ءساۋىردىڭ 8-14-ءى ارالىعىندا وتەتىن اپتالىق بارىسىندا تۇركيا مەملەكەتىنەن كەلگەن حيرۋرگ, ۋرولوگ, وفتالمولوگ, پلاستيكالىق حيرۋرگ, اكۋشەر-گينەكولوگ, بالالار حيرۋرگى, انەستەزيولوگ-رەانيماتولوگ, لور ماماندارى تۇركىستان وبلىسىنداعى ناۋقاستاردى قابىلداپ, قاجەت بولعان جاعدايدا تەگىن وتالار جاسايدى. شەتەلدەن كەلگەن كاسىبي ماماندار Tۇpكicتaن قالالىق بالالار اۋرۋحاناسى مەن №3 وبلىستىق پەريناتالدىق ورتالىقتا جانە تۇركىستان قالاسىنداعى كلينيكا-دياگنوستيكالىق ورتالىعىندا قابىلداۋ جۇرگىزەدى.
وڭىرلىك كوممۋنيكاتسيالار قىزمەتىندە وتكەن بريفينگتە ق.ا.ياساۋي اتىنداعى حقتۋ پرەزيدەنتى, پروفەسسور بولاتبەك ابدراسيلوۆ, تۇركىستان وبلىستىق دەنساۋلىق ساقتاۋ باسقارماسىنىڭ باسشىسى مۇقان ەگىزباەۆ اپتالىقتىڭ ماڭىزى مەن ماقساتىنا تۇسىنىكتەمە بەردى. «قازاقستان – تۇركيا ءۇشىن قاشان دا باۋىرلاس, جاقىن ەل. ال تۇركىستاندى كۇللى تۇركيالىقتار اتاجۇرت دەپ بىلەدى. سوندىقتان وسىندا بۇيرەگىمىز بۇرىپ تۇرادى. باستاۋ العان «تۇركيا – قازاقستان دەنساۋلىق اپتاسى» وسى وڭىردەگى تۇرعىندارعا ارنالىپ وتىر. تۇركياداعى ەڭ ۇزدىك دارىگەرلەر بۇل اپتادا ناۋقاستاردى قابىلداپ, تەگىن ەم جاسايدى. ساراپتاماعا بايلانىستى اقىسىز وتا دا جاسالىناتىن بولادى. الداعى ۋاقىتتا بۇل اپتالىقتى ۇلعايتىپ, 1 اي كولەمىندە جۇرگىزۋدى جوسپارلاپ وتىرمىز», – دەدى تۇركيا ەلىنەن كەلگەن ەۋروپا بiرلەستiگi جانە سىرتقى icتep بويىنشا «تۇركيا-قازاقستان دەنساۋلىق اپتالىعىنىڭ» جاۋاپتى توپ جەتەكشiسi اريف چەتين.
سونداي-اق, بريفينگتە ۋنيۆەرسيتەتتىڭ مەديتسينا فاكۋلتەتىنىڭ كلينيكالىق بازاسىندا تۇركىستان وبلىسىنىڭ دارىگەرلەرىنە «راديولوگيا», «شۇعىل كومەك جانە ترياج جۇيەسى» بويىنشا سەمينار-ترەنينگ, تاجىريبە الماسۋ ساباقتارى ءوتىپ, سەرتيفيكاتتار تابىستالاتىنى ءمالىم ەتىلدى.