الماتىدا قالانى كوگالداندىرۋ جۇمىستارى قارقىن الا باستادى. جاسىل ەكونوميكا باسقارماسىنداعىلاردىڭ مالىمەتىنشە, شاھارداعى ءال-فارابي داڭعىلىنىڭ ءبولۋ جولاعىنىڭ بويىنا جەلتوقسان كوشەسىنەن حودجانوۆ كوشەسىنە دەيىن جاپىراقتى جانە قىلقانجاپىراقتى 700-دەن استام اعاش وتىرعىزۋ جوسپارلانعان.
جەرگىلىكتى باقتارعا تەرەك, شىرشا, ەمەن وتىرعىزۋ ءىسى دە قولعا الىنعان. ماماندار 5,5 مىڭ شارشى مەتر اۋماققا گۇلدەر مەن شىبىقتار ەگىلەتىنىن ايتادى. گۇل وسىندىلەرىن دايىنداۋ 5-ساۋىرگە دەيىن سوزىلماق.
كوگالداندىرۋ ناۋقانى بارىسىندا كولىك جانە جاياۋ جۇرگىنشىلەر قوزعالىسىنىڭ قاۋىپسىزدىگىن قامتاماسىز ەتۋ ءۇشىن پوليتسيا دەپارتامەنتىنە جول-پاترۋل توپتارىنىڭ سانىن ۇلعايتۋ تاپسىرىلعان.
«قورشاۋسىز قالا» قاعيداسى بويىنشا شاھارداعى ەسكى قورشاۋلاردى الىپ تاستاۋ جۇمىستارى الداعى كۇندەرى اياقتالادى.
ارمان وكتيابر,
«ەگەمەن قازاقستان»
الماتى