قازاقستاندىق تەننيسشى يۋليا پۋتينتسەۆا اقش-تىڭ مايامي قالاسىندا ءوتىپ جاتقان حالىقارالىق ءتۋرنيردىڭ شيرەك فينالىنا شىعا المادى.
جۇلدە قورى 9 035 428 دوللاردى قۇراعان جارىستىڭ باستاپقى ءۇش باسەكەسىندە يۋليا وتە جاقسى ونەر كورسەتتى. ول بەلگيالىق كريستەن فليپكەنس, شۆەيتساريالىق بەليندا بەنچيچ جانە ليتۆالىق اناستاسيا سەۆاستوۆا سىندى مىقتىلارعا سان سوقتىردى. ءتورتىنشى اينالىمدا پۋتينتسەۆانىڭ جولى كارولينا پليشكوۆامەن قيىستى. كەزىندە الەمدىك رەيتينگتە كوش باستاپ, قازىرگى كەزدە WTA تىزىمىندە جەتىنشى ورىندا تۇرعان چەحيانىڭ اتاقتى تەننيسشىسىنە جەرلەسىمىزدىڭ ءالى جەتپەدى. ءۇش سەتتىك سايىس 2:6, 6:3, 7:5 ەسەبىمەن اياقتالدى.
سونداي-اق, ماياميدەگى تۋرنيردە قازاقستاننىڭ تاعى ەكى ويىنشىسى باق سىناعان بولاتىن. وكىنىشكە قاراي, ولاردىڭ جولدارى بولمادى. ميحايل كۋكۋشكين تۇساۋكەسەر كەزدەسۋدە ارگەنتينالىق گيدو اندرەوسسيگە ەسە جىبەرسە, الەكساندر بۋبليك ەكىنشى كەزەڭدە اۆستراليالىق نيك كيروستان جەڭىلدى.
عالىم سۇلەيمەن,
«Egemen Qazaqstan»