قازاقستان رەسپۋبليكاسى ۇكىمەتىنىڭ قاۋلىسىمەن قامالجان تالعات ۇلى نادىروۆ قر دەنساۋلىق ساقتاۋ ۆيتسە-ءمينيسترى قىزمەتىنە تاعايىندالدى. بۇل تۋرالى قر پرەمەر-ءمينيسترىنىڭ ءباسپاسوز قىزمەتى حابارلايدى.
ق. نادىروۆ 1983 جىلى الماتى قالاسىندا دۇنيەگە كەلگەن. س. اسفەندياروۆ اتىنداعى قازاق مەملەكەتتىك مەديتسينالىق ۋنيۆەرسيتەتىن, تۇران ۋنيۆەرسيتەتىن, قوعامدىق دەنساۋلىق ساقتاۋدىڭ جوعارى مەكتەبىن تامامداعان. ءارتۇرلى جىلدارى Duke University, «The Fuqua School of Business» (اقش), «Parkway College» (سينگاپۋر), «Florence Nightingale» كلينيكالار توبى (تۇركيا), «Oxford «Social Health Insurance system» (گەرمانيا) وقۋدان وتكەن. .
2007–2014 جىلدارى ب.و. جاربوسىنوۆ اتىنداعى ۋرولوگيا عىلىمي ورتالىعىندا كلينيكالىق ورديناتور, ءبولىم مەڭگەرۋشىسى, باس ديرەكتوردىڭ ورىنباسارى قىزمەتتەرىن اتقارعان.
دەنساۋلىق ساقتاۋ مينيسترلىگىنىڭ قۇرىلىمىندا 2014 جىلدان باستاپ جۇمىس ىستەيدى. مەديتسينالىق قىزمەتتەردى ستاندارتتاۋ دەپارتامەنتى ديرەكتورىنىڭ ورىنباسارى لاۋازىمىن اتقارعان.
2016–2017 جىلدارى — «University Medical Center» بولىمشەسىنىڭ ديرەكتورى — رەسپۋبليكالىق دياگنوستيكالىق ورتالىقتى باسقارعان.
2017–2018 جىلدارى — استانا قالاسىنىڭ دەنساۋلىق ساقتاۋ باسقارماسىنىڭ باسشىسى. 2018 جىلعى ناۋرىزدان باستاپ قازىرگى تاڭعا دەيىن استانا قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى لاۋازىمىن اتقارعان.