Ninety One توبى كورەي تەلەشوۋىندا جەڭىسكە جەتتى

«I Can See Your Voice» - ءتىپتى ءان ايتا المايتىندار دا جەڭىسكە جەتۋى مۇمكىن العاشقى شوۋ. شوۋ تۇجىرىمداماسى دا قاراپايىم. ءاربىر ەپيزودتا شاقىرىلعان ورىنداۋشى ساراپشىلار كومانداسىنىڭ كومەگىمەن 4 راۋند بارىسىندا شوۋ قاتىسۋشىلارىنىڭ قايسىسى ءان  ايتا المايتىندىعىن انىقتاۋى قاجەت. ەپيزود سوڭىندا ءبىر عانا ورىنداۋشى قالىپ, ول ارنايى شاقىرىلعان ورىنداۋشىمەن بىرگە ءان ايتۋى ءتيىس. 

ەگەر جەڭىمپاز ءان ايتىپ جۇرگەن ونەرپاز بولسا, وندا سينگل جازۋعا مۇمكىندىك الادى. ال ءان ايتا المايتىن قاتىسۋشى جەڭسە, جۇلدەگە تىگىلگەن 4,5 مىڭ دوللارعا يە بولادى. قازاقستاندىق بويز-بەن كاستينگتەن ءساتتى ءوتىپ, باعدارلامانىڭ التى قاتىسۋشىسىنىڭ قاتارىن تولىقتىردى. ال شاقىرىلعان ءارتىس قىزداردان قۇرالعان Mamamoo k-pop بولدى.

«تورەشىلەر Ninety One ورتالىق ازياداعى تانىمال توپ نەمەسە سەۋلگە ءبىلىم الۋعا كەلگەن قاراپايىم ستۋدەنتتەر ەكەندىگىن تابۋى ءتيىس ەدى. Ninety One توبىنىڭ انشىلەرى فينالعا شىعىپ, وندا Mamamoo رەپەرتۋارىنداعى «Yes I am» كومپوزيتسياسىن جاندى داۋىستا ورىندادى. ALEM (باتىرxان مالىكوۆ), ACE (ازامات اشماقىن) جانە BALA-نىڭ (دانيار ق ۇلىمشين)  داۋىسى تورەشى قىزدارمەن قاتار Kim Jong- kook, Leeteuk (Super Junior), Yoo Se-yoon سىندى شاقىرىلعان تانىمال ونەر جۇلدىزدارىن تاڭ قالدىردى», - دەدى توپتىڭ پروديۋسەرى ەربولات بەدەلحان.

كورەيانىڭ ەسترادا جۇلدىزدارى قازاق انشىلەرىنىڭ كورەي تىلىندە تازا ونەر كورسەتكەندەرىنە ريزا بولدى. سونىمەن قاتار ولار توپتىڭ جەتەكشى رەپەرى ZAQ-تىڭ (دۋلات مۇحامەتقاليەۆ) جاس بەلسەندى ەكەندىگىنە  جانە Q-pop باعىتى  مەن قازىرگى قازاق مۋزىكاسىن جاقتاۋشىلاردىڭ ءبىرى ەكەندىگىنە تاڭدانىستارىن ءبىلدىردى.  شوۋ اياقتالعاننان كەيىن 1 ساعات وتىسىمەن كورەيانىڭ  ۇلتتىق Naver (Google بالاماسى) ىزدەۋ جۇيەسىندە Ninety One ەڭ كوپ سۇرانىسقا يە بولعان سوزگە اينالدى. شوۋ سوڭىندا Ninety One توبى تولىق قۇرامدا وزدەرىنىڭ «Aiyptama» ءانىن ورىندادى. Mamamoo مەن Ninety One دۋەتى ورىنعان ءان YouTube ارناسىندا جاريالانعان ءۇش كۇننىڭ ىشىندە 500 مىڭ كورىلىم جينادى.

«قازاقستاندىق توپتىڭ شىعارماشىلىعىنا قىزىعۋشىلىق كۇرت ارتتى. وعان بارلىق الەۋمەتتىك جەلىلەردەگى جازىلۋشىلار سانىنىڭ ارتۋى, سونىمەن قاتار توپ كليپتەرىنىڭ استىنا شەتەلدىك جانكۇيەرلەر قالدىرعان وڭ پىكىرلەر دالەل بولا الادى.  Ninety One بىرتىندەپ الەمدىك نارىقتى باعىندىرىپ كەلەدى جانە كورەياداعى جەڭىس  ونىڭ العاشقى باسپالداعى عانا», - دەدى ەربولات بەدەلحان.