جۇما, 27 قاڭتار 2012 7:13
جاڭاوزەن قالاسىندا بولعان جاپپاي تارتىپسىزدىك سالدارىنان ازاماتتاردىڭ قايتىس بولعانى, جاراقات الىپ زارداپ شەككەندەرى جانىمىزعا قاتتى باتادى. نەبىر زاماندا ءومىر ءسۇرىپ, ءتۇرلى جاعدايلاردىڭ كۋاسى بولعان ارداگەرلەردىڭ ءبارى دە وسىلاي – دەيدى.بۇزاقىلىقتىڭ سالدارىنان ءبىراز ادام قيىن جاعدايعا تاپ بولدى. نەبىر اسەم عيماراتتار قيرادى. جازىعى جوق جەكە ازاماتتاردىڭ دۇنيە-م ۇلىكتەرى تالان-تاراجعا ءتۇستى. وسىلاردى ويلاعاندا قاتتى قينالامىز. وسىنداي ساتتە ەلباسىمىز نۇرسۇلتان نازارباەۆتىڭ ءوزى اقتاۋعا كەلىپ, جاڭاوزەندەگى جاعدايدى ءوز كوزىمەن كوردى.
جۇما, 27 قاڭتار 2012 7:13
جاڭاوزەن قالاسىندا بولعان جاپپاي تارتىپسىزدىك سالدارىنان ازاماتتاردىڭ قايتىس بولعانى, جاراقات الىپ زارداپ شەككەندەرى جانىمىزعا قاتتى باتادى. نەبىر زاماندا ءومىر ءسۇرىپ, ءتۇرلى جاعدايلاردىڭ كۋاسى بولعان ارداگەرلەردىڭ ءبارى دە وسىلاي – دەيدى.بۇزاقىلىقتىڭ سالدارىنان ءبىراز ادام قيىن جاعدايعا تاپ بولدى. نەبىر اسەم عيماراتتار قيرادى. جازىعى جوق جەكە ازاماتتاردىڭ دۇنيە-م ۇلىكتەرى تالان-تاراجعا ءتۇستى. وسىلاردى ويلاعاندا قاتتى قينالامىز. وسىنداي ساتتە ەلباسىمىز نۇرسۇلتان نازارباەۆتىڭ ءوزى اقتاۋعا كەلىپ, جاڭاوزەندەگى جاعدايدى ءوز كوزىمەن كوردى. حالىقپەن كەزدەسىپ, كوڭىل ايتىپ, سول جەردە ءتيىستى ورىندارعا جەدەل تۇردە تاپسىرمالار بەرۋى كوڭىلىمىزدەن شىقتى. سول ساتتە ىشكى ىستەر ءمينيسترى باستاعان جەدەل تەرگەۋ توبى قۇرىلىپ, ىسكە كىرىستى. كەشە ەلىمىزدىڭ باس پروكۋرورى سول وقيعاعا بايلانىستى مالىمدەمە جاسادى. وندا سول كۇنگى تارتىپسىزدىكتى ۇيىمداستىرۋشىلار جانە وعان بەلسەنە قاتىسۋشىلاردىڭ ءۇستىنەن قىلمىستىق ءىس قوزعالىپ, ولاردىڭ جاۋاپكەرشىلىككە تارتىلعاندىقتارى ايتىلدى. ياعني, كىنالى ادامدار زاڭ بويىنشا جازاعا تارتىلادى. اتا زاڭىمىز بارشاعا بىردەي ەكەنى بەلگىلى. زاڭ ءار ۋاقىتتا دا ەلدىڭ تىنىشتىعى, ازاماتتاردىڭ قاۋىپسىزدىگى مەن ءومىرىن قورعاۋ ءۇشىن قولدانىلادى. ءبىزدىڭ ءادىل زاڭىمىز اق-قارانى ايىرىپ, حالقىمىزدىڭ كەلەشەكتەگى تىنىش ومىرىنە يگى ىقپال ەتسە ەكەن دەپ ارماندايمىز.
جاستارىمىز الداعى ۋاقىتتا جەكە توپتاردىڭ جەتەگىندە كەتپەي, ارانداتۋعا بارماي ءار ءىسىن اقىلمەن تارازىعا سالىپ, وي ەلەگىنەن وتكىزىپ وتىرسا ەلگە دە, وزدەرىنە دە پايدالى بولاتىندىعىن ايتقىم كەلەدى. «اققا – قۇداي جاق» دەمەكشى جازىقسىزدار اقتالار, ال ەندى كىنالى ادامدار تەك قانا ءادىل زاڭ ارقىلى ءتيىستى جازاسىن الاتىن شىعار دەگەن ويدامىن. سوندا عانا ەل تىنىش, ازاماتتارىمىز امان بولاتىنىنا كۇمان جوق. ءبىزدىڭ ارمان-تىلەگىمىز وسى.جازدىرحان سەيداليەۆ, اقتاۋ قالاسىنىڭ قۇرمەتتى ازاماتى, ەڭبەك ارداگەرى.ماڭعىستاۋ وبلىسى.