جۇما, 30 قاراشا 2012 7:23
تالدىقورعان قالالىق سوتىندا اسكەري قىزمەتشى ۆلاديسلاۆ چەلاحتىڭ ءىسى بويىنشا سوت تالقىلاۋى جالعاسۋدا. 29 قاراشادا سوت سوتتالۋشىنىڭ ادۆوكاتىنا ءوز قورعاۋىنداعى اداممەن كەزدەسىپ, ونىڭ پروتسەسكە قاتىسقىسى كەلەتىندىگىن ءبىلۋ جونىندە كەزەكتى مۇمكىندىك بەردى. جاريالانعان ۇزىلىستەن سوڭ سەرىك ساكەنوۆ سوتقا ۆ.چەلاحتىڭ بۇرىنعىسىنشا سوتتالعاندار كامەراسىنان شىعۋدان باس تارتقانىن, سوت ءىس بويىنشا بارلىق ايعاقتاردى زەرتتەگەننەن كەيىن عانا ءوزىنىڭ مالىمەتتەر بەرەتىنىن حابارلادى.
جۇما, 30 قاراشا 2012 7:23
تالدىقورعان قالالىق سوتىندا اسكەري قىزمەتشى ۆلاديسلاۆ چەلاحتىڭ ءىسى بويىنشا سوت تالقىلاۋى جالعاسۋدا. 29 قاراشادا سوت سوتتالۋشىنىڭ ادۆوكاتىنا ءوز قورعاۋىنداعى اداممەن كەزدەسىپ, ونىڭ پروتسەسكە قاتىسقىسى كەلەتىندىگىن ءبىلۋ جونىندە كەزەكتى مۇمكىندىك بەردى. جاريالانعان ۇزىلىستەن سوڭ سەرىك ساكەنوۆ سوتقا ۆ.چەلاحتىڭ بۇرىنعىسىنشا سوتتالعاندار كامەراسىنان شىعۋدان باس تارتقانىن, سوت ءىس بويىنشا بارلىق ايعاقتاردى زەرتتەگەننەن كەيىن عانا ءوزىنىڭ مالىمەتتەر بەرەتىنىن حابارلادى.
وسىدان كەيىن سوت ساراپشىلارى ناتاليا گوتوۆكو مەن سەرىك قارسىباەۆتان جاۋاپ الدى. العاشقى ساراپشى تەرگەۋ كەزىندە چەلاحتىڭ كامەرالاستارىمەن اڭگىمەلەسىپ, ءوزى جاساعان قىلمىستاردى ەگجەي-تەگجەيلى بايانداعان بەينەجازباعا فونوسكوپيالىق ساراپتاما جاساعان. سوتتا ن.گوتوۆكو جازباداعى داۋىستىڭ شىنىمەن سوتتالۋشىنىڭ داۋىسى ەكەنىن راستادى. ءورت-تەحنيكالىق ساراپتاما جاساعان ساراپشى س.قارسىباەۆ سوتتا «ارقانكەرگەن» بەكەتىندە وق-دارىلەر جارىلىسىنىڭ بولماعانىن مالىمدەدى.
سونداي-اق سوتتا الاكول ءاىىب باستىعىنىڭ ورىنباسارى رۇستەم بەكباەۆ ايعاقتار كەلتىردى. ول ۆ.چەلاحتىڭ ۇستالىپ, وقشاۋلاعىشقا قامالعاننان كەيىن-اق ءوز ەركىمەن كىناسىن مويىنداپ كەلگەنى تۋرالى جازىپ بەرگەنىن ءتۇسىندىردى. بۇل رەتتە, كۋانىڭ ايتۋىنشا, سوتتالۋشىعا ەشقانداي پسيحولوگيالىق نەمەسە فيزيكالىق قىسىم جاسالماعان.
تىڭداۋ بارىسىندا ادۆوكات س.سارسەنوۆ ءوز كوڭىل-كۇيىنىڭ ناشارلاعانىن حابارلاپ, ءىستى تىڭداۋدى كەيىنگە قالدىرۋ جونىندە ءوتىنىش ايتتى. سوت ءوتىنىشتى قاناعاتتاندىرىپ, ادۆوكاتتى وتىرىسقا كەلىپ, ءوز دەنساۋلىعى تۋرالى حابارلاۋعا مىندەتتەي وتىرىپ, ءىستى تىڭداۋدى 14-30-عا دەيىن كەيىنگە قالدىردى. دەگەنمەن, سارسەنوۆ سوت پروتسەسىنە سول كۇيى كەلگەن جوق.