جەكسەنبى, 8 قاڭتار 2012 0:01
جۋىردا قالا اكىمى ايبەك كارىموۆ ورتالىق الاڭدا ءتارتىپ ساقشىلارىنىڭ قوعامدىق كومەكشىلەرى بولىپ قابىلدانعان ءبىر توپ جاسقا ارنايى كۋالىك پەن توسبەلگىلەرىن سالتاناتتى جاعدايدا تابىس ەتتى. بۇرىنعى حالىق جاساقشىسىنىڭ جاڭارتىلعان نۇسقاسىنىڭ جۇزەگە اسىرىلا باستاعانىنا كوپ ۋاقىت وتپەگەنىمەن, ولاردىڭ قاتارى ءۇش جۇزدەن اسىپ ۇلگەردى.
جەكسەنبى, 8 قاڭتار 2012 0:01
جۋىردا قالا اكىمى ايبەك كارىموۆ ورتالىق الاڭدا ءتارتىپ ساقشىلارىنىڭ قوعامدىق كومەكشىلەرى بولىپ قابىلدانعان ءبىر توپ جاسقا ارنايى كۋالىك پەن توسبەلگىلەرىن سالتاناتتى جاعدايدا تابىس ەتتى. بۇرىنعى حالىق جاساقشىسىنىڭ جاڭارتىلعان نۇسقاسىنىڭ جۇزەگە اسىرىلا باستاعانىنا كوپ ۋاقىت وتپەگەنىمەن, ولاردىڭ قاتارى ءۇش جۇزدەن اسىپ ۇلگەردى.
بۇلاردىڭ باسىم بولىگى ستۋدەنتتەر بولىپ تابىلادى. سونىڭ ىشىندە سەمەي پوليتسەيلەرىنىڭ قوعامدىق كومەكشىلەرىن نەگىزىنەن شاكارىم اتىنداعى جانە مەديتسينا ۋنيۆەرسيتەتتەرىنىڭ ستۋدەنتتەرى قۇراپ وتىر. سولايشا بولاشاق ماماندار قوعامدىق ءتارتىپتى ساقتاپ, ورنىقتىرۋعا دا ءوز ۇلەستەرىن قوسۋدا. ال ەرتەڭگى كۇنى سولاردىڭ ىشىنەن قۇقىق قورعاۋ سالاسىنا بارۋعا تىلەك بىلدىرەتىندەر دە بولۋى ابدەن مۇمكىن عوي. ويتكەنى, كەزىندە ورگان قىزمەتكەرلەرىنىڭ قاتارىن كومسومول جاستار تولىقتىرىپ جاتاتىن. ال وتكەننىڭ وڭدى تاجىريبەسىن الىپ جاتساق, نەسى ايىپ؟
قالا باسشىسى ءتارتىپ ساقشىلارى قوعامدىق كومەكشىلەرىنىڭ كەزەكتى لەگىنە كۋالىكتەر مەن توسبەلگىلەرىن تاپسىرا وتىرىپ, وسىنداي يگىلىكتى ىسكە قالاداعى ىرگەلى كاسىپورىندار مەن ۇيىمداردىڭ دا قىزۋ اتسالىسۋلارى قاجەتتىگىن قاداپ ايتتى. سونىڭ ءبارى قالا تىنىشتىعىن ساقتاۋدا تاپتىرمايتىن يگى ءۇردىس ەكەندىگى ايتپاسا دا تۇسىنىكتى.
داۋلەت سەيسەن ۇلى,
«ەگەمەن قازاقستان».
سەمەي.