جۇما, 20 شىلدە 2012 7:29
سيرياداعى جاعداي بارعان سايىن شيەلەنىسىپ بارادى. ەل استاناسى داماسكىنىڭ كەيبىر اۋداندارى كوتەرىلىسشىلەر باقىلاۋىندا. حالىقارالىق قىزىل كرەست قوعامى بۇل ەلدە ازامات سوعىسى ءجۇرىپ جاتىر دەگەن مالىمدەمە جاساپ تا جىبەردى.
وسى اپتانىڭ باسىندا رەسەي پرەزيدەنتى ۆلاديمير پۋتين كرەملدە وسىندا ارنايى كەلگەن بۇۇ قاۋىپسىزدىك كەڭەسىنىڭ جانە اراب مەملەكەتتەرى ليگاسىنىڭ ارناۋلى وكىلى كوفي اننان باسقارعان دەلەگاتسيانى قابىلداپ, كەلىسسوز جۇرگىزدى. كەزدەسۋدى اشا وتىرىپ, پرەزيدەنت پۋتين رەسەيدىڭ اۋەل باستان كوفي انناننىڭ سيريا جونىندەگى جوسپارىن قولداعانىن ەسكە سالىپ: «ءسىزدىڭ ميسسياڭىزدى قولداۋ ءۇشىن قولدان كەلگەننىڭ ءبارىن جاساۋعا ءسىزدى سەندىرگىم كەلەدى», – دەدى.
جۇما, 20 شىلدە 2012 7:29
سيرياداعى جاعداي بارعان سايىن شيەلەنىسىپ بارادى. ەل استاناسى داماسكىنىڭ كەيبىر اۋداندارى كوتەرىلىسشىلەر باقىلاۋىندا. حالىقارالىق قىزىل كرەست قوعامى بۇل ەلدە ازامات سوعىسى ءجۇرىپ جاتىر دەگەن مالىمدەمە جاساپ تا جىبەردى.
وسى اپتانىڭ باسىندا رەسەي پرەزيدەنتى ۆلاديمير پۋتين كرەملدە وسىندا ارنايى كەلگەن بۇۇ قاۋىپسىزدىك كەڭەسىنىڭ جانە اراب مەملەكەتتەرى ليگاسىنىڭ ارناۋلى وكىلى كوفي اننان باسقارعان دەلەگاتسيانى قابىلداپ, كەلىسسوز جۇرگىزدى. كەزدەسۋدى اشا وتىرىپ, پرەزيدەنت پۋتين رەسەيدىڭ اۋەل باستان كوفي انناننىڭ سيريا جونىندەگى جوسپارىن قولداعانىن ەسكە سالىپ: «ءسىزدىڭ ميسسياڭىزدى قولداۋ ءۇشىن قولدان كەلگەننىڭ ءبارىن جاساۋعا ءسىزدى سەندىرگىم كەلەدى», – دەدى.
پرەزيدەنت ايتقان سوڭ, سەنبەسكە بولماس, الداعى ۋاقىتتا سولاي بولىپ جاتسا, قۇبا-قۇپ-اق. ال ءبۇگىنگە دەيىن كوفي اننان جوسپارىنىڭ جۇزەگە اسۋىنا باستى كەدەرگى بولعان رەسەي ەكەنى دە شىندىق. وعان بۇكىل الەم كۋا. رف سىرتقى ىستەر ءمينيسترى سەرگەي لاۆروۆتىڭ تالاي ءمالىمدەمەسى كۋا. رەسەي تاراپىنان باشار اسادقا قولداۋ جاسالىپ كەلگەنىن جوققا شىعاراتىن ادامدى تابۋ قيىن شىعار.رەسمي حابارلارعا قاراعاندا, ءپۋتيننىڭ مالىمدەمەسىنە جاۋاپ رەتىندە ءوز كەزەگىندە كوفي اننان سيرياداعى تراگەديا سياقتى اسا قاسىرەتتى جاعدايعا بايلانىستى ماسكەۋگە تاعى دا كەلۋگە ءماجبۇر بولعانىنا وكىنىش بىلدىرگەن. ول سيريا داعدارىسى قىل ۇستىندە تۇرعانىن اتاپ كورسەتكەن. راس, كەزدەسۋدەن كەيىن ءباسپاسوز ءماسليحاتىندا كوفي اننان جۋرناليستەر الدىندا پۋتينمەن كەلىسسوزدى جەمىستى بولدى دەپ سيپاتتادى. ول بۇۇ قاۋىپسىزدىك كەڭەسىنىڭ الداعى بولاتىن ماجىلىسىندە وعان قاتىسۋشىلاردىڭ بارلىق جاقتىڭ دا كوڭىلىنەن شىعاتىن تۇجىرىم جاسايتىنىنا ۇمىتتەنەتىنىن ءبىلدىردى. سول ءۇمىتتىڭ اقتالۋى قيىن-اۋ.سيرياداعى شيەلەنىس شەشىمىن تابۋ ءۇشىن ەڭ الدىمەن وسى ماسەلەگە قاتىستى حالىقارالىق قوعامداستىق ورتاق ءتىل تابىسۋى كەرەك-اق ەدى. بۇگىنگە دەيىن ولاي بولماي كەلدى. بۇۇ-نىڭ باستاماشىلىعىنا قاۋىپسىزدىك كەڭەسىنىڭ تۇراقتى مۇشەلەرى رەسەي مەن قىتاي ۇنەمى قارسى شىعىپ, سيريا باسشىلىعىنىڭ قولتىعىنا سۋ بۇركىپ, ونىڭ جوسىقسىز ارەكەتتەرگە بارۋىنا جاعداي جاساپ كەلدى. كوفي اننان مەن ۆلاديمير ءپۋتيننىڭ كەلىسسوزى, وندا جاسالعان مالىمدەمەلەر حالىقارالىق قاۋىمداستىقتاعى ءتىل تابىسۋعا جەتكىزۋى مۇمكىن-اۋ دەيسىڭ. ونسىز سيريا شيەلەنىسىنىڭ تىرەلەتىن جەرى – اپات.ال سيرياداعى جاعداي, كوفي اننان ايتقانداي, قىل ۇستىندە تۇر. كوتەرىلىسشىلەر بەلسەندى ارەكەتتەرگە كوشىپ وتىر. «سيريا ازات ەتۋ ارمياسى» باسشىلارىنىڭ مالىمدەمەلەرىنە قاراعاندا, ەل استاناسىن ازات ەتۋ وپەراتسياسى باستالعان. ونىڭ «داماسك» جانارتاۋى جانە سيريالىق جەر سىلكىنىسى» دەگەن اتاۋعا يە بولىپ, بۇقارالىق سيپات العانى حابارلاندى. قالادا كوتەرىلىسشىلەردىڭ 50-دەي قارۋلانعان توبى ارەكەت ەتەتىن كورىنەدى. سولاردىڭ جاساعان ارەكەتتەرىنەن كۇنى كەشە سيريا قورعانىس ءمينيسترى داۋد رادجيحا جانە باسقا لاۋازىمدى ادامدار قازا تاپتى. ال رەسمي بيلىكتەگىلەردىڭ مالىمدەۋلەرى بۇعان مۇلدە قاراما-قارسى – كوتەرىلىسشىلەر جەڭىلىسكە ۇشىراپ, جاپپاي بەرىلىپ جاتقانعا ۇقسايدى. ەكى جاقتىڭ سوزدەرىنە جارتىلاي سەنگەن كۇننىڭ وزىندە دە قالىپتاسىپ وتىرعان جاعداي وتە كۇردەلى.مۇنداي جاعدايدان شىعاتىن جول – الدىمەن ارااعايىندىققا جۇرگەندەردىڭ مامىلەگە كەلۋى. سول مامىلەگە قول جەتپەي وتىر. ازىرگە ءسوز باسقا, ءىس باسقا.
ماماديار جاقىپ, «ەگەمەن قازاقستان».