الماتى وبلىسىندا كوپبالالى وتباسىلاردى قولداۋ شارالارى اياسىندا 4 جانە ودان دا كوپ بالاسى بار انالار قوعامدىق كولىكتە تەگىن جۇرەتىن بولدى. يگى باستاما 1 ساۋىردەن باستاپ وبلىس ورتالىعىنداعى اۆتوبۋستاردا جۇزەگە اسادى.
قازىر تالدىقورعان قالاسى اكىمدىگىنىڭ جولاۋشىلار كولىگى جانە اۆتوموبيل جولدارى ءبولىمى وبلىس ورتالىعىنداعى كوپبالالى انالاردى تىركەپ, ولارعا تەگىن جول ءجۇرۋ بيلەتىن بەرۋدى باستادى.
جالپى الماتى وبلىسىندا 4 جانە ودان دا كوپ بالالا تاربيەلەپ وتىرعان 40 انا ەسەپكە الىنعان. بۇگىندە بۇل وتباسىلاردىڭ تابىس دەڭگەيىن انىقتاۋ جۇمىستارى ءجۇرىپ جاتىر.
- ءبىرىنشى كەزەكتە تابىسى تومەن كوپ بالالى وتباسىلارىنا كوڭىل بولەتىن بولامىز. از قامتىلعان وتباسىلارىن, سونىڭ ىشىندە كوپ بالالى وتباسىلارىن نەعۇرلىم كەڭ قامتۋ ءۇشىن اتاۋلى الەۋمەتتىك كومەك كورسەتۋ كريتەريلەرى تومەنگى كۇنكورىس شەگىنىڭ 70 پروتسەنتىنە دەيىن, ياعني 14 849 تەڭگەدەن 20 789 تەڭگەگە دەيىن ارتتىرىلادى. مۇنداي وتباسىلاردىڭ كىرىس جيىنتىعىن ەسەپتەگەندە كوپ بالالى وتباسىلارعا, كوپ بالالى انالارعا بەرىلەتىن مەملەكەتتىك جاردەماقىلار, بالالاردىڭ مۇگەدەكتىگى ءۇشىن بەرىلەتىن جاردەماقىلار, ستيپەنديالار ەسەپكە الىنبايدى. سونىڭ نەگىزىندە ءبىزدىڭ وبلىستا اتاۋلى الەۋمەتتىك كومەك الاتىندار سانى 11 مىڭ وتباسىنان 17 مىڭ وتباسىنا كوبەيگەلى تۇر. سونداي-اق, مۇگەدەك بالالارعا بەرىلەتىن جاردەماقى كولەمى دە 30 پروتسەنتكە ۇلعايادى, ونى قازىر وبلىستا 8108 وتباسى الاھىپ وتىر, - دەيدى وبلىس اكىمى اماندىق باتالوۆ.
قالماحانبەت مۇقامەتقالي,
«Egemen Qazaqstan»
الماتى وبلىسى