سارسەنبى, 4 ءساۋىر 2012 7:48
باتىس افريكا ەلدەرى توڭكەرىس ارقىلى بيلىككە كەلگەن اسكەري حۋنتادان وكىلەتتىكتەرىنەن باس تارتۋدى تالاپ ەتىپ, ماليعا قارسى ەكونوميكالىق سانكتسيا ەنگىزدى. بۇل جونىندە باتىس افريكا مەملەكەتتەرى ەكونوميكالىققاۋىمداستىعىنىڭ (بامەق) اتىنان كوت-د’يۆۋار پرەزيدەنتى الاسسانۋاتتارا مالىمدەدى.
قاۋىمداستىققا مۇشە 15 مەملەكەت ماليمەن شەكارالارىن جاۋىپ, داكارداعى باتىس افريكا مەملەكەتتەرىنىڭ ورتالىق بانكىندەگى ەسەپ-شوتىن قوزعالتپاي تاستادى. سونىمەن قاتار, بامەق-تىڭ اسكەري كۇشتەرى اسكەري دايىندىق جاعدايىنا كەلتىرىلدى. ءبىر اپتانىڭ ىشىندە باتىس افريكا مەملەكەتتەرىنىڭ باسشىلارى اسكەريلەردىڭ قايدا ورنالاساتىنىن شەشۋى ءتيىس.
سارسەنبى, 4 ءساۋىر 2012 7:48
باتىس افريكا ەلدەرى توڭكەرىس ارقىلى بيلىككە كەلگەن اسكەري حۋنتادان وكىلەتتىكتەرىنەن باس تارتۋدى تالاپ ەتىپ, ماليعا قارسى ەكونوميكالىق سانكتسيا ەنگىزدى. بۇل جونىندە باتىس افريكا مەملەكەتتەرى ەكونوميكالىققاۋىمداستىعىنىڭ (بامەق) اتىنان كوت-د’يۆۋار پرەزيدەنتى الاسسانۋاتتارا مالىمدەدى.
قاۋىمداستىققا مۇشە 15 مەملەكەت ماليمەن شەكارالارىن جاۋىپ, داكارداعى باتىس افريكا مەملەكەتتەرىنىڭ ورتالىق بانكىندەگى ەسەپ-شوتىن قوزعالتپاي تاستادى. سونىمەن قاتار, بامەق-تىڭ اسكەري كۇشتەرى اسكەري دايىندىق جاعدايىنا كەلتىرىلدى. ءبىر اپتانىڭ ىشىندە باتىس افريكا مەملەكەتتەرىنىڭ باسشىلارى اسكەريلەردىڭ قايدا ورنالاساتىنىن شەشۋى ءتيىس.
كەپىلدەردىڭ سوڭعى توبىن بوساتتى
كولۋمبيانىڭ رەۆوليۋتسيالىق قارۋلى كۇشتەرىنىڭ جاساقتارى وزدەرى تۇتقىندا 10 جىلدان استام ۋاقىت ۇستاعان 10 پوليتسيا قىزمەتكەرى مەن اسكەري قىزمەتكەردى بوساتتى. بۇل جەردە اڭگىمە جاساقتاردىڭ تۇتقىنىندا بولعانكەپىلدەردىڭ سوڭعى توبى تۋرالى بولىپ وتىر.
ءسويتىپ, 4 اسكەري مەن 6 پوليتسەي حالىقارالىق قىزىل كرەست قىزمەتكەرلەرىنە بەرىلدى. ەندى ولار برازيليا ۇسىنعان تىكۇشاقپەن كولۋمبيا استاناسى – بوگوتاعا جەتكىزىلەتىن بولادى. اتالعان جاساق كولۋمبيا ۇكىمەتىمەن قارۋلى كۇرەسىن 1960-جىلداردىڭ ورتاسىندا باستاعان ەدى. قۇرامىندا 8 مىڭعا جۋىق ادامى بار توپ تەررورلىق ۇيىم تىزىمىنە ەنگىزىلگەن.
قازا تاپقاندار سانى 17-گە جەتتى
ماسكەۋدەگى كاچالوۆ بازارىندا بولعان ءورت سالدارىنان قازا تاپقاندار سانى 17 ادامعا جەتتى. الدىن الا مالىمەتتەرگە قاراعاندا, كوزجۇمعانداردىڭ بارلىعى اتالعان بازاردا جۇمىس ىستەيتىن تاجىكستانازاماتتارى بولىپ تابىلادى.
پوليتسياداعى دەرەك كوزى ءورتتىڭ شىعۋىنا تۇرمىستىق جىلىتقىشتاعى اقاۋ سەبەپ بولدى دەگەندى كولدەنەڭ تارتىپ وتىر. ءورت تۇتقىنىندا قالعاندار نەگىزىنەن يىستەنىپ ولگەن. ءورت سوندىرۋشىلەر مەتالدان جاسالعان تۇراققا كىرۋ ءۇشىن تەمىر قابىرعانى كەسۋگە ءماجبۇر بولعان. جانۋ اۋماعى شامامەن 50 شارشى مەتر جەردى عانا قۇراعان.
اپاتقا ۇشقىشتار ايىپتى ەمەس
2 ءساۋىر كۇنى تۇمەن تۇبىندە UTair اۋە كومپانياسىنىڭ ATR-72 ۇشاعى اپاتقا ۇشىراعان بولاتىن. وقيعا سالدارىنان ۇشاق بورتىندا بولعان 43 ادامنىڭ 31-ءى قازا تاپقان ەدى. ەكيپاج مۇشەلەرىنىڭ ءبارى دە كوز جۇمعان-تىن. بۇگىندە 18 ءمايىتتىڭ كىمدىكى ەكەندىگى انىقتالىپ وتىر.
الدىن الا دەرەكتەرگە قاراعاندا, ۇشاق بيىكتىك الا باستاعان ساتتە باعىتىنان سولعا قاراي 150 گرادۋسقا اۋىتقىپ كەتكەندىكتەن, جەرگە قونۋعا ارەكەت جاساعان. بىراق ۇشاق سول جاق قاناتىمەن جەر ءسۇزىپ, بىرنەشە بولىككە ءبولىنىپ كەتكەن. تەكسەرۋ وقيعاعا ۇشاقتاعى تەحنيكالىق اقاۋ سەبەپ بولدى دەگەن نۇسقانى كولدەنەڭ تارتادى.
وزبەكستان زيانكەس مەملەكەت پە؟
تاجىكستاننىڭ رەسەيدەگى ەلشىلىگى وزبەكستانعا قاتىستى قاتاڭ ءمالىمدەمە جاسادى. ديپميسسيانىڭ ءمالىمدەۋىنشە, وزبەك تارابى كورشىلەرىنە كولىك جانە ەنەرگەتيكا سالالارىندا زيانكەستىك جاساپ, وسى ارقىلى ءتاجىكستانداعى الەۋمەتتىك-ەكونوميكالىق احۋالدى تۇراقسىزداندىرۋعا تىرىسىپ وتىر.
ەلشىلىكتە اتاپ وتىلگەنىندەي, ماسەلەن, وزبەكستان 2010 جىلى ءوز اۋماعىندا كورشى ەلدىڭ ءتۇرلى جۇك تيەلگەن ۆاگوندارىن ۇستاپ, تاجىكستاننىڭ وڭتۇستىك جانە ورتالىق وڭىرلەرىنە جۇيەلى ءتۇردە كولىك بلوكاداسىن جۇزەگە اسىرىپ كەلگەن. ال 2011 جىلدىڭ سوڭىندا وزبەك تارابى تاجىكستاننىڭ وڭتۇستىك وبلىستارىنا ارنالعان جۇك ءترانزيتىن توقتاتىپ تاستاعان. گاز ساتپاي قويامىن دەپ تە قوقان-لوققى جاساپتى. رەسمي تاشكەنت ازىرشە ءۇنسىز.
تارتىپسىزدىكتەرگە بيلىك كىناسىز
قىرعىزستاننىڭ باس پروكۋراتۋراسى 2010 جىلدىڭ كوكتەمى مەن جازىندا ورىن العان جاپپاي ءتارتىپسىزدىكتەرگە رەسپۋبليكانىڭ ۋاقىتشا ۇكىمەتىنىڭ كىناسى جوق دەپ سانايتىنىن ءبىلدىردى. بۇل تۋرالى باس پروكۋروردىڭ ورىنباسارى نۇرلان جيەناليەۆ مالىمدەدى.
ول اتالعان ءىس بويىنشا 19 توم ماتەريال تەكسەرىلىپ, 80 جوعارى لاۋازىمدى شەنەۋنىكتەن جاۋاپ الىنعانىن اتاپ كورسەتتى. ولاردىڭ قاتارىندا قازىرگى ءىس باسىنداعى پرەزيدەنت المازبەك اتامباەۆ پەن ۋاقىتشا ۇكىمەتتى باسقارعان روزا وتۋنباەۆا دا بار. سول كۇندەردە ەل اۋماعىندا 80-نەن استام ادام قازا تاپسا, 500-ءى جارالانعان بولاتىن.
قىسقا قايىرىپ ايتقاندا:
* بۇۇ-نىڭ سيريا بويىنشا ارنايى وكىلى كوفي اننان وسى ەلباسشىلىعىنىڭ الدىنا شارت قويدى. ول بويىنشا ەلدەگى جانجالدىبەيبىت رەتتەۋ جوسپارىن جۇزەگە اسىرۋ 10 ساۋىردەن قالماي باستالۋىتيىس. سيريا پرەزيدەنتى باشار اساد بۇل شارتپەن كەلىسىپتى.
* نيدەرلاندى پوليتسياسى رەسەي شپيوندارىنا قۇپيا اقپاراتتار بەردىدەگەن كۇدىكپەن سىرتقى ىستەر مينيسترلىگىنىڭ 60 جاستاعى قىزمەتكەرىنتۇتقىنعا الدى. ونىڭ اتى-ءجونى پ.رايموند كورىنەدى.
* اقش-تىڭ كاليفورنيا شتاتىنداعى وكلەند جەكەمەنشىك وقۋ ورنىنداجەتى ادامدى اتىپ ولتىرگەن 43 جاستاعى كو ۆان قاماۋعا الىندى. ولاقش-تىڭ جانە وڭتۇستىك كورەيانىڭ ازاماتى بولىپ تابىلادى ەكەن.
* قۇقىق ارقىلى دەموكراتيا ءۇشىن ەۋروپا كوميسسياسى (رەسمي ەمەس اتاۋى – ۆەنەتسيا كوميسسياسى) رەسەيدەگى ساياسي رەفورمانى سىن تەزىنە الدى. بۇل ورايدا رەسەيدىڭ پارتيالار تۋرالى, ميتينگتەر تۋرالى جانە سايلاۋ تۋرالى زاڭدارى سىنالعان.
* يراك باسشىلىعى كاتاردان انتيتەررورلىق زاڭدىلىقتى بۇزدى دەپ ايىپتالعان يراك ۆيتسە-پرەزيدەنتى تاريك ءال-ءحاشيميدى ەكستراديتسيالاۋدى تالاپ ەتتى. ءال-ءحاشيميدىڭ پىكىرىنشە, يراك باسشىلىعىنىڭ تالابى زاڭسىز.
* قىزمەت وكىلەتتىلىگىن اسىرا پايدالاندى دەپ ايىپتالىپ, 7 جىلعا باس بوستاندىعىنان ايىرىلعان ۋكراينانىڭ ەكس-پرەمەرى يۋليا تيموشەنكو حاركوۆتەگى تەمىر جول كلينيكاسىندا ەمدەلەتىن بولدى. ونىڭ جۇيكە جۇيەسى سىر بەرگەنگە ۇقسايدى.
ينتەرنەت ماتەريالدارى نەگىزىندە ازىرلەندى.