بەيسەنبى, 9 اقپان 2012 8:17
قازىرگى زاماننىڭ اقپاراتتىق اعىنى كەرەمەت. دۇنيە جۇزىندە بولىپ جاتقان ءىرىلى-ۇساقتى وقيعالاردى كۇندەلىكتى الەم جۇرتشىلىعىنا جەتكىزىپ تۇرادى. الىستاعىنىڭ جاڭعىرىعى عانا جەتسە, ءوز ايماعىنداعى وقيعاعا ەشكىم دە بەيجاي قاراي المايدى. ويتكەنى, وگىزگە تۋعان كۇن بۇزاۋعا دا تۋماي ما؟ قانشاما ءجانتۇرشىگەرلىك وقيعالارعا بوي ۇيرەندى دەسەك تە, سوڭعى كەزدەگى ادامداردىڭ ءبىر-بىرىنە قارۋ قولدانۋى كىمنىڭ دە بولسا جۇرەگىنە قورقىنىش ۇيالاتادى. بارىنەن دە بەسىكتەن بەلى شىقپاعان جاستاردىڭ ءوز ماسەلەلەرىن سۋىق قارۋمەن شەشپەك بولعانى ءبارىبىر ءبىزدىڭ قوعامعا جات قۇبىلىس ەكەنى داۋسىز. ونىڭ الدىن الماساق, ءتۇپتىڭ تۇبىندە جاعداي ءمۇلدەم ۋشىعىپ كەتۋى ىقتيمال.
بەيسەنبى, 9 اقپان 2012 8:17
قازىرگى زاماننىڭ اقپاراتتىق اعىنى كەرەمەت. دۇنيە جۇزىندە بولىپ جاتقان ءىرىلى-ۇساقتى وقيعالاردى كۇندەلىكتى الەم جۇرتشىلىعىنا جەتكىزىپ تۇرادى. الىستاعىنىڭ جاڭعىرىعى عانا جەتسە, ءوز ايماعىنداعى وقيعاعا ەشكىم دە بەيجاي قاراي المايدى. ويتكەنى, وگىزگە تۋعان كۇن بۇزاۋعا دا تۋماي ما؟ قانشاما ءجانتۇرشىگەرلىك وقيعالارعا بوي ۇيرەندى دەسەك تە, سوڭعى كەزدەگى ادامداردىڭ ءبىر-بىرىنە قارۋ قولدانۋى كىمنىڭ دە بولسا جۇرەگىنە قورقىنىش ۇيالاتادى. بارىنەن دە بەسىكتەن بەلى شىقپاعان جاستاردىڭ ءوز ماسەلەلەرىن سۋىق قارۋمەن شەشپەك بولعانى ءبارىبىر ءبىزدىڭ قوعامعا جات قۇبىلىس ەكەنى داۋسىز. ونىڭ الدىن الماساق, ءتۇپتىڭ تۇبىندە جاعداي ءمۇلدەم ۋشىعىپ كەتۋى ىقتيمال.
ورىس حالقى ايتقان عوي «فاكتى – ۋپريامايا ۆەشش» دەپ. ەندى ايعاققا جۇگىنەيىكشى. الماتى وبلىسىنىڭ قاراتال اۋدانىندا ءوتكەن جىلى ءجانتۇرشىگەرلىك وقيعا بولدى. ءبىر شارۋا قوجالىعىنىڭ باستىعى قاسىنا جاي قىزمەتشىسىن الىپ, مال قىستاۋلارىنا شىعادى. سوعىمعا مال ىزدەگەن بولسا كەرەك. ايدالا, اق دالا قۇلا ءدۇز بولعان سوڭ, ول مىلتىعىن الا شىعىپتى. اڭ اۋلاماق بولدى ما؟ الدە داۋلەتتى بولعان سوڭ, ساقتىقپەن ىلعي سولاي قارۋلانىپ جۇرە مە؟ ول جاعى جۇمباق. ارينە, قىستاۋدا قونا جاتىپ, اس ءىشىپ, كوڭىل كوتەرەدى. ىشكىلىك تە قويىلعان شىعار. ونسىز قازىر داستارقاننىڭ «ءسانى» كەلە مە؟قالاي بولعاندا دا, سەرىكتەس جۇمىسشى مەن قوجايىننىڭ اراسىندا كيكىلجىڭ بولادى. قوجا بولعان سوڭ, مال سوياتىن جاس جىگىتتى ۇرىپ تاستاعان ەكەن دەگەن بولجام ايتادى ەل-جۇرت. ونىڭ انىق-قانىعىن تەرگەۋ ورىندارى ايقىنداپ تا جاتىر. وكىنىشكە قاراي, ءوزارا ۇرىس-كەرىستىڭ ارتى قايعىلى اياقتالادى. قىزمەتشى شارۋا قوجالىعىنىڭ جەتەكشىسىن ءوز مىلتىعىمەن اتىپ تاستايدى. ولگەنىنە كوزى جەتكەندە قۇلا دۇزگە بەتالدى قاشا جونەلەدى. مىلتىقتى دا الا كەتەدى. ارادا ءبىر تاۋلىك ءوتپەي قىستاۋدان 70 شاقىرىم جەردەن اۋداندىق ىشكى ىستەر ءبولىمىنىڭ وپەراتيۆتىك توبى قاشقىندى قۋىپ جەتەدى. ودان ءوز ەركىمەن بەرىلۋىن ءوتىنەدى. بىراق ادام ءولتىرۋدىڭ قۇنىن بىلەتىن جاس جىگىت تاعى مىلتىق اتادى. بۇل جولى ءوزىن كوزدەپتى. قۇداي دا الاتىنىن عانا الادى عوي. جىگىت ولمەي ءتىرى قالادى. قازىر تالدىقورعان قالاسىندا ەمحانادا جاتىر. ەسىگىندە كۇزەتشى تۇر.بۇل ءبىر عانا كەزدەيسوق وقيعا بولسا, ونى ماسەلە عىپ كوتەرمەس تە ەدىك. بۇدان كەيىن تاعى ءبىر ءاۋمەسەر قىستاۋدا تاعى ءبىر جۇمىسشىنى اتقان دەگەن حابار تارادى. ول ول ما, وبلىس ورتالىعىندا مەيرامحانادان شىققان جاستار ءوزارا كەرىسىپ قالىپ, ءبىر-بىرىنە قارۋ قولدانعان. سونىڭ سالدارىنان 23 جاسار جىگىت قازا تاپتى. بىرنەشە سەرىكتەرى اۋرۋحانادا جاتىر. ول دا قاراتالدىق ەدى. شاعىن اۋداندا از ۋاقىتتا بىرنەشە ادام اتىستان ولگەندە قورقىنىشتان كوكەيىڭە نەشە قيلى ويلار ورالادى ەكەن. جاپپاي قارۋلانساق نە بولامىز؟قازىر ىشكى ىستەر ءبولىمىنىڭ قىزمەتكەرلەرى اۋدان جۇرتشىلىعىنا ۇندەۋ تاستاپ, ءوز ەركىمەن قارۋلارىن ساتۋدى ءوتىنىپ جاتىر. ارينە, قارۋلارىن ساۋدالاپ جاتقاندار دا بارشىلىق. بىراق جاپپاي ءۇردىسكە اينالا قويعان جوق. اينالماس تا. سول قارۋلاردى جۇرتشىلىق قۇقىق قورعاۋ مەكەمەسىنىڭ رۇقساتىمەن الىپ جاتىر عوي. سولاردىڭ ءبارىنىڭ اقىل-ەسى دۇرىس پا ەكەن؟ بالا-شاعاسىندا اۋىتقىعاندار جوق پا ەكەن؟ قارۋلانعانداردا پسيحياتردىڭ دەنى ساۋىن راستايتىن انىقتامالارى بار ما ەكەن؟ جوق. جوق. تاعى جوق. ەندەشە قاتەر بار دەڭىز. ال وقتالعان مىلتىق اتىلماي تۇرمايدى. بارىنەن قىمبات – ادام ءومىرى. ويلانايىق, اعايىن.ماكەن وسەرباەۆا.الماتى وبلىسى,قاراتال اۋدانى.