بەيسەنبى, 19 ءساۋىر 2012 7:53
پرەزيدەنت ن.نازارباەۆتىڭ بيىلعى جولداۋىندا العا قويىلعان مىندەتتەردى ىسكە اسىرۋ اياسىندا كوپتەگەن جۇمىستار قولعا الىندى. سوعان وراي, ەلباسىنىڭ 2012 جىلعى 8 ساۋىردەگى «قازاقستان رەسپۋبليكاسى قۇقىق قورعاۋ ورگاندارىنىڭ قىزمەتكەرلەرىن كەزەكتەن تىس اتتەستاتتاۋدان ءوتكىزۋ تۋرالى» جارلىعى دا بۇل تۇرعىداعى شەشۋشى قادامداردىڭ ءبىرى. مەملەكەت باسشىسى ءجۇرگىزىپ وتىرعان قۇقىق قورعاۋ جۇيەسىن رەفورمالاۋ وسى ماقساتتىڭ ماڭىزدىلىعىن ايقىندايدى.
بەيسەنبى, 19 ءساۋىر 2012 7:53
پرەزيدەنت ن.نازارباەۆتىڭ بيىلعى جولداۋىندا العا قويىلعان مىندەتتەردى ىسكە اسىرۋ اياسىندا كوپتەگەن جۇمىستار قولعا الىندى. سوعان وراي, ەلباسىنىڭ 2012 جىلعى 8 ساۋىردەگى «قازاقستان رەسپۋبليكاسى قۇقىق قورعاۋ ورگاندارىنىڭ قىزمەتكەرلەرىن كەزەكتەن تىس اتتەستاتتاۋدان ءوتكىزۋ تۋرالى» جارلىعى دا بۇل تۇرعىداعى شەشۋشى قادامداردىڭ ءبىرى. مەملەكەت باسشىسى ءجۇرگىزىپ وتىرعان قۇقىق قورعاۋ جۇيەسىن رەفورمالاۋ وسى ماقساتتىڭ ماڭىزدىلىعىن ايقىندايدى.
دەمەك, قۇقىق قورعاۋ ورگاندارىنىڭ قاتارىن كاسىبي بىلىكتى, ادام قۇقىعى مەن زاڭدىلىقتى جوعارى دەڭگەيدە قورعاۋعا لايىقتى ماماندارمەن تولىقتىرىپ, مەملەكەتتىڭ بەدەلىنە نۇقسان كەلتىرىپ, سىبايلاس جەمقورلىق ارەكەتىنە جول بەرەتىن بىلىكسىزدەردەن ارىلتۋ – وسى اتتەستاتتاۋدىڭ باستى ماقساتى.
بۇل كۇندەرى شىعىس قازاقستان وبلىسى بويىنشا قارجى پوليتسياسى دەپارتامەنتىندە اتتەستاتتاۋعا قىزۋ دايىندىق جۇمىستارى باستالدى. بارلىق قۇرىلىمدىق جۇيەلەردە جارلىق ءماتىنى مەن ەرەجەلەرىن ءتۇسىندىرۋ, ونى جۇزەگە اسىرۋ بويىنشا جۇمىستار ءجۇرىپ جاتىر.
قازىر دەپارتامەنت شتاتىندا 300-گە جۋىق ادام بار. ارينە, اتتەستاتتاۋ كەزىندە قۇقىق قورعاۋ قىزمەتكەرلەرىنىڭ كاسىبي دايىندىعى مەن بۇگىنگى وسكەلەڭ تالاپتارعا سايكەستىگى الدىڭعى ورىنعا شىعادى. وسىلايشا جوعارى كاسىپتىك, ازاماتتىق, مورالدىق-پسيحولوگيالىق قاسيەتتەرگە باسىمدىق بەرىلىپ, جالپى قىزمەتتىك بورىشىن ورىنداۋعا سانالىلىقپەن قاراۋ, ەلجاندىلىق دەڭگەيىن كوتەرۋ ماسەلەلەرى دە باستى نازاردا بولاتىنىن ايتقان ءجون. ءوز ارامىزدى جەمقورلىق ارەكەتتەرگە جول بەرگەن قىزمەتكەرلەردەن تازارتۋ باستى مىندەت. بۇل وتە ۇلكەن اۋقىمدى جۇمىس, مۇنى ءبىز ءادىل ءارى بارىنشا اشىق وتكىزەمىز.
ال بىزدە اۋىز تولتىرىپ ايتارلىقتاي اتقارىلىپ جاتقان ىستەر بارشىلىق. سونىڭ ءبىرى شىعىس قازاقستان وبلىسى بويىنشا قارجى پوليتسياسى دەپارتامەنتىنىڭ نازارىندا «نۇرلى كوش», «جاسىل دامۋ», «اقبۇلاق» سياقتى يندۋستريالىق-يننوۆاتسيالىق دامۋدىڭ, تۇرعىن ءۇي قۇرىلىسىن مەملەكەتتىك بيۋدجەتتەن قارجىلاندىراتىن, ىسكە اسىرىلۋىنا جىل سايىن ميللياردتاعان تەڭگە بولىنەتىن سالالىق باعدارلامالاردىڭ ورىندالۋى دەسەك ارتىق ايتقاندىق ەمەس.
سوڭعى 3 جىلدا وبلىستا 400-دەن استام سىبايلاس جەمقورلىق قىلمىستارى نەمەسە ەلىمىز بويىنشا ءاربىر ون ەكىنشى قىلمىس اشىلدى. ونىڭ 85%-ىن – پاراقورلىق, قىزمەتتىك جالعاندىق جانە بيۋدجەت قاراجاتىن ۇرلاۋ فاكتىلەرى قۇراسا, 10%-ىن لاۋازىمدىق وكىلەتتىلىكتەرىن تەرىس پايدالانۋ دەرەكتەرى قۇرايدى.
قوعامعا اسا قاۋىپ توندىرەتىن جۇيەلى سىبايلاس جەمقورلىق دەرەكتەرى دە كەزدەسەدى. ايتالىق, دەپارتامەنت سەمەي قالاسىنىڭ قۇرىلىس كوللەدجى ديرەكتورىنىڭ ورىنباسارى م.ەرجانوۆقا قاتىستى 25 ەپيزودتى قىلمىستىق ءىستىڭ ءوندىرىسىن اياقتادى. ول لاۋازىمدى تۇلعا بولا تۇرا, جەكە ءوزى جانە دەلدالدار ارقىلى «جول كارتاسى» باعدارلاماسى شەڭبەرىندە كوللەدجدىڭ بازاسىندا جەدەلدەتىلگەن كۋرستاردان وتكەنى تۋرالى جالعان كۋالىكتەردى بەرگەنى جانە تولتىرعانى ءۇشىن جۇيەلى تۇردە پارا العان. سوتتىڭ ۇكىمىمەن م.ەرجانوۆ 7 جىلعا باس بوستاندىعىنان ايىرىلدى.
كۇنى كەشە عانا زىريان اۋداندىق سوتى ىشكى ىستەر ءبولىمى باستىعىنىڭ ورىنباسارى ب.سيبيتوۆقا قاتىستى قوزعالعان قىلمىستىق ىسكە ساي ۇكىم شىعاردى. ول زاڭسىز اڭ اۋلاعان 3 ازاماتقا قاتىستى قىلمىستىق ءىستى قوزعاماۋ ءۇشىن 280 مىڭ تەڭگە پارا العان, سوندىقتان 4 جىلعا باس بوستاندىعىنان ايىرىلدى.
سىبايلاس جەمقورلىققا نەگىز بولاتىن «كولەڭكەلى» ەكونوميكامەن كۇرەسۋ دە دەپارتامەنت قىزمەتىندەگى باستى باعىتتاردىڭ ءبىرى بولىپ تابىلادى. سوڭعى ءۇش جىلدىڭ كولەمىندە ايماقتا ەكونوميكالىق سالادا 1128 قىلمىس اشىلدى. وسى باعىتتا دەپارتامەنت جەدەل قىزمەتتەرىنىڭ نەگىزگى كۇشى جالعان كاسىپكەرلىك, قىلمىستىق جولمەن تابىلعان ءمۇلىكتى زاڭداستىرۋ جانە تەررورلىق ۇيىمداردى قارجىلاندىرۋ فاكتىلەرىن انىقتاپ, ولاردىڭ جولىن كەسۋگە جۇمىلدىرىلۋدا.
دەپارتامەنتتىڭ بيزنەس وكىلدەرىن قورعاۋ بويىنشا نەگىزسىز تەكسەرۋلەر جانە ولاردىڭ ءىس-ارەكەتتەرىنە زاڭسىز ارالاسۋ بويىنشا بىرقاتار جۇمىستار اتقارىلدى.
قوعامدىق ۇيىمدارمەن ىنتىماقتاستىق تۋرالى مەموراندۋمدارعا قول قويىلدى. وبلىستاعى بيزنەس-قوعامداستىعى وكىلدەرىمەن بيزنەستىڭ دامۋىنا كەدەرگى كەلتىرەتىن جانە ولاردىڭ ءىس-ارەكەتتەرىنە نەگىزسىز ارالاسۋ دەرەكتەرىنە جول بەرمەۋ ءۇشىن قاجەتتى شەشىمدەر تۋرالى ءارتۇرلى ماسەلەلەر تالقىلانادى.
كاسىپكەرلەرمەن جۇرگىزىلگەن ءوزارا ءىس-قيمىل جانە الدىن الۋ جۇمىستارى وبلىستىڭ مەملەكەتتىك ورگاندارىنىڭ لاۋازىمدى تۇلعالارى تاراپىنان بىرقاتار سىبايلاس جەمقورلىق قىلمىستارىن اشۋعا مۇمكىندىك تۋعىزۋدا.
مىسالى, 2011 جىلى شىعىس قازاقستان وبلىسى بويىنشا مەملەكەتتىك ساۋلەت قۇرىلىستىق باقىلاۋ باسقارماسىنىڭ لاۋازىمدى تۇلعالارى مەن قىزمەتكەرلەرى تاراپىنان كاسىپكەرلەردەن قۇرىلىس-مونتاج جۇمىستارىنا ليتسەنزيانى بەرۋ جانە بۇرىن بەرىلگەن ليتسەنزيالاردىڭ مەرزىمىن ۇزارتۋ ءۇشىن جۇيەلى تۇردە پارا تالاپ ەتۋ فاكتىلەرى بويىنشا قىلمىستىق ىستەر قوزعالعان. سوتتىڭ ۇكىمىمەن شقو بويىنشا مسقبب باسقارماسىنىڭ بۇرىنعى باستىعى ك.مۇكەەۆ مۇلكى تاركىلەنىپ, 7 جىلعا باس بوستاندىعىنان ايىرىلدى.
بادەلحان كامالحان ۇلى,شىعىس قازاقستان وبلىسى بويىنشا ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتىنىڭ باستىعى.
وسكەمەن.