اتىراۋدا جىل سايىنعى Atyrau Marathon 2019 قايىرىمدىلىق مارافونى اياقتالدى. بۇل جىلعى مارافون بىرقاتار قالالار مەن مەملەكەتتەردەن 3 مىڭعا جۋىق قاتىسۋشى جينادى.
قاتىسۋشىلار 42, 21, 10, 3 جانە 1,2 شاقىرىمدىق قاشىقتىق بويىنشا جۇگىرىپ ءوتتى. بارلىق مارەگە جەتكەندەر مەدالدارمەن ماراپاتتالدى. جەڭىمپازدارعا اقشالاي جۇلدەلەر مەن سىيلىقتار تابىستالدى.
سونىمەن, مارافوننىڭ ەڭ ەرەسەك قاتىسۋشىسى 72 جاستاعى ۋلترامارافونشى امەگۇلسىن مۇسىلمانوۆا بولسا, جۇگىرۋشىلەر اراسىندا جەڭىسكە دەگەن جىگەرىمەن مۇمكىندىگى شەكتەۋلى 58 جاستاعى جازعى پاراليمپياداشى, ءوزىنىڭ بۇگىن 120-شى مارافونىن جۇگىرگەن ولەگ سىسولياتين ماراپاتتالدى. جارىستىڭ قۇرمەتتى قوناعى رەكوردشى مارات جىلقىباەۆ بولدى.
«اtyrau Marathon 2019» ەرلەر اراسىندا ءۇشىنشى مارتە ءابسوليۋتتى جەڭىمپازى بولىپ 42 شاقىرىمدى جۇگىرىپ وتكەن 25 جاستاعى بازارباي داۋتاليەۆ ماراپاتتالسا, ايەلدەر اراسىندا ءامينا زينوروۆا ۇزدىك كورسەتكىش كورسەتتى.
ايتا كەتەيىك, «Atyrau Marathon 2019» قايىرىمدىلىق مارافونى جاستار جىلى اياسىندا ءوتتى. بارلىق تۇسكەن قارجى قايىرىمدىلىق باعىتىندا جۇمسالادى.