مەملەكەت باسشىسى ەكى ەلدىڭ ۇزاق مەرزىمدى ۇلتتىق مۇددەلەرىن قامتاماسىز ەتۋ ىسىندەگى قازاقستان مەن رەسەي ارىپتەستىگى مەن وداقتاستىعىنىڭ ماڭىزدىلىعىن اتاپ ءوتتى. بۇل تۋرالى اقوردانىڭ ءباسپاسوز قىزمەتى حابارلايدى.
«قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆ ءاردايىم ەكى ەل اراسىنداعى قاتىناستاردىڭ ەتالون سانالاتىنىن اتاپ وتەدى. سوندىقتان, مەملەكەت باسشىسى رەتىندە مەنىڭ مىندەتىم ءبىزدىڭ كوشباسشىلارىمىز – ن. ءا. نازارباەۆ پەن ۆ. ۆ. پۋتين نەگىزىن قالاعان ەكىجاقتى ىنتىماقتاستىقتى دامىتۋعا قوسىمشا سەرپىن بەرۋ بولىپ تابىلادى», — دەدى قاسىم-جومارت توقاەۆ.
رەسەي فەدەراتسياسىنا جاسايتىن الداعى رەسمي ساپارىنا بايلانىستى مەملەكەت باسشىسى جوعارى دەڭگەيدەگى كەلىسسوزدەر بارىسىندا ءبىلىم بەرۋ جانە عىلىم سالاسىنىڭ وزەكتى ماسەلەلەرى تالقىلاناتىنىن ايتتى.
ء«بىز ىنتىماقتاستىقتى كەڭەيتۋ اياسىندا ءبىلىم بەرۋ ماسەلەلەرىن دە تالقىلايمىز دەپ ويلايمىن. بۇگىنگى ەڭ باستىسى – ءبىلىم بەرۋ سالاسىنا ينۆەستيتسيا تارتۋ», — دەدى قازاقستان پرەزيدەنتى.
ا. فۋرسەنكو قاسىم-جومارت توقاەۆقا ءوزىنىڭ قازاقستانعا ساپارى بارىسىندا وتكىزگەن كەزدەسۋلەرى جونىندە مالىمەت بەردى.
ء«بىز كونسترۋكتيۆتى جانە قىزىقتى كەلىسسوزدەر جۇرگىزدىك, ۇلتتىق بيوتەحنولوگيا ورتالىعىنا, نازارباەۆ ۋنيۆەرسيتەتىنە, پارلامەنت سەناتىنا باردىق. بۇگىن ەلدەرىمىز اراسىندا عىلىم سالاسىنداعى ىنتىماقتاستىق مەيلىنشە تابىستى جۇزەگە اسىرىلۋدا. بۇل باعىتتا ورتاق باسىمدىقتار مەن دامىتۋعا قاجەتتى الەۋەتىمىز بار», — دەدى رەسەي فەدەراتسياسى پرەزيدەنتىنىڭ كومەكشىسى.