«قوستاناي قالالىق «سولتۇستىك» پوليتسيا ءبولىمىنىڭ پوليتسەيلەرى 5 ميلليوننان اسا تەڭگەنىڭ زاتىن ۇرلاعان ۇرىلاردى تاپ باستىرمادى», دەپ حابارلادى تىلشىلەر قوسىنىنا وبلىستىق پوليتسيا دەپارتامەنتىنىڭ ءباسپاسوز قىزمەتى. قوستانايدا تال تۇستە ۇرىلار جەر ۇيدەگى اۋىزعى بولمەنىڭ تەرەزەسىن قيراتىپ, 5 ميلليون تەڭگەدەن اسا قىمبات زاتتاردى الىپ كەتكەن.
جەدەل-ىزدەستىرۋ جۇمىستارىنىڭ ارقاسىندا ءبىر تاۋلىك ىشىندە كۇدىكتى ءۇش ادام ۇستادى. ولاردىڭ العان زاتتارىنىڭ بارلىعى تاركىلەندى. كۇدىكتىلەردىڭ ۇستىنەن قر قك 188-بابىنىڭ 4-بولىمىمەن سوتقا دەيىنگى تەرگەۋ امالدارى ءجۇرىپ جاتىر.
پوليتسيا قالا تۇرعىندارىنا ءوز زاتتارىنا اباي بولۋى ءۇشىن, ءۇيدى كۇزەت قىزمەتىنە بەرۋگە كەڭەس بەردى. وبلىستا 189 جەكە-مەنشىك كۇزەت ۇيىمدارى بار. بۇگىندە «تسيفرلى قازاقستان» باعدارلاماسى شەڭبەرىندە كۇزەت ۇيىمدارى موبيلدىك قوسىمشا ارقىلى قىزمەتتىڭ زاماناۋي ءتۇرىن ۇسىنىپ وتىر. قوسىمشا پلانشەتتىك كومپيۋتەرگە نەمەسە سمارتفونعا ورنالاستىرىلادى. سول ارقىلى كۇزەتەتىن عيماراتتىڭ يەسى پريبورلاردى كۇزەتكە سالىپ-الۋدى ءوز بەتىنشە باسقارا الادى.
ءنازيرا جارىمبەت,
«ەگەمەن قازاقستان»
قوستاناي