سەيسەنبى, 24 ءساۋىر 2012 7:12
قازاقستان حالقىنا بيىلعى جولداۋىندا ەل پرەزيدەنتى نۇرسۇلتان نازارباەۆ قۇقىق قورعاۋ ورگاندارىن ساپالى كادرلىق جاڭارتۋ ماسەلەسىن شەشۋ ءۇشىن بارىنشا قىسقا مەرزىم ىشىندە ونىڭ بۇكىل جەكە قۇرامىن قايتا اتتەستاتتاۋدان وتكىزۋ تۋرالى ناقتى نۇسقاۋ بەردى. وسىعان وراي مەملەكەت باسشىسى 2012 جىلدىڭ 8 ءساۋىرىندە جارلىققا قول قويدى. ەلىمىزدىڭ تاريحىندا العاش رەت قۇقىق قورعاۋ جۇيەسىنىڭ جاڭا كادرلىق الەۋەتىن قالىپتاستىرۋ ءجونىندەگى كەڭ اۋقىمدى ءىس-شارالار باستاۋ الدى.
سەيسەنبى, 24 ءساۋىر 2012 7:12
قازاقستان حالقىنا بيىلعى جولداۋىندا ەل پرەزيدەنتى نۇرسۇلتان نازارباەۆ قۇقىق قورعاۋ ورگاندارىن ساپالى كادرلىق جاڭارتۋ ماسەلەسىن شەشۋ ءۇشىن بارىنشا قىسقا مەرزىم ىشىندە ونىڭ بۇكىل جەكە قۇرامىن قايتا اتتەستاتتاۋدان وتكىزۋ تۋرالى ناقتى نۇسقاۋ بەردى. وسىعان وراي مەملەكەت باسشىسى 2012 جىلدىڭ 8 ءساۋىرىندە جارلىققا قول قويدى. ەلىمىزدىڭ تاريحىندا العاش رەت قۇقىق قورعاۋ جۇيەسىنىڭ جاڭا كادرلىق الەۋەتىن قالىپتاستىرۋ ءجونىندەگى كەڭ اۋقىمدى ءىس-شارالار باستاۋ الدى.
ءبىز ۋاقىتىندا قابىلدانعان بۇل شەشىمدى ءوز تاراپىمىزدان تولىعىمەن قولدايمىز. سونىمەن قاتار, وسىعان دەيىن دە قۇقىق قورعاۋ ورگاندارىن اتتەستاتتاۋ تۇراقتى وتكىزىلىپ تۇرعاندىعىن اتاپ وتكىمىز كەلەدى. بىراق ءدال مۇنداي اتتەستاتتاۋ بارلىق قۇقىق قورعاۋ ورگاندارى ءۇشىن تاريحتا العاش رەت وتكىزىلگەلى وتىر. جالپى سانى 90-عا جەتەتىن جوعارى اتتەستاتتاۋ كوميسسياسى جانە ايماقتىق اتتەستاتتاۋ كوميسسيالارى قۇرىلعانىن ەسەپكە الا وتىرىپ, ءبىز بۇل كوميسسيانىڭ قۇرامىنا قوعام وكىلدەرىن, دەپۋتاتتار كورپۋسىن, عالىمداردى, قۇرمەتتى تۇرعىنداردى, قۇقىق قورعاۋ ورگاندارىنىڭ ارداگەرلەرىن جانە ت.ب. ەنگىزگەن ءجون دەپ ەسەپتەيمىز. سوندا عانا ءبىزدىڭ ويىمىزشا, اتتەستاتتاۋدى وتكىزۋدەگى كوزدەلگەن تۇپكىلىكتى ماقساتقا قول جەتكىزۋگە بولادى. سونىمەن قاتار, اتتەستاتتاۋ جارتى جىلعا سوزىلاتىندىقتان, ونىڭ قۇقىق قورعاۋ ورگاندارىنىڭ قىزمەتىنە, قىزمەتكەرلەردىڭ پسيحيكالىق كۇيىنە اسەر ەتپەۋىن قاداعالاۋ كەرەك, سەبەبى بۇل جاعدايدى قىلمىسكەرلەردىڭ پايدالانىپ كەتۋى مۇمكىن دەگەن قاۋىپ بار. قۇقىقتىق ءتارتىپ جۇيەسىنىڭ جاڭا كادرلىق الەۋەتىن قالىپتاستىرۋ بۇل ءبىر كۇننىڭ ءىسى ەمەس. ول زەردەلى تالقىلاۋدى, جاس ماماندارعا ءتاجىريبە كورسەتۋدى, ۇستازدىق ءرولىن كۇشەيتۋدى, ىنتالاندىرۋشى شارالاردى جانە ت.ب. قاجەت ەتەدى.
ءبىز قۇقىق قورعاۋ ورگاندارىنىڭ كادرلىق الەۋەتىن جاڭارتۋ بويىنشا وتكىزىلەتىن جۇمىستار ءوزىنىڭ وڭ ناتيجەسىن بەرەتىندىگىنە نىق سەنەمىز. قۇقىق قورعاۋ ورگاندارىنىڭ قالىپتى جۇمىسى ەلدىڭ جارقىن بولاشاعى مەن تىنىشتىعىن قامتاماسىز ەتەدى.
ۆيكتور جامۋلدينوۆ, «نۇر وتان» حدپ پاۆلودار قالالىق فيليالى جانىنداعى قوعامدىق كەڭەس توراعاسى.
پاۆلودار.