سارسەنبى, 20 ماۋسىم 2012 7:43
كۇن ساناپ دۇبىرى تاياۋدان ەستىلىپ, جالاۋىكوتەرىلەتىن شاعى جاقىنداپ كەلە جاتقان لوندونوليمپياداسىنا ازىرگە 100-دەن استامقازاقستاندىق سپورتشىنىڭ اتتاناتىنى ايانبولىپ وتىر. بۇل مولشەر, البەتتە, ار سپورتبويىنشا ار قيلى. ەلىمىزدىڭ وليمپياداشىلارىقاتارىن كوبەيتۋدە بۇگىنگى تاڭدا جەڭىل اتلەتيكا,سۋ دوبى, بوكس, اۋىر اتلەتيكا, ەركىن كۇرەس,گرەك-ريم كۇرەسى, دزيۋدو سىندى سپورت تۇرلەرىنىڭالاتىن ورنى ايرىقشا. بۇعان سول سپورتفەدەراتسيالارى باسشىلارى مەن قۇراماكوماندالارى باس جاتتىقتىرۋشىلارىنىڭ قوسىپوتىرعان ۇلەستەرى مول.
سارسەنبى, 20 ماۋسىم 2012 7:43
كۇن ساناپ دۇبىرى تاياۋدان ەستىلىپ, جالاۋىكوتەرىلەتىن شاعى جاقىنداپ كەلە جاتقان لوندونوليمپياداسىنا ازىرگە 100-دەن استامقازاقستاندىق سپورتشىنىڭ اتتاناتىنى ايانبولىپ وتىر. بۇل مولشەر, البەتتە, ار سپورتبويىنشا ار قيلى. ەلىمىزدىڭ وليمپياداشىلارىقاتارىن كوبەيتۋدە بۇگىنگى تاڭدا جەڭىل اتلەتيكا,سۋ دوبى, بوكس, اۋىر اتلەتيكا, ەركىن كۇرەس,گرەك-ريم كۇرەسى, دزيۋدو سىندى سپورت تۇرلەرىنىڭالاتىن ورنى ايرىقشا. بۇعان سول سپورتفەدەراتسيالارى باسشىلارى مەن قۇراماكوماندالارى باس جاتتىقتىرۋشىلارىنىڭ قوسىپوتىرعان ۇلەستەرى مول.
سوندىقتان بىز بۇگىننەن باستاپ جوعارىدا اتالعان سپورت تۇرلەرى بويىنشاۇلتتىق قۇرامالار جەتەكشىلەرى جايلى وقىرمانعا از-كەم سىر شەرتكەندىجون كوردىك.
سونىمەن…
اۋىر اتلەتيكا: الەكسەي ني
الەكسەي گەننادەۆيچ ني 1961 جىلى جامبىل (قازىرگى – تاراز) قالاسىندا تۋعان. اۋىر اتلەتيكادان كسرو سپورت شەبەرى. قازاقستان رەسپۋبليكاسىنىڭ ەڭبەك سىڭىرگەن جاتتىقتىرۋشىسى. ونىڭ اۋەلگى العان ماماندىعى – ينجەنەر-گيدروتەحنيك. جامبىل گيدرومەليوراتيۆتىك-قۇرىلىس ينستيتۋتىن بىتىرگەن. وسى ماماندىعى وداق ىدىراعان باستاپقى كەزدە الەكسەيدىڭ كۇنكورىسىنە ءبىراز جاردەمدەستى. ول ءوزىنىڭ باۋىرىمەن بىرگە 2005 جىلعا دەيىن قازىرگى زامانعى كوتتەدجدەر سالۋمەن اينالىستى.
الەكسەي ني وسى ارالىقتا الماتى دەنە تاربيەسى ينستيتۋتىن دا سىرتتاي وقىپ ءبىتىرىپ الدى. اۋىر اتلەت رەتىندە ول ءوزىن ءبىرىنشى رەت قازاقستان سپارتاكياداسىندا تانىتتى. وسىندا جۇلدەلى ءۇشىنشى ورىن العان الەكسەي, بىراق, بۇدان جوعارىعا سەكىرە المايتىنىن تەز ءتۇسىندى. سوسىن جاتتىقتىرۋشىلىق جۇمىسقا بەيىمدەلە بەردى. ال باپكەر رەتىندە جەدەل كوتەرىلدى. ول 1994 جىلى رەسپۋبليكانىڭ اۋىر اتلەتيكا بويىنشا مەملەكەتتىك جاتتىقتىرۋشىسى بولىپ تاعايىندالدى. كەيىن ەلىمىز قۇراماسىنىڭ باس جاتتىقتىرۋشىسى قىزمەتىنە بەكىتىلدى.
الەكسەي ءنيدىڭ تۇسىندا قازاقستان باس كومانداسىندا يليا يلين, ۆلاديمير سەدوۆ, مايا مانەزا, زۋلفيا چينشانلو, سۆەتلانا پودوبەدوۆا سىندى ساڭلاقتاردىڭ ەسىمدەرى الەمگە تانىلدى. جاقىندا تالدىقورعاندا وتكەن ەلىمىزدىڭ چەمپيوناتىندا بۇرىن جۇرتقا ەسىمدەرى بەلگىسىز بولىپ كەلگەن تاعى ەكى اتلەت قاتارعا قوسىلدى. باس جاتتىقتىرۋشى لوندوندا ولاردىڭ دا جارقىراپ كورىنەتىنىنە ءۇمىت ارتىپ وتىر. «لوندون وليمپياداسى» دەمەكشى, تۇماندى البيونداعى باستى الامان جارىسقا قازاقستاننان 8 اۋىر اتلەتتىڭ باراتىنى بيىلعى جىلدىڭ باسىندا بەلگىلى بولعان. بۇل مولشەر ءبىزدىڭ ەلىمىز ءۇشىن 2010, 2011 جىلدارعى الەم بىرىنشىلىكتەرىنىڭ ءناتيجەلەرى بويىنشا بەلگىلەندى. ال سول 8 كۆوتانى كىمدەردىڭ الاتىنى رەسپۋبليكانىڭ ءوز ىشىندە انىقتالۋى ءتيىس بولاتىن. وسىعان ارنالعان جارىس جوعارىدا ايتىلعان چەمپيونات تۇرىندە ءوتتى. بۇل كوپتەن بەرى قازاقستاندىق اتلەتتەردىڭ ءوزارا ناعىز جان الىسىپ, جان بەرىسكەن باسەكەسى بولدى. ەڭ سوڭعى ساتتەرگە دەيىن قۇراماعا ناقتىلى كىمدەردىڭ الىناتىنىن بىلگەن جوق. كەز كەلگەن اتلەت ءوزىنىڭ لوندوندا ەل نامىسىن قورعاۋعا لايىقتى ەكەنىن سول بىرىنشىلىكتە دالەلدەۋى ءتيىس بولدى. اتالمىش تارتىس بەيجىڭ وليمپياداسىنىڭ چەمپيونى يليا يلين ءۇشىن دە وڭايعا تۇسكەن جوق. بارلىق سالماقتا دا قاتتى باسەكە ءورىستەدى. مىنە, مۇنىڭ ءوزى دە قۇرامانىڭ باس جاتتىقتىرۋشىسى الەكسەي گەننادەۆيچتىڭ كوماندانىڭ ءوز ىشىندە ناعىز سپورتتىق باسەكە احۋالىن قالىپتاستىرۋىنان ورىن الدى. ال مۇنداي تارتىس بار جەردە تابىستىڭ دا بولماعى ايان.
وتكەن 2011 جىلدىڭ قورىتىندىسى بويىنشا الەكسەي ني قازاقستاننىڭ قۇراما كوماندالار اراسىنداعى ەڭ ۇزدىك باس جاتتىقتىرۋشىسى بولىپ تانىلدى. ارىپتەستەرى مەن تالىمگەرلەرى ونىڭ وزىنە دە, وزگەگە دا قاتاڭ تالاپ قويعىش ەكەنىن ايتادى. سونىمەن, بىرگە جاقسى پسيحولوگ بولىپ تابىلاتىن الەكسەي گەننادەۆيچ جارىستار كەزىندە جاعدايدى وڭاي سەزىنە الاتىندىعىمەن ەرەكشەلەنەدى.
رۋسلان يگىلىك.