مۇمكىندىگى شەكتەۋلى بالالارعا ارنالعان بۇل فەستيۆالدىڭ اۋداندىق كەزەڭىنە باتىس قازاقستان وبلىسىنان 500-گە جۋىق بالا قاتىسىپ, ەرەكشە تارتىستى وتكەن بولاتىن. بۇل سىن – سول ىرىكتەۋدەن وتكەن ورەندەر ءۇشىن
ەلىمىزدە داستۇرگە اينالعان بۇل شارانىڭ ماقساتى - ەرەكشە قاجەتتىلىگى بار بالالار مەن جاسوسپىرىمدەردىڭ شىعارماشىلىق قابىلەتىن, الەۋمەتتىك بەلسەندىلىگىن دامىتۋ, قوعامدىق ورتادا وزدەرىن ەركىن سەزىنۋگە كومەكتەسۋ بولاتىن. فەستيۆال بارىسىندا قاتىسۋشىلار «ۆوكال», «حورەوگرافيا», «ىم-يشاراتپەن ءان ايتۋ» نوميناتسيالارى بويىنشا ونەرلەرىن ورتاعا سالدى. سونداي-اق فەستيۆالدىڭ «بەينەلەۋ ونەرى», «كوركەم-قولدانبالى ونەر» اتالىمدارى بويىنشا تەاتر فويەسىندە ۇزدىك جۇمىستاردىڭ كورمەسى ۇيىمداستىرىلىپ, كورەرمەن كوڭىلىنەن شىقتى.
وسى كەشتە ەرتەگى كەيىپكەرلەرىنىڭ بەينەسىندەگى انيماتورلار مەن «جاسۇلاندىقتار» بالالارعا فلەشموب ۇيىمداستىرىپ, ادەمى كوڭىل-كۇي سىيلادى.
فەستيۆالدىڭ ءساتتى وتۋىنە «ورال-دەز» جشس ديرەكتورى اسلان قارابالين, «فيرما سەرۆەر پليۋس» جشس ديرەكتورى الەكسەي ناۋموۆ, جەكە كاسىپكەر كۇنسۇلۋ قيلامبەكوۆا, «ستەكلو سەرۆيس» جشس ديرەكتورى اركادي رۋبتسوۆ, جەكە كاسىپكەر نۇرجامال قاباقوۆا, جەكە كاسىپكەر اۋحات وڭعاروۆ, جەكە كاسىپكەر, «Art dance» ديرەكتورى دينارا مەرعاليەۆالار دەمەۋشى بولىپ, قولداۋ كورسەتتى.
بارلىق قاتىسۋشىلار باتىس قازاقستان وبلىستىق ءبىلىم باسقارماسىنىڭ العىس حاتى مەن باعالى سىيلىقتارمەن ماراپاتتالدى.
وبلىستىق ءبىرىنشى كەزەڭنەن ىرىكتەلگەن بالالار رەسپۋبليكالىق بايقاۋعا جولداما الدى.