 48 كگ. سالماق دارەجەسىندەگى قازاقستاندىق پاراسات جۇماباي التاي وڭىرىنەن كەلگەن امىر چادينمەن كۇش سىناستى. الايدا, ساتتىلىك رەسەي سپورتشىسىنىڭ جاعىندا بولدى. ءۇشىنشى بولىپ «جەڭىسكە 50 جىل» سپورت سارايىنىڭ جارىس الاڭىنا سالماقتارى 56 كيلودان اسپايتىن سامبوشىلار شىقتى. وسى ويىندا جەرلەسىمىز سەرىكباي نىعمەتكە رەسەي فەدەراتسياسىنىڭ سۆەردلوۆ وبلىسىنان كەلگەن ەۆگەني نوۆوسەلوۆپەن باسەكەگە ءتۇسۋ بۇيىرىپتى. دەسەك تە, ءبىزدىڭ سەرىكباي اۋىرتپا تاسىلمەن ەش قيىندىقسىز قارسىلاسىن جەڭىپ, التىندى موينىنا ءىلدى. جالپى, ويىندا سامبو بويىنشا 11 كوماندا باق سىناستى.
سونىمەن, ويىننىڭ العاشقى كۇنىندە-اق ءبىزدىڭ قۇرامانىڭ ەنشىسىنە 2 التىن, 1 كۇمىس مەدال بۇيىردى. قازاقستاندىق دەلەگاتسيا ءۇشىن بۇل قۇتتى باستاما! 2008 جىلى وتكەن جارىستا ءبىزدىڭ قۇراما جالپىكوماندالىق ەكىنشى ورىن العان بولاتىن.
ال ارعى كۇنى ەركىن كۇرەستەن نۇرجان سەيىتجانوۆ چەمپيون اتاندى. نۇرجان فينالدا يران بالۋانىن تىزەرلەتتى. سونىمەن قاتار, قىزدار كۇرەسىندە مارينا سەدنەۆا كۇمىس مەدالعا يە بولدى.
بيىل ويىنداردىڭ باعدارلاماسىنا تۇڭعىش رەت ەنگەن پاۋەرليفتينگ سپورتىنان پاۆلودارلىق يگور بورينگين كۇمىس جۇلدەنى يەلەندى. كوركەم گيمناستيكادان كوپسايىس قورىتىندىسى بويىنشا ءاليا اسەموۆا قولا جۇلدەگەر اتاندى. بۇدان باسقا سپورتشىلارىمىز تاعى ءتورت التىن, ءبىر كۇمىس, ءتورت قولا جۇلدە يەلەندى.
جالپى, كوماندالىق ەسەپتە قازاقستاننىڭ بالعىن سپورتشىلارى جارىس قوجايىندارى ساحا رەسپۋبليكاسىنا عانا جول بەرىپ, ەكىنشى ورىندا تۇر. قازاقستان قۇراماسىنىڭ قورجىنىندا 7 التىن, 4 كۇمىس جانە 6 قولا مەدال بار.
وسى جەردە ايتاتىن نارسە, 2009 جىلى وسى سىندا التىن جۇلدە العان قازاقستاندىق تاەكۆوندوشى نۇرسۇلتان ماماەۆ بيىل لوندون وليمپياداسىندا ونەر كورسەتەدى. دەمەك, «ازيا بالالارىن» بالعىن سپورتشىلاردى جەڭىسكە جەتەلەيتىن تۋرنير دەۋگە بولادى.
تەحنيكالىق قورىتىندى ءجونىندە مىنا سايتتار بويىنشا اقپارات الا الاسىزدار: www.gamesasia.ru جانە www.yakutsk2012.ru
داستان كەنجالين,
«ەگەمەن قازاقستان».