سارسەنبى, 15 اقپان 2012 7:18
ءۇندىستان ورتالىق تەرگەۋ بيۋروسىنىڭ باسشىسى امار پراتاپسينگحتىڭ حابارلاۋىنشا, ەلدەن زاڭسىز شىعارىلعان جانە الەمبويىنشا ۇندىستاننىڭ وفشورلىق ەسەپ-شوتتاردا 500 ميلليارددوللارعا جۋىق قارجىسى جاتىر.
ونىڭ اتاپ وتۋىنشە, سوڭعى جىلدارى ۇندىستاندىق ازاماتتار شۆەيتساريا بانكتەرىنىڭ ءىرى سالىمشىلارى اتانا باستادى. سول قاراجاتتاردىڭ جارتىسىنان كوبى سىبايلاس جەمقورلىق جولىمەن, سونداي-اق سالىقتان جالتارۋ جولىمەن شەتەلگە اۋدارىلعان قارجىلار. اقپاننىڭ باسىندا ءۇندىستان سوتى بايلانىس قىزمەتىن كورسەتۋشى 122 تۇلعانىڭ ليتسەنزياسىن كەرى شاقىرىپ الۋ تۋرالى قاۋلى قابىلدادى. تەكسەرۋ بارىسىندا ولاردىڭ بيۋدجەتكە 40 ميلليارد دوللار شىعىن كەلتىرگەنى انىقتالدى.
سارسەنبى, 15 اقپان 2012 7:18
ءۇندىستان ورتالىق تەرگەۋ بيۋروسىنىڭ باسشىسى امار پراتاپسينگحتىڭ حابارلاۋىنشا, ەلدەن زاڭسىز شىعارىلعان جانە الەمبويىنشا ۇندىستاننىڭ وفشورلىق ەسەپ-شوتتاردا 500 ميلليارددوللارعا جۋىق قارجىسى جاتىر.
ونىڭ اتاپ وتۋىنشە, سوڭعى جىلدارى ۇندىستاندىق ازاماتتار شۆەيتساريا بانكتەرىنىڭ ءىرى سالىمشىلارى اتانا باستادى. سول قاراجاتتاردىڭ جارتىسىنان كوبى سىبايلاس جەمقورلىق جولىمەن, سونداي-اق سالىقتان جالتارۋ جولىمەن شەتەلگە اۋدارىلعان قارجىلار. اقپاننىڭ باسىندا ءۇندىستان سوتى بايلانىس قىزمەتىن كورسەتۋشى 122 تۇلعانىڭ ليتسەنزياسىن كەرى شاقىرىپ الۋ تۋرالى قاۋلى قابىلدادى. تەكسەرۋ بارىسىندا ولاردىڭ بيۋدجەتكە 40 ميلليارد دوللار شىعىن كەلتىرگەنى انىقتالدى.
ءمۇفتي ورىنباسارىنا قاستاندىق جاسالدى
ستاۆروپول مۇفتيىنىڭ ورىنباسارى قۇرمان يسمايلوۆ قاستاندىقسالدارىنان مەرت بولدى. رەسەي تەرگەۋ كوميتەتىنىڭ وكىلى ۆلاديميرماركيننىڭ ايتۋىنشا, ونىڭ اۆتوماشينەسىنە قۋاتى 400 گرامم تروتيلبولاتىن بومبا قويىلعان.
رەسمي وكىلدىڭ حاباردار ەتۋىنشە, ءمۇفتي ورىنباسارىنىڭ ولىمىنە بايلانىستى قىلمىستىق كودەكستىڭ ءۇش بابى بويىنشا قىلمىستىق ءىس قوزعالعان. تەرگەۋ امالدارى ءارتۇرلى باعىت بويىنشا جۇرگىزىلۋدە, ونىڭ ىشىندە ق.ءيسمايلوۆتىڭ قىزمەتىنە قاتىستى تەكسەرۋ جۇزەگە اسىرىلىپ جاتىر. ينتەرفاكس اگەنتتىگىنىڭ تاراتقان اقپاراتتارىنا قاراعاندا, يسمايلوۆ ۋنيۆەرسيتەتتى بىتىرگەن سوڭ, ماسكەۋدە اۋدارماشى جانە مۇعالىم بولىپ جۇمىس ىستەگەن. كەيىن ءوزىنىڭ تۋعان جەرىنە ورالعان كورىنەدى. ءيسمايلوۆتىڭ ولىمىنە قاتىستى كەيبىر اقپاراتتار ونىڭ ءولتىرىلۋى كاسىبي قىزمەتىنە بايلانىستى دەگەندى العا تارتادى.
تۇبەكتەگى جاعدايدى دۇرىستاسا يگى
امەريكالىق ديپلوماتتار 23 اقپاندا پەكيندە سولتۇستىك كورەياوكىلدەرىمەن كەلىسسوز جۇرگىزەدى. بۇل تۋرالى اقش مەملەكەتتىكدەپارتامەنتىنىڭ سايتىندا حابارلاندى.
اقش دەلەگاتسياسىن كحدر جونىندەگى ارنايى وكىل گلين دەۆيس, سولتۇستىككورەيالىقتاردى كحدر سىرتقى ىستەر ءمينيسترىنىڭ ءبىرىنشى ورىنباسارى كيم گە گۆان باستاپ بارادى. اقش مەملەكەتتىك دەپارتامەنتىنىڭ اقپاراتتارىندا, سونداي-اق كەزدەسۋ بارىسىندا تالقىلاناتىن تاقىرىپتار جونىندە دە ايتىلعان. سونىڭ ءبىرى ءارى ەڭ باستىسى – 2011 جىلعى نيۋ-يورك پەن جەنەۆاداعى كەزدەسۋلەر كەزىندەگى ماسەلەلەردى ءارى قاراي جالعاستىرۋ. بۇل كەزدەسۋلەردە كحدر-دىڭ يادرولىق قارۋسىزدانۋ تۋرالى تاقىرىپتار قوزعالعان ەدى. حالىقارالىق ساراپشىلاردىڭ باعالاۋىنشا, اتالعان كەزدەسۋ كورەي تۇبەگىندەگى جاعدايدى جاقسارتادى.
دىنگە ءتىل تيگىزبەگەن جاقسى
ساۋد ارابياسىندا مۇحاممەد پايعامبارعا ءتىل تيگىزگەنى ءۇشىن جۋرناليست حامزا كاشگاري تۇتقىنعا الىندى. فرانس-پرەسس اگەنتتىگىنىڭ اقپاراتتارى بويىنشا 23 جاستاعى ول مالايزيادان ەر-رياد اۋەجايىنا قونعان ساتتە تۇتقىندالعان.
اتالعان اگەنتتىكتىڭ اقپاراتتارىنا قاراعاندا, حامزا كاشگاريدى تۇتقىنداۋ تۋرالى وردەردى ساۋديا كورولى ابدۋللا بەرگەن. بۇل مەملەكەتتىڭ زاڭنامالارىنا سايكەس يسلامدى بالاعاتتاعان ادام ءولىم جازاسىنا كەسىلەدى. ال حامزا كاشگاري ەر-ريادتان مالايزياعا قاشىپ كەتكەن كورىنەدى. وسى ەلدىڭ بيلىگى ساۋديالىقتارعا تۇسىنىستىكپەن قاراپ, ونى ساۋد ارابياسىنا قايتارۋ جونىندە شەشىم قابىلداعان.
ءزىلزالا قۋاتى 6 باللدان استى
اقش گەولوگيالىق قىزمەتىنىڭ حابارلاۋىنشا, «فۋكۋسيما-1» اتوم ەلەكتر ستانساسى ورنالاسقان اۋداندا كۇشتى جەر سىلكىنىسى بولعان. ونىڭ قۋاتى 6 باللدان اسقان دەگەن بولجام ايتىلۋدا. ءزىلزالانىڭ ەپيتسەنترى توكيو قالاسىنان 165 شاقىرىمداي جەردەگى حونسيۋ ارالىندا بولعان.
جاپونيا مەتەورولوگيالىق اگەنتتىگىنىڭ مالىمەتتەرىنە قاراعاندا, ءزىلزالا قۋاتى 6,2 باللعا جەتكەن, وشاعى جەردەن 10 شاقىرىمداي تەرەڭدىكتە. ءزىلزالا اسەرى ەل استاناسى – توكيودا, باسقا دا وڭىرلەردە بايقالعان. ادام شىعىنى جوق, ب ۇلىنگەن عيماراتتار جونىندە اقپارات تۇسپەگەن. جاپونيادا 2011 جىلعى 11 ناۋرىزدا قۋاتى 9 باللدىق جەر سىلكىنىسى بولعان ەدى. سونىڭ سالدارىنان «فۋكۋسيما-1» اتوم ەلەكتر ستانساسىندا اپاتتىق جاعداي ورىن العان-دى.
وزبەكستان 20 ەلدىڭ قاتارىندا تۇر
امەريكالىق «The Daily Beast» باسىلىمىنىڭ جازۋىنشا, وزبەكستان رەيتينگ بويىنشا الەمدە سىبايلاس جەمقورلىق جايلاعان 20 ەلدىڭ قاتارىندا تۇر.
اتالعان باسىلىم بۇل مالىمەتتى حالىقارالىق ۇكىمەتتىك ەمەس ۇيىمنىڭ دەرەكتەرىنە سۇيەنە وتىرىپ كەلتىرگەن. ۇيىمنىڭ حاباردار ەتۋىنشە, ولار الەمنىڭ 183 مەملەكەتىنىڭ جەمقورلىققا قاتىستى رەيتينگىن سالىستىرعان. تىزىمدە وزبەكستان سوڭىنان ساناعاندا بەسىنشى قاتاردا تۇر. ال باسىلىم مۇنى ەلدەگى ءسوز بوستاندىعىنا قىسىم جاسالاتىنىمەن بايلانىستىرادى.
قىسقا قايىرىپ ايتقاندا:
الەمدەگى ەڭ قىمبات قالا رەتىندە شۆەيتساريانىڭ تسيۋريح قالاسى تانىلدى. بۇعان دەيىن توكيو قالاسى اتانىپ كەلگەن ەدى.
شۆەتسيا چەشەنستان ازاماتى ەميلحان ساداەۆتى تۇتقىننان بوساتتى. ول اسلان ماسحادوۆتىڭ سەنىمدى ادامدارىنىڭ ءبىرى بولعان. ەندى ول شۆەتسيادان ساياسي باسپانا سۇراۋى مۇمكىن.
بريانسك وبلىسىنىڭ كليموۆ اۋدانىنا قاراستى ساچكوۆيچ ەلدى مەكەنىندەگى سايلاۋ ۋچاسكەسىنە ورناتىلعان ۆەب-كامەرا قولدى بولدى.
اقش-تا 23 ميلليون سايلاۋشىنىڭ تىركەلۋىندە بۇرمالاۋشىلىق ورىن العاندىعى انىقتالدى. بۇل تىركەلگەن سايلاۋشىلاردىڭ ءبىراز بولىگىن قۇرايدى. ولاردىڭ 1,8 ميلليونى قايتىس بولعاندار كورىنەدى.
ميۋنحەن اۋەجايىندا ۇزدىكسىز جاۋعان قار سالدارىنان ۇشاق رەيستەرى كەيىنگە شەگەرىلۋدە. اۋەجاي قىزمەتكەرلەرى ۇشۋ-قونۋ الاڭىن قاردان تازارتا الماي جاتىر.
ينتەرنەت ماتەريالدارى نەگىزىندە ازىرلەندى.