سارسەنبى, 4 ءساۋىر 2012 7:30
قازىر ەل مەن ەلدىڭ, ءوڭىر مەن ءوڭىر اراسىنداعى قاتىناس پەن الىس-بەرىس, بارىس-كەلىس جيىلەپ, بارىنشا ارتقان تۇستا كولىك پروكۋراتۋراسىنا جۇكتەلەتىن مىندەتتىڭ سالماعى باتپانداي. «تالدىقورعان» كولىك پروكۋراتۋراسىنىڭ پروكۋرورى مەيرام ەلىكباەۆقا ارنايى جولىعىپ, وڭىردەگى كولىك سالاسىنداعى زاڭدىلىقتاردىڭ ورىندالۋى جايلى پىكىرلەسۋدىڭ ءساتى تۇسكەن ەدى. مەيرام مۇرات ۇلى سۇراقتارعا جاۋاپ بەرىپ, تەمىر جولداعى زاڭسىزدىقتار, جەمقورلىق تۋرالى مەرزىمى وتكەن تەپلوۆوزداردى پايدالانۋ ارقىلى جولاۋشى جانە بۇكپەسىز ورتاعا سالدى.
سارسەنبى, 4 ءساۋىر 2012 7:30
قازىر ەل مەن ەلدىڭ, ءوڭىر مەن ءوڭىر اراسىنداعى قاتىناس پەن الىس-بەرىس, بارىس-كەلىس جيىلەپ, بارىنشا ارتقان تۇستا كولىك پروكۋراتۋراسىنا جۇكتەلەتىن مىندەتتىڭ سالماعى باتپانداي. «تالدىقورعان» كولىك پروكۋراتۋراسىنىڭ پروكۋرورى مەيرام ەلىكباەۆقا ارنايى جولىعىپ, وڭىردەگى كولىك سالاسىنداعى زاڭدىلىقتاردىڭ ورىندالۋى جايلى پىكىرلەسۋدىڭ ءساتى تۇسكەن ەدى. مەيرام مۇرات ۇلى سۇراقتارعا جاۋاپ بەرىپ, تەمىر جولداعى زاڭسىزدىقتار, جەمقورلىق تۋرالى مەرزىمى وتكەن تەپلوۆوزداردى پايدالانۋ ارقىلى جولاۋشى جانە بۇكپەسىز ورتاعا سالدى.
ەلباسىنىڭ بيىلعى قازاقستان حالقىنا ارناعان جولداۋىندا ايتىلعان: «جاڭعىرتۋدىڭ ەڭ ماڭىزدى ماسەلەلەرىنىڭ ءبىرى – سىبايلاس جەمقورلىقپەن كەسىمدى كۇرەس. ءبىزدىڭ بۇل باعىتتاعى ءىس-ارەكەتتەرىمىز مەملەكەتتىك اپپاراتتاعى سىبايلاس جەمقورلىق دەڭگەيىن ەداۋىر تومەندەتتى. مۇنى حالىقارالىق ساراپشىلار اتاپ ايتۋدا. الايدا, بىزگە سىبايلاس جەمقورلىقپەن كۇرەستىڭ جاڭا ستراتەگياسىن جاساۋ قاجەت», دەگەن تاپسىرماسىن باسشىلىققا الىنىپ, سىبايلاس جەمقورلىققا قارسى كۇرەستى بارىنشا كۇشەيتۋ ارقىلى ءبىراز ءىستىڭ تياناعى كەلتىرىلدى. وسى تۇرعىداعى زاڭ تالاپتارىنىڭ «قازاقستانتەمىرجولى» ۇك» اق ۇشتوبە ەلەكترمەن قامتۋ ديستانساسىندا ورىندالۋىن تەكسەرۋ ناتيجەسىندە وسى ۇيىمنىڭ باس بۋحگالتەرى وشاقباەۆانىڭ ۇستىنەن جەمقورلىققا قاتىستى ەكى بىردەي قىلمىستىق ءىس قوزعالعان. باس بۋحگالتەر ءوزىنىڭ جانە وزىنە باعىنىشتىلار ەڭبەكاقىسىنا 10 ملن. تەڭگە كولەمىندە زاڭسىز ۇستەمە قوسۋ ارقىلى سىبايلاس جەمقورلىققا جول بەرگەن. قازىرگى كەزدە تەرگەۋ اياقتالىپ, قىلمىستىق ءىس سوتتىڭ قاراۋىنا جونەلتىلىپتى.
الماتى قالاسى مەن وبلىسى بويىنشا «جەتىسۋ» وڭىرارالىق كولىكتىك باقىلاۋ ينسپەكتسياسىنىڭ وسى ماسەلەگە قاتىستى قىزمەتىندەگى زاڭ بۇزۋشىلىقتار «نۇر وتان» پارتياسىنىڭ وتىرىسىندا قارالىپ, تەمىر جول تاسىمالىنا قاۋىپ توندىرەتىن كەلەڭسىزدىكتەرگە جول بەرگەن ينسپەكتسيا باستىعى قاتاڭ جازاعا تارتىلىپ, كەيىننەن لاۋازىمىنان بوساتىلىپتى. تەكسەرۋ بارىسىندا الماتى كولىك جانە كوممۋنيكاتسيا كوللەدجى جانىنداعى تەحنيكالىق مەكتەپتى ءبىتىرگەنى تۋرالى جاساعان جالعان قۇجاتپەن تەپلوۆوز ماشينيسىنىڭ كومەكشىسى رەتىندە جۇمىسقا ورنالاسۋ ارقىلى كولىك قوزعالىسىنداعى قاۋىپسىزدىككە قايشى ارەكەتكە بارعان بەردەنبەكوۆتىڭ ۇستىنەن قىلمىستىق ءىس قوزعالىپ, جالعان قۇجاتپەن جۇك ءجانە جولاۋشى تاسۋعا قاتىسقاندىقتان جاۋاپقا تارتىلدى.
تالدىقورعان تەمىر جول ستانساسىنىڭ باستىعى ب. ورالباەۆقا قاتىستى قوزعالعان قىلمىستىق ءىس بويىنشا سوت ۇكىمى شىعىپ, جەمقور باسشى جەتى جىلعا باس بوستاندىعىنان ايىرىلدى.
كۇمىسجان بايجان,
الماتى وبلىسى.