جۇما, 19 قازان 2012 7:31
جەتپىس جاسقا كەلگەندە,
تولەنگە مەن,
حات جازباسام بولمايدى
جۇما, 19 قازان 2012 7:31
جەتپىس جاسقا كەلگەندە,
تولەنگە مەن,
حات جازباسام بولمايدى
ولەڭمەنەن.
بارعان سايىن –
تاۋ سىندى بيىكتەگەن,
بارعان سايىن –
تەڭىزدەي تەرەڭدەگەن.
قارسى تۇرىپ,
عاپىلعا – عاراساتقا,
ءتيىپ كەتسەڭ,
باستايدى پاراساتقا.
ۇناتپايتىن ادامىن
ۇرىسپاي-اق,
جىبەرەدى مىنگىزىپ اعاش اتقا.
تولەن, تولەن –
ۇلتىنا ۇران بولىپ,
ولەڭمەنەن
قوسىلعان ءبىر ءان بولىپ.
دومبىرا السا قولىنا
كەتەدى ەكەن,
قارشىعاداي تۇلعاسى –
قىران بولىپ.
كۇي تۇنادى –
دومبىرا ساعاعىنا,
مۇڭ تۇنادى –
كۇيشىنىڭ قاباعىنا.
كۇيمەن عانا شىعارىپ تىنادى اقىر,
ءبىر وكسىكتى تىعىلعان تاماعىنا.
اتاق,
ابىروي,
ادامعا كەلمەس تەگىن.
ءالى ەسىمدە…
سەن وندا
ون بەستە ەدىڭ.
ول ءبىر كەزدە
وقۋشى –
ءبىزدىڭ توكەڭ,
جاۋىرىنىنان ءتۇسىردى بەلدەسكەنىن.
كورمەگەنگە ول ارمان –
ول ءبىر جالعان.
ساقتا قۇداي,
شالدىعىپ-بولدىرعاننان.
وڭ قولىڭدى تورەشى كوتەرگەندە,
ءوڭ-ءجۇزىڭدى كوردىم مەن بال-بۇل جانعان.
ءالى كۇنگە سول ءبىر ءسات ءتۇس پەن ەلەس,
اشىق كۇرەس,
كەي ساتتە ىشتەي ەگەس…
سودان بەرى –
وڭ جولىڭ بولعاننان سوڭ,
تومەن قاراي –
وڭ قولىڭ تۇسكەن ەمەس.
تاعىلىمىن تارك قىپ,
ءتالىمىن دە,
ەندى وزگەردى…
ءومىردىڭ ءمانى مۇلدە.
الاڭىنان سايىستىڭ تۇسكەن جوقسىڭ
كەلە جاتسىڭ كۇرەسىپ ءالى كۇنگە.
بوز دالاسى تورعايدىڭ,
اق ساعىمى,
جىبىگەندەي تاعدىردىڭ
تاس تامىرى.
تولەن, تولەن…
ولەڭ بوپ,
تال بويىڭدى,
تەربەتىپ تۇر –
پاراسات پاتشالىعى!
سەرىك تۇرعىنبەك ۇلى.