بەيسەنبى, 17 مامىر 2012 7:39
جاقىندا سپورت جانە دەنە شىنىقتىرۋ ىستەرى اگەنتتىگىنىڭ توراعاسى تالعات ەرمەگياەۆ وتانداستارىمىزدىڭ لوندون وليمپياداسىنا دايىندىعى تۋرالى مالىمەتتەرىمەن ءبولىستى.
ونىڭ ايتۋىنشا, وليمپياداعا دايىندىق جۇيەلى تۇردە ءجۇرگىزىلۋدە. جولداما العان سپورتشىلار دارىگەرلىك تەكسەرۋدەن ءوتىپ, جارىستارعا قاتىسۋدا. وسى كۇندەرى ولاردىڭ وليمپياداعا دايىندىعى بويىنشا ءجيى-ءجيى مونيتورينگتەر جۇرگىزىلۋدە. قازىر بارلىق سپورتشىلارعا قاجەتتى جاعدايدىڭ ءبارى جاسالىپ وتىر.
بەيسەنبى, 17 مامىر 2012 7:39
جاقىندا سپورت جانە دەنە شىنىقتىرۋ ىستەرى اگەنتتىگىنىڭ توراعاسى تالعات ەرمەگياەۆ وتانداستارىمىزدىڭ لوندون وليمپياداسىنا دايىندىعى تۋرالى مالىمەتتەرىمەن ءبولىستى.
ونىڭ ايتۋىنشا, وليمپياداعا دايىندىق جۇيەلى تۇردە ءجۇرگىزىلۋدە. جولداما العان سپورتشىلار دارىگەرلىك تەكسەرۋدەن ءوتىپ, جارىستارعا قاتىسۋدا. وسى كۇندەرى ولاردىڭ وليمپياداعا دايىندىعى بويىنشا ءجيى-ءجيى مونيتورينگتەر جۇرگىزىلۋدە. قازىر بارلىق سپورتشىلارعا قاجەتتى جاعدايدىڭ ءبارى جاسالىپ وتىر.
ال التىن جۇلدەگە ءۇمىتتى دەگەن سپورت تۇرلەرىنە اگەنتتىك ءتوراعاسى اۋىر اتلەتيكا, كۇرەس ءتۇرلەرى, بوكس پەن جەڭىل اتلەتيكانى جاتقىزاتىنىن ايتتى. وسى ورايدا ول 9 شىلدە كۇنى سپورتشىلاردىڭ وليمپياداعا دايىندىعى تۋرالى سوڭعى وتىرىستىڭ وتەتىنىن, سول كەزدە ۇلتتىق قۇرامامىزدا نەشە ادامنىڭ بولاتىنىن, جارىسقا كىمدەردىڭ بارىپ, كىمدەردىڭ بارمايتىنى شەشىلەتىنىن جەتكىزدى.
اگەنتتىك توراعاسى سونداي-اق وليمپيادانىڭ اشىلۋ سالتاناتىندا تۋدى ۇستاپ شىعاتىن سپورتشىنىڭ ەسىمى ءالى بەلگىسىز ەكەنىن ايتتى. ال ءانۇراندى جاتقا ايتۋعا بايلانىستى ول ماۋسىم ايىندا ءاربىر سپورتشىدان سىناق الىناتىنىن كولدەنەڭ تارتتى.
جالپى, ت.ەرمەگياەۆ وسى كۇنى وليمپياداعا وتانداستارىمىز 91 ليتسەنزيانى العانىن, الداعى كەزدە 100-دەن استام جولداما بولاتىنىنا سەنىمىن ءبىلدىردى. وسى رەتتە ول وليمپيادادا ەلىمىزدىڭ 13 مەدالدى جەڭىپ الۋعا ۇمتىلاتىنىن مالىمدەدى.
سونىمەن بىرگە, قازىر اگەنتتىك «سامۇرىق-قازىنا» قورىمەن بىرلەسىپ, وليمپيادا بويىنشا قاراجات سوماسىن تالقىلاپ جاتقانىن, ۇكىمەت وتىرىسىندا ول سپورتشىلاردىڭ دايىندىعىنا پرەمەر-مينيستردەن قوسىمشا 997 ملن. تەڭگە سۇراعانىن ايتتى.
كەزدەسۋدە ت.ەرمەگياەۆ وليمپياداعا باراتىن باق وكىلدەرىن حابارلادى. ولاردىڭ ۇزىن سانى – تورتەۋ. لوندونعا جانكۇيەرلەردىڭ دە بارۋعا مۇمكىندىگى قاراستىرىلىپ جاتقانىن, سول ءۇشىن ولارعا ارنايى ءان جازىلىپ, كيىم-كەشەك پەن باسقا دا زاتتارى دايىندالعانىن جەتكىزدى.
داستان كەنجالين,
«ەگەمەن قازاقستان».