جۇما, 7 قىركۇيەك 2012 7:28
ماداگاسكار ارال-مەملەكەتى – ەكزوتيكالىق سيپاتى بار ەل. كەيدە قالا مەن اۋىلىنىڭ اراسى قوسىلىپ جاتادى. قالادا دا مال – تىرشىلىك كوزى. ەندى سول مالعا قاتىستى قاقتىعىستار ءجيى كەزىگەدى. ءتىپتى ول ادام ولىمىنە دە اپارىپ سوقتىرادى.
جۇما, 7 قىركۇيەك 2012 7:28
ماداگاسكار ارال-مەملەكەتى – ەكزوتيكالىق سيپاتى بار ەل. كەيدە قالا مەن اۋىلىنىڭ اراسى قوسىلىپ جاتادى. قالادا دا مال – تىرشىلىك كوزى. ەندى سول مالعا قاتىستى قاقتىعىستار ءجيى كەزىگەدى. ءتىپتى ول ادام ولىمىنە دە اپارىپ سوقتىرادى.
جاقىندا, ناقتىراق ايتقاندا, وسى قىركۇيەكتىڭ العاشقى كۇنى ەلدىڭ وڭتۇستىك-شىعىسىنداعى بەترۋكا قالاسىنا جۇزگە تارتا قارۋلى قاراقشى-بارىمتاشىلار شابۋىل جاساپ, تۇرعىنداردىڭ مىڭعا تارتا سيىرىن, ول زەبۋ دەپ اتالادى, ايداپ كەتەدى. بۇل وقيعا دەرەۋ پوليتسياعا دا حابارلانادى. پوليتسيا ءتىپتى اۆياتسيانى پايدالانىپ, بارىمتاشىلاردىڭ ىزىنە تۇسەدى. بىراق ولار ءبىر قىرعىننىڭ الدىن الۋعا ۇلگەرمەيدى. قىرعىن دەگەندە, قارۋلى قاراقشىلاردىڭ جەرگىلىكتى حالىققا جاساعان زۇلىمدىعى ەمەس, كەرىسىنشە, اشىنعان شارۋالار بارىمتاشىلاردى قىرىپ سالىپتى. تاسپەن, بالتامەن, نايزامەن قارۋلانعان شارۋالار ءبىر تۇندە-اق 67 قاراقشىنىڭ كوزىن جويادى. ال ولاردىڭ ءوز ارالارىنان تەك 12 ادام عانا جارالانىپتى.مۇنداي وقيعانىڭ جالعاسى بولاتىنى بەلگىلى. قيسىنعا سالعاندا, قاراقشىلار كەك قايتارۋى ءتيىس. سونى ەسكەرگەن پوليتسيانىڭ جەرگىلىكتى جاساعى اۋىل, قالا ماڭدارىن قورعاۋعا الادى. بىراق تاعى دا كۇتپەگەن جاعداي بولادى. ابدەن اشىنعان شارۋالار تاعى دا شابۋىلعا شىعىپ, بارىمتاشىلاردى تۇراقتارىنا دەيىن ىندەتە قۋىپ بارىپ, ولاردىڭ 27 ادامىن ءولتىرىپ قايتادى. ەندى پوليتسيا شارۋالاردان قاراقشى-بارىمتاشىلاردى قورعاۋعا ءماجبۇر بولادى.ارينە, مۇنى ساياسي وقيعالاردىڭ قاتارىنا جاتقىزۋعا بولا قويماس. سويتسە دە, قاراقشى-بارىمتاشى بولسا دا, 90 ادامنىڭ ءولتىرىلۋى نازار اۋدارارلىق جاعداي. حالىق قياناتقا, قىلمىسقا قارسى باس كوتەرىپ, وزدەرىن وزدەرى قورعاۋعا شەشىمدى قادام جاساعان. ونىڭ ۇستىنە, بۇل ەلدەگى قالىپتاسقان ءومىر سالتىنا وزگەرىس ەنە باستاعانىن اڭعارتادى ەكەن. زەبۋ سيىرى – بۇل ەلدەگى قاسيەتتى مال. سويتسە دە ونىڭ ءسۇتىن ءىشىپ, ەتىن جەۋگە بولادى. ال بارىمتاشىلىق – بەلگىلى دارەجەدەگى تابىس كوزى, سونىمەن بىرگە جاستاردىڭ وزدەرىنىڭ «ەسەيگەندەرىن» كورسەتەدى, قىلمىستى دۇنيەگە جولداما دا بەرەدى ەكەن.ماداگاسكار شارۋالارىنىڭ قاراقشى-بارىمتاشىلارعا قارسى بەلسەندى ارەكەتكە كوشۋى ەلدەگى قالىپتاسقان جاعدايدى وزگەرتەر, ەندى بارىمتاشىلار اياعىن بايقاپ باسادى دەيسىڭ. بۇعان دەيىن سول بارىمتاشىلار ءتۇرلى قارۋلارمەن جاراقتانىپ, ءتىپتى پوليتسيانى, لاۋازىمدى ادامداردى ساتىپ الىپ, ەركىن قيمىلداپتى. ءسىرا, شارۋا حالىقتىڭ ءوز كۇشتەرىنە سەنىمى ەندى قاراقشى-بارىمتاشىلاردىڭ باسىنۋىنا جول بەرمەس.باسقا ەلدەگى جاعدايدى ايتقاندا, اركەز ءوز ەلىڭ ەستە تۇرادى. قاراقشى, بارىمتاشى دەپ سيپاتتاماعانمەن, بىزدە دە مال ۇرلايتىندار, بيىلعى جىلى ولارعا ءشوپ ۇرلايتىندار دا قوسىلىپتى, تاپا-تال تۇستە كولىكپەن كەلىپ جۇرتتىڭ مالىن, باسقاداي ءدۇنيەسىن تارتىپ الىپ كەتەتىن كورىنەدى. مۇنداي فاكتىلەر ايتىلىپ, جازىلىپ جاتىر. ولار ابدەن باسىنعان. سولارعا قارسى حالىقتىڭ ءوزىن كوتەرسە دەيسىڭ. ماداگاسكارداعىداي قىرىپ سالماعانمەن, ۇرلىقپەن وڭاي ولجا ىزدەگەندەردىڭ ادىمىن اشتىرمايتىن ارەكەتتەر كەرەك-اق.
ماماديار جاقىپ, «ەگەمەن قازاقستان».