بەيسەنبى, 23 اقپان 2012 8:18
ءاربىر ەكىنشى بريتاندىق توپ-مەنەدجەر 2012 جىلدىڭ سوڭىنا قاراي ەۋروايماقتىڭ ىدىراۋ تاۋەكەلىن جوعارى دەپ ەسەپتەيدى.
جۇرگىزىلگەن ساۋالناماعا سايكەس توپ-مەنەدجەرلەردىڭ 12 پايىزى تاۋەكەلدى «وتە جوعارى» دەپ باعالاسا, 38 پايىزى انشەيىن «جوعارى» دەپ باعالايدى. تاۋەكەلدى «ءبىر قالىپتى» دەيتىندەر 34 پايىزدى قۇراپ وتىر. سونىمەن بىرگە, توپ-مەنەدجەرلەردىڭ 35 پايىزى 2011 جىلدىڭ سوڭعى توقسانىندا باستالعان ەكونوميكالىق قۇلدىراۋ ۇستىمىزدەگى جىلى دا جالعاسادى دەپ ەسەپتەيدى. يتاليا, يسپانيا جانە پورتۋگاليا ەلدەرى ۆاليۋتا وداعىنان شىعادى دەگەن دە پىكىرلەر ايتىلۋدا.
بەيسەنبى, 23 اقپان 2012 8:18
ءاربىر ەكىنشى بريتاندىق توپ-مەنەدجەر 2012 جىلدىڭ سوڭىنا قاراي ەۋروايماقتىڭ ىدىراۋ تاۋەكەلىن جوعارى دەپ ەسەپتەيدى.
جۇرگىزىلگەن ساۋالناماعا سايكەس توپ-مەنەدجەرلەردىڭ 12 پايىزى تاۋەكەلدى «وتە جوعارى» دەپ باعالاسا, 38 پايىزى انشەيىن «جوعارى» دەپ باعالايدى. تاۋەكەلدى «ءبىر قالىپتى» دەيتىندەر 34 پايىزدى قۇراپ وتىر. سونىمەن بىرگە, توپ-مەنەدجەرلەردىڭ 35 پايىزى 2011 جىلدىڭ سوڭعى توقسانىندا باستالعان ەكونوميكالىق قۇلدىراۋ ۇستىمىزدەگى جىلى دا جالعاسادى دەپ ەسەپتەيدى. يتاليا, يسپانيا جانە پورتۋگاليا ەلدەرى ۆاليۋتا وداعىنان شىعادى دەگەن دە پىكىرلەر ايتىلۋدا.
ۇمىتتەن گورى كۇدىك كوپ
حالىقارالىق ۆاليۋتا قورى ەۋروايماق ەلدەرى افيناعا 130 ملرد.ەۋرو قارجى ءبولۋدى قۋاتتاعاننان كەيىن گرەكياعا 23 ملرد.ەۋرو بەرۋى مۇمكىن.
دەي تۇرعانمەن, حۆق مەن ەۋرووداق گرەكياعا كورسەتىلەتىن جاڭا كومەك باعدارلاماسىنىڭ تابىستى بولارىنا كۇمان كەلتىرەدى. ەۋروكوميسسيا, ەۋروپا ورتالىق بانكى مەن حۆق ساراپشىلارى ەكونوميكالىق رەفورمالاردى جۇزەگە اسىرۋدىڭ ۇنەمى كەشىكتىرىلە بەرۋى گرەك رەتسەسسياسىن ۋشىقتىرا تۇسەدى, ال ەلدىڭ قارىزى 2020 جىلى دا ءىجو-ءنىڭ 160 پايىزى مولشەرىندە قالۋى مۇمكىن دەگەن قاۋىپ ايتۋدا. گرەكيانىڭ جاڭا ترانش الۋعا قول جەتكىزگەنىنە قاراماستان, گرەكيانىڭ ءوزى دە, ونىڭ كرەديتورلارى دا بەلگىلەنگەن قاتاڭ ەكونوميا جوسپارىنىڭ ورىندالارىنا ونشا سەنە قويمايدى.
تۇرمىسى تومەندەر قاتارى كوبەيۋدە
رەسەيدە وتكەن جىلى تابىستارى ەڭ تومەنگى كۇنكورىس دەڭگەيىنە جەتپەيتىندەر قاتارى وسە تۇسكەن.
الدىن الا جاسالعان باعالاۋ بويىنشا, رەسەيدە كەدەيشىلىك شەگىندە ءومىر ءسۇرىپ جاتقاندار 2011 جىل ىشىندە 12,6-دان 12,8 پايىزعا دەيىن ارتقان. وسى ەلدىڭ ەكونوميكالىق دامۋ مينيسترلىگىنىڭ بولجامى بويىنشا, تاياۋداعى ەكى جىلدا تابىستارى ەڭ تومەنگى كۇنكورىس دەڭگەيىنە جەتپەيتىندەر سانى كوبەيە تۇسپەك. جاعداي تەك 2014 جىلى عانا جاقسارۋى مۇمكىن دەگەن بولجام ايتىلۋدا.
سالىق ستاۆكالارى وزگەرمەك
اقش پرەزيدەنتى باراك وبامانىڭ اكىمشىلىگى كورپوراتيۆتىك تابىس سالىعىن 20 پايىزعا قىسقارتۋدى ۇسىندى.
اكىمشىلىكتىڭ رەسمي سايتىندا كورسەتىلگەندەي, كورپوراتسيا تابىسىنان الىناتىن الىمدى 35-تەن 28 پايىزعا دەيىن ءتومەندەتۋ قاراستىرىلىپ وتىر. وسىلايشا, ءونىم وندىرۋشىلەر تابىسىنا سالىناتىن سالىقتىڭ ورتاشا ستاۆكاسى (جەڭىلدىكتەردى ەسكەرگەندە) اقش-تا 25 پايىزدى قۇراماق. پرەزيدەنت اكىمشىلىگى سونداي-اق مۇناي مەن گاز وندىرەتىن كومپانيالار ءۇشىن تابىس سالىقتارىنىڭ ستاۆكاسىن ۇلعايتۋدى, سونىمەن بىرگە, ولاردى بىرقاتار جەڭىلدىكتەردەن قۇرالاقان قالدىرۋدى دا قاراستىرىپ وتىر.
ليۆياداعى احۋال تىنىشتالار ەمەس
ليۆيانىڭ كۋفرا قالاسى ايماعىنداعى تايپاارالىق جانجالدار قارۋلى قاقتىعىسقا ۇلاسىپ, كەمىندە 50 ادام قازا تاپقان.
ءال-زاۆيا جانە تابۋ تايپالارى اراسىندا تۇتانعان ۇرىستاردا مينومەتتەر, راكەتالىق قوندىرعىلار مەن پۋلەمەتتەر قولدانىلۋدا. قالادا ەلەكتر قۋاتى, سۋ مەن ازىق-ت ۇلىك جوق. قاجەتتى جابدىقتار مەن ءدارى-دارمەك تاپشىلىعىنان دارىگەرلەر جارالىلاردى ەلدىڭ سولتۇستىگىندەگى قالالارعا اۋىستىرۋعا ءماجبۇر بولۋدا. جانجال شىققان ايماقتاعى تۇرعىندار دا سول جاقتارعا قاشۋدا. وتپەلى ۇلتتىق كەڭەس ەل اۋماعىندا تولىق باقىلاۋ ورناتۋدىڭ مۇمكىن ەمەستىگىن مويىنداپ وتىر.
پرەزيدەنتكە قاستاندىق جاسالدى
كەشە ابحازيا پرەزيدەنتى الەكساندر انكۆابقا قاستاندىق جاسالدى.
اقپارات كوزدەرىنەن ءمالىم بولعانىنداي, رەسپۋبليكانىڭ گۋداۋت اۋدانىندا كەلە جاتقان كورتەج جولىندا بىرنەشە فۋگاس جارىلعان. جارىلىس سالدارىنان پرەزيدەنتتى الىپ كەلە جاتقان اۆتوماشينەلەر كوبىرەك زارداپ شەككەن كورىنەدى. ەكى كۇزەتشى جاراقات العان, ال انكۆابتىڭ ءوزى امان, ول قازىر سۋحۋميدە ءوزىنىڭ جۇمىس ورنىندا.
زاۋىتتا ورىن العان اپات
قحر-دىڭ مەتاللۋرگيا زاۋىتىندا اپات بولىپ, 10 ادام قازا تاپتى.
وقيعا بۇرناعى كۇنى كەشكىلىك لياونين پروۆينتسياسىنداعى Angang Heavy Machinr Co., LTD اۋىر ماشينە جاساۋ كاسىپورنىندا ورىن العان. سوڭعى مالىمەتتەرگە قاراعاندا 10 ادام قازا تاۋىپ, 17 ادام ءتۇرلى دەنە جاراقاتتارىن العان كورىنەدى. تاعى 3 ادامنىڭ تاعدىرى ازىرگە بەلگىسىز بولىپ وتىر. اپات بولعان جەردە ىزدەۋ-قۇتقارۋ جۇمىستارى جالعاسۋدا.
سۇيىق پلانەتا دا بار ەكەن
استرونومدار وزگەلەرگە مۇلدە ۇقسامايتىن پلانەتانىڭ اتاۋىن تاۋىپ وتىر.
تاس پلانەتانىڭ نە ەكەنى استرونومدارعا عانا ەمەس, بارشاعا دا ءمالىم. ءبىز كۇننەن كەيىنگى ءدال سونداي ءۇشىنشى پلانەتادا ءومىر ءسۇرىپ جاتىرمىز. كۇن جۇيەسىندە ساتۋرن سياقتى گاز پلانەتاسى جانە پلۋتون سياقتى مۇزدى پلانەتا دا بار. ال عالىمدار قايناپ تۇرعان سۋ الەمىنىڭ بار ەكەنىن دە انىقتاپ وتىر. ولاردىڭ بىرەۋىنىڭ اتاۋى GJ 1214b دەپ اتالادى. امەريكالىق عالىمدار بۇل پلانەتانى ناسا-نىڭ عارىشتىق تەلەسكوپىنىڭ كومەگىمەن انىقتاعان كورىنەدى.
يران جاۋاپ قايتارۋعا دايىن
تەگەران ءوز جاۋلارىنا قارسى ءىس-قيمىلدار جاساۋ ءمۇمكىندىگىن جوققا شىعارمايدى.
بريتاندىق جانە فرانتسۋز كومپانيالارىنا مۇناي جەتكىزىپ بەرۋدى توقتاتۋ تەگەراننىڭ باتىسقا قارسى كۇرەستەگى جالعىز عانا ەسكەرتۋ شاراسى بولماۋى مۇمكىن. يسلام يران رەسپۋبليكاسى قارۋلى كۇشتەرى قولباسشىسىنىڭ ورىنباسارى موحاممەد حەدجازي ەگەر ۇلتتىق قاۋىپسىزدىككە قاتەر تونەر بولسا, يراننىڭ ءوز جاۋلارىنا قارسى ەسكەرتۋ ءىس-ارەكەتتەرىنە بارا الاتىنىن مالىمدەگەن. ەگەر جاۋلارىمىز يراننىڭ ۇلتتىق مۇددەسىنە قاتەر ءتوندىردى دەپ ەسەپتەسەك, ءبىز ولاردىڭ ارەكەتىن كۇتپەي-اق ءىس-قيمىلدارعا كوشەمىز دەپ تۇسىندىرگەن ول تەگەراننىڭ ۇستانىمىن.
ينتەرنەت ماتەريالدارى نەگىزىندە ازىرلەندى.